Yoane 15:8 - Mɨkan wu Fi

⁸ A nɨ a ntsǎ a ndzum mɨntam mə ghaʼnɨ ma nɨ kónɨ́nə́ mbáʼ mɨ diʼnɨ nɨfáŋ nɨ Ta ɨghan; a nye ndóm məwen nɨ tiʼ mbe bɨyɛʼ ɨbə.

Yoane 15:8 Referans Kwoze

Yoane 8:31

Ma lan, Yeso a tíʼ soŋ a mbó ba bɨ nɨ́ŋnɨ́ mɨntəm ɨma a nye zɨ lá ngə́, “Be nɨ ngěn nɨ mbyi ndzúʼnɨ́ ɨnu tsa ma diʼnə, muŋ, tsɛʼ a nkənu nɨ lá bɨyɛʼ ɨbə.

Matyo 5:16

Ndəŋndəŋ, nkaʼ ɨgho tsi nɨ ɨ zagɨ baŋ a ɨshi ɨbɛn, taŋ á bɨ ndzě ɨfaʼ ɨtso tsə shiʼnɨ, ntíʼə mbóntə́ a Ta ɨgho wa a tsinɨ a fɔməbvurə ghe.”

Filibi 1:11

Ntsi mbyi ɨtsɨŋ mɨ lon nɨ ngótɨ́ ngɨnɨ mɨnu mə shiʼnɨ mbáʼ mɨ lonə tsɛʼ a mbó Yeso Kristo, a ngá nɨfáŋ abɔʼnɨ mbontə a mbó Ŋwi ə.

Yoane 15:5

“Ma nɨ atɨ a mɨntam ma bɨ nyɛtɨnɨ mɨluʼ ɨwu, nɨ be mbó ɨmyi ɛ. Ɨbɛn ba bɨ ghɔŋnɨ a mu ɨnye me, ma kɨ nghɔŋ a mu ɨnye bo, ghɨ kónɨ́ mɨntam á mɨ gháʼ ngɛn nɨ mbyi; mbɨ́ʼ ngə́ o chi koʼ anu zə tsɛrə ghɨ tɨ me ghe.

1 Bita 4:11

ŋwɔn tsum wa a tsinɨ nɨ anu zə soŋnɨ, a mɨ zagɨ soŋ a zɛrə lá tso nkən wa ɨ lonɨ a mbó Ŋwi; ŋwɔn tsum wa a faʼnə, a tsi nɨ faʼə nɨ adaʼ za Ŋwi a ghanɨ wəmbo, taŋ a nye ɨnu ɨtsum, bɨ chi bontɨ a Ŋwi ɨ tsa a ndzum Yeso Kristo, zɨ wa nɨfáŋ tsinɨ wəmbo abɔʼnɨ mɨtən nɨnkoŋ lá. A be lá.

Yoane 13:35

Be nɨ kɔŋnɨ awən bən nɨ bən, muŋ ŋwɔn tsum a mɨ tiʼ zhi ngə́ nɨ nɨ bɨyɛʼ ɨbə.”

1 Korɨnto 10:31

Ma lan, kə o dzɨ mɨdzɨ kə ɨ no mɨluʼ, ghɨ anu atsum a ngá nɨfáŋ a mbó Ŋwi ə.

1 Korɨnto 6:20

zɨ wa a zónɨ́ agho nɨ ndvuŋ tse ghe. Ma lan, á nɨ ngɨ̌ ɨnu nɨ mbəmnye ɨtsən a nye ndóm wa tsɨ mɨ gha nɨfáŋ a mbó Ŋwi ə.

Alukasɨ 6:35

Ngáŋ! Kɔŋ ngaŋ kɨban ɨtso, ngɨ̌ ɨbɔŋ a nye bo ghe; gha a tətsɔʼnɨ koʼ ntsíŋə́ ngə́ á bɨ bə́ mbyigɨ azúm zə tsɛrə ghe. Nɨ mɨ tiʼ tsi nɨ mɨkyaŋnɨ mə wi, ɨ tiʼ be ɨbɔ bɨ Ŋwi Akɔ́ʼɔ́ntsɨrə ghe. Mbɨ́ʼ ngə́ wɛrə a bɔŋ a mbó bɨtɨbemtɨ anu zə shiʼnɨ bo bɨ bə abɨgəntəm ə.

1 Bita 2:12

Mbɔm ɨzən a tɨtərɨ ba a se bə Yuda be tsi nɨ mbɔŋə be tɨ́sə́n a nye ndóm wa a nkfu za bɨ kaŋnɨ awən ngə́ nɨ nɨ ngaŋ ngɨ ɨnu tsɨ tɔmnɨnɨ, bɨ mɨ ze ngɨnɨ mɨnu ɨmən mə shiʼnɨ, ma lan, ɨ bontɨ a Ŋwi a Njwi wa wɛrə a lo bə yen lá.

Tɨ́tósɨ 2:10

kə ɨ ŋwǎ ɨdzúm ɨtsa ghe. Bo tsi nɨ ɨ baŋnɨ diʼ be ngə́ bo bɔŋ nkə́ faʼə tsɛʼ nɨ táʼ ntəm taŋ a nye ɨnu ɨtsum tsa bo ghɨnə, bo mɨ yen nɨ ɨkum wu shiʼnɨ a nye ɨnu tsa bɨ diʼnə mbɨ́ʼ a Ŋwi Ndoŋ ɨwɨgɨnə lá.

Tɨ́tósɨ 2:5

ɨ chwatɨnɨ ɨnye ɨtsa ɨ kɨ lán, ɨ be bəngye bə nɨzɔ́ʼ bə shiʼnɨ, ɨ tsi nɨ ntəm ngɨ ɨbɔŋ, ɨ kə́ zuʼnɨnə bɨlóm ɨba, taŋ á ŋwɔn tse a ghɨ nkeʼ gham ɨnu tsɨ tɔmnɨnɨ mbɨ́ʼ nɨgham nɨ Ŋwi ə.

Matyo 5:44

Lá tɨtsɔŋnɨ ma soŋ a mbó bən ngə́, kɔŋnə ngaŋ kɨban ɨtsən nkə́ ntsaʼtɨnə a Ŋwi atú ɨbɛn ba bɨ dɨ́gɨ́nə́ awən,

Matyo 9:8

Mbáʼ ɨnɔ wa zɛ́nɨ́ anu za a fúnɨ́ lá, ntsi nɨ nɨbɔgɨ, ntiʼ mbontɨ a Ŋwi mbɨ́ʼ ngə́ wɛrə a gha abə́ŋ a mɨtən məzen a mbó ŋwɔn mɨsɔŋ a ntsu ə.