Yoane 15:7 - Mɨkan wu Fi

⁷ Be nɨ ghɔŋ a mu ɨnye me, mɨgham ɨmə kɨ nghɔŋ a mu ɨnye bən, muŋ nɨ mɨ bitɨ azúm atsum za nɨ kɔŋnɨ ɨ kɨ tsi nɨ zɛrə ghe.

Yoane 15:7 Referans Kwoze

1 Yoane 5:14

Bɨgɨnə tsi nɨ nkotɨ mbáŋnɨ́ a ɨshi ɨmɨgɨ Ŋwi, mbɨ́ʼ ngə́ bɨgɨnə zhi ɨ shiʼnɨ ngə́ wɛrə a zúʼə awɨgɨnə mbáʼ be bɨgɨnə lɔntɨ azúm zə tsɛrə a mbó zɨ ndzɔŋə adzaŋ za wɛrə a lɔnə lá.

Yoane 14:13

Ma ghɨ tíʼ ghɨ anu atsum za nɨ bitɨnɨ nɨ ɨkum ɨghan, taŋ á bɨ tsa a ndzum Mɔn ndiʼ nɨfáŋ nɨ Tarɨ ə.

1 Yoane 3:22

Bɨgɨnə kwárə́ wəmbo azúm atsum za bɨgɨnə bitɨnɨ, mbɨ́ʼ ngə́ bɨgɨnə zúʼnɨ́ ntɨgə ɨchi nkə́ ngɨə a za a ghɨnə ɨnye ɨzhi bɔŋənə ghe.

Yoane 15:16

Nɨ sé aghan zarɨ; ma zárɨ́ awən nkɨ ntsɔ́ʼ awən ngə́ á nɨ ghɛn nkónɨ́ mɨntam mə ghaʼnɨ, ɨbə́ŋ mɨntam ma mɨ ghɔ́ŋnə́ nɨnkoŋ ə. Ma lan, Tarɨ a mɨ gha azúm atsum za nɨ bitɨnɨ wəmbo nɨ ɨkum ɨghə.

Matyo 7:7

“Bitə, o mɨ kwarə; shwaʼə; o mɨ ze; kwɛntə, bɨ mɨ ŋaʼ ntsu ndá a mbó gho ghe.

Yoane 16:23

Njwi məza ghɨ ngyén muŋ nɨ mɨ keʼ aghan nɨ azúm zə tsɛrə bitə. Tsɛʼ a nkənu ma soŋə awɨŋ ə: Tarɨ a ghɨ ghá awən nɨ azúm atsum za nɨ bitɨnɨ wəmbo nɨ ɨkum ɨghə.

Galesha 5:16

Anu za ma sóŋnə́ lá a nɨ ngə́: á nɨ nyɛʼtɨ Azhwi a Ŋwi á ntsɨ̌ŋnɨ̌ ntsi mbyi ɨtsən, nɨ mɨ keʼ nkə́ ngɨ̌ ɨnu tsa mbəmnye lɔnə ghe.

1 Yoane 2:27

Lá a mbó bən, Kristo a chwɨrɨnə azhwi azhi atú bɨŋ ə. Nkfu za Azhwi azhi a ghɔŋnɨ a mu ɨnye bən, ka nɨ ndǒ awɨŋ a ŋwɔn tse ngə́ á diʼ awɨŋ ə. Mbɨ́ʼ ngə́ Azhwi azhi a diʼə awən mbɨ́ʼ ɨnu ɨtsum, anu atsum za a diʼnə a be nkənu, nkeʼ ɨchwenu be. A nɨ tiʼə ndzúʼnə́ anu za Azhwi a diʼnə awən nɨ zɛrə, ntiʼ nkɨ ngɔŋ a mbúm bɨŋ bɨ Kristo ghe.

1 Yoane 2:14

Ma ŋwaʼnə a mbó bən, nə ɨbɔ ɨban mbɨ́ʼ ngə́ nɨ zhi a Tarɨ ə. Ma ŋwaʼnə a mbó bən, nə bɨtarɨ, mbɨ́ʼ ngə́ nɨ zhi a wɛrə wa a kwɛ́nə ntsi ɨ lɔgɨnɨ a mbiʼnə ghe. Ma ŋwaʼnə a mbó bən, nə nkaŋ ŋwɔn, mbɨ́ʼ ngə́ nɨ tən; nɨgham nɨ Ŋwi tsinə a mu ɨnye bən, nɨ kɨnə nkɨ ngháʼ a Wu Ntɔmnɨnɨ wa.

Kolose 3:16

A nkən mbɨ́ʼ a Kristo ɨ tsi a mu mɨntəm ɨmən tsɛʼ ɨ shiʼnɨ ɨ shiʼnɨ ə. A nɨ ndíʼə nkə́ ntɨ́gɨ́tə́ a ŋwɔn nɨ ŋwɔn nɨ abə́ŋ a zóŋ atsum ə. A nɨ ndzɔ́bə́ ɨzɔbɨ nkyi tsa tsɨ tsinɨ a mu aŋwaʼnɨ a Ŋwi abɔʼnɨ ɨzɔbɨ nkyi azhwi nɨ ɨzɔbɨ nkyi tsɨ fɛmnɨ; á nɨ ndzɔ̌b mɨnkyi a mbó Ŋwi nɨ nga mɨya a mu mɨntəm ɨmɨŋ ə.

Yoane 8:37

Ma zhi ngə́ nɨ nɨ ɨbɛn bɨ ɨlə̌ Abraʼm ə. Lá nɨ bvurə ndǒ njwitɨ me, mbɨ́ʼ ngə́ anu za ma diʼnə chi keʼ zɛn adiʼ a mu mɨntəm ɨmɨŋ ə.

Galesha 4:2

A nkfu za a bvurɨnɨ wu mbɔrɨ, ɨbɛn tsi ɨwu ba bɨ lánɨ́ atú wə ɨnye nkə́ ndə́ŋtɨ́ ɨnu ɨchi ɨ kɔʼ kuʼ nkfu za ta ɨyi a lɛnə.

Yoane 8:31

Ma lan, Yeso a tíʼ soŋ a mbó ba bɨ nɨ́ŋnɨ́ mɨntəm ɨma a nye zɨ lá ngə́, “Be nɨ ngěn nɨ mbyi ndzúʼnɨ́ ɨnu tsa ma diʼnə, muŋ, tsɛʼ a nkənu nɨ lá bɨyɛʼ ɨbə.