Yoane 15:5 - Mɨkan wu Fi

⁵ “Ma nɨ atɨ a mɨntam ma bɨ nyɛtɨnɨ mɨluʼ ɨwu, nɨ be mbó ɨmyi ɛ. Ɨbɛn ba bɨ ghɔŋnɨ a mu ɨnye me, ma kɨ nghɔŋ a mu ɨnye bo, ghɨ kónɨ́ mɨntam á mɨ gháʼ ngɛn nɨ mbyi; mbɨ́ʼ ngə́ o chi koʼ anu zə tsɛrə ghɨ tɨ me ghe.

Yoane 15:5 Referans Kwoze

Filibi 4:13

Ma chi ghɨ ɨnu ɨtsum a ntsǎ a ndzum Kristo, zɨ wa a ghánɨ́ adaʼ a mbó me ghe.

Kolose 1:10

Nɨ mɨ chi tiʼə tsinə adzaŋ za Maʼmbyí a lɔnə ɨ kə́ gháʼə ghɨnɨ ɨnu tsa tsɨ ghɨnə ɨnye wɛrə bɔŋənə ghe. Ntsi mbyi ɨtsɨŋ mɨ fɨgɨ ɨbə́ŋ ngɨnɨ mɨnu mə shiʼnɨ mɨtsum ə. Nɨ mɨ kɨ kwi a mu azhyɛ a Ŋwi azɨŋ ə.

Yoane 15:16

Nɨ sé aghan zarɨ; ma zárɨ́ awən nkɨ ntsɔ́ʼ awən ngə́ á nɨ ghɛn nkónɨ́ mɨntam mə ghaʼnɨ, ɨbə́ŋ mɨntam ma mɨ ghɔ́ŋnə́ nɨnkoŋ ə. Ma lan, Tarɨ a mɨ gha azúm atsum za nɨ bitɨnɨ wəmbo nɨ ɨkum ɨghə.

Galesha 5:22

Lá Azhwi a Ŋwi a jwiə akɔŋnɨ, nɨdorɨ, mbɔnɨ, nchigə, nchyɛ nɨ ntəm ngɨ ɨbɔŋ, ɨbɔŋ, ɨfaʼə nɨ táʼ ntəm,

2 Korɨnto 13:8

Mbɨ́ʼ ngə́ bɨgɨ chi keʼ ghɨ anu zə tsɛrə a mbvurɨ nkənu, bɨgɨ baŋnə fáʼə be tsɛʼ mbɨ́ʼ a zɛrə ghe.

Yoane 5:19

Yeso a chwɨ́gɨ́ a mbó bo ngə́, “Ma soŋ nkənu a mbó bɨŋ ə; Mɔn Mbáŋnɨ́ a chi keʼ anu zə tse nɨ atú azhi ghɨə; a ghɨə tsɛʼ anu za a zɛ́nə́ Ta ɨyi a ghɨnə ghe. Anu za Tarɨ a ghɨnə, Mɔn Mbáŋnɨ́ a kə́ ngɨə ghe.

Jemsɨ 1:17

Azúm zə ghanɨ atsum za a bɔŋnɨ abɔʼnɨ azúm atsum za a kɔʼnɨ ntɛm ngə́ tsáŋ a lǒ lá a fɔməbvurə; a lǒ lá a mbó Tarɨ, zɨ wa a káʼnɨ́ mɨnkaʼ ma mɨ tsinɨ a fɔməbvurə lá. Ka wɛrə a ndaʼə nkwébtə́ ayi ɛ, lá mɨnkaʼ ma mɨ baŋnə lá yiŋənə nɨ kwebtɨ ə.

2 Bita 3:18

Lá á nɨ ngěn nɨ mbyi nkwiə a mu abɔŋəntəm abɔʼnɨ nji Maʼmbyí, Ndoŋ ɨwɨgɨnə Yeso Kristo ghe. A nɨfáŋ tsi wəmbo tɨtsɔŋnɨ, nkɨ ntsi wəmbo nɨnkoŋ ə! A be lá.

Yoane 12:24

Ma sǒŋ nkənu a mbó bɨŋ ə: mbum nchwi ɨ ghɔ́ŋə́ tsɛʼ zɛrə zɛrə mbáʼ be bɨ tú bi a zɛrə a ɨshe, á ɨ kfoə, be ɨ kfo, ɨ tiʼ ntom ngɨ mbum tsə ghaʼnə.

Roma 7:4

Ɨbɔmbɨma, nə nɨ adzaŋ za nɨ tsinɨ nɨ nchyɛ ghe. Be bɨ ghángə́ bɨ ghamə mbɨ́ʼ a Nyɔngɔŋ, nɨ kɨnə nkɨ nkfo mbɨ́ʼ ngə́ nɨ nɨ bagɨ ɨnye Kristo ghe; tɨtsɔŋnɨ nɨ tiʼ ntsi lá a mbó zɨ wa bɨ zhwémnɨ́nɨ́ a mbó nɨvwo taŋ á bɨgɨnə chi tiʼ be ngaŋ afaʼ Ŋwi ə.

Filibi 1:11

Ntsi mbyi ɨtsɨŋ mɨ lon nɨ ngótɨ́ ngɨnɨ mɨnu mə shiʼnɨ mbáʼ mɨ lonə tsɛʼ a mbó Yeso Kristo, a ngá nɨfáŋ abɔʼnɨ mbontə a mbó Ŋwi ə.

Yoane 9:33

Ŋwɔn wen a be tú lá a mbó Ŋwi lo, muŋ a chi keʼ anu zə tse ghɨə.”

Filibi 4:17

Ka a be ayi tsɛʼ ngə́ ma lǒ nkwarɨ ɨdzúm tsə ghanɨ ə; a baŋnɨ mbe be ngə́ ma lǒ ndze ngə́ bɨ kwiʼtɨ ngɨnɨ mɨnu mə shiʼnɨ a nye ma nɨ kwɛnə ntsi nɨ mɛrə ghe.

Roma 6:22

Lá tɨtsɔŋnɨ wa bɨ kyɛtɨnɨ mɨnkɨ mɨ ɨbvu a nye bən, ntiʼ mbəŋ awən a nye ɨbuʼ Ŋwi lá, abi azhi a nɨ ngə́ bɨ ghɨ nɨ fɛm, ndwitɨ ɨzhi be ntsi ntən nɨnkoŋ ə.

Ɨfaʼ 4:12

Bɨ chi loŋ a ŋwɔn ɨ tsa lá tsɛʼ a ndzum zɨ, nkeʼ ŋwɔn adaŋ be; a mu mbyi ziŋ tsum, ka ŋwɔn adaŋ a tsi ayi ɨwu wa Ŋwi a ghanə mbáʼ a chinɨ loŋ awɨgɨnə ghe.”

1 Korɨnto 12:12

Kristo a tsi lá tso táʼ mbəmnye za ɨ tsinɨ nɨ ɨlam ɨnye tsə ghaʼnə; bɨ baʼtɨ nkumnkɨ mbəmnye məzen nɨ ɨlam ɨnye atú atú lá, a kɨ mbvurɨ mbe tsɛʼ táʼ mbəmnye.

1 Bita 2:4

A nɨ yen a mbó Maʼmbyí, zɨ wa nɨ ngɔʼ za ɨ ghánɨ́ ntsi ntən za ɨbɛn nyɛʼnɨ ngə́ ɨ nɨ azúm adaŋədaŋə, lá Ŋwi a tsɔʼ a zɛrə tso azúm za a tsinɨ nɨ ɨlɨŋ ə.

1 Korɨnto 12:27

Bən bɨtsum lá mbəmnye Kristo, táʼ ŋwɔn nɨ bən a be alam a ɨnye a zɛrə ghe.

Ɛfɛso 5:9

mbɨ́ʼ ngə́ za ŋwɔn wa a tsinɨ a mu nkaʼ a tsínə́ nɨ zɛrə nɨ abə́ŋ a ɨbɔŋ atsum, ɨnu tsɨ chinɨnɨ abɔʼnɨ nkənu ə.

2 Korɨnto 9:10

Ŋwi, zɨ wa a ghánɨ́ ngwəgɨ ɨdzúm abɔʼnɨ mɨdzɨ mə dzɨnɨ, a mɨ kɨ gha ngwəgɨ ɨdzúm tsa nɨ lɔnə, ɨ kɨ ghɨ á tsɨ tom nkwi nga nɨfuʼ nə wi, ndo a mu adzaŋ za nɨ ghánə́ tə́ ndə́ŋtə́ ghe.

Kolose 1:6

Nkən wu shiʼnɨ yiŋə nɨ ɨfɔgə nkə́ ndzágɨ́nə́ a mu mbyi tsum, tsɛʼ adzaŋ za ɨ dzagɨnɨnə a tɨtərɨ bən nchwuʼnɨ njwi za nɨ fómnɨ́ ndzúʼ mbɨ́ʼ abɔŋəntəm a Ŋwi, ngɨ́ nkɨ́ njí a zɛrə tsɛʼ adzaŋ za a lanɨnɨ mbe lá.

Roma 12:5

Ndəŋndəŋ, bɨgɨnə baʼtɨ ngháʼ ɨ ghaʼnɨ lá, mbe táʼ mbəmnye za ɨ tsinɨ a mbúm bɨgɨnə bɨ Kristo, bɨgɨnə bɨtsum chwuʼnɨ a nye ŋwɔn nɨ ŋwɔn tso mbáʼ ɨlam ɨnye táʼ mbəmnye chwuʼnɨnɨ awa lá.

1 Korɨnto 10:16

Nkfu tsum za bɨgɨnə nónɨ́ mɨluʼ a mu ndɔ́ŋ za bɨ ghánə́ a mɨya a mbó Ŋwi nɨ zɛrə a nkfu ntárɨ́ Maʼmbyí lá, bɨgɨnə bɨtsum kə́ nǒ lá alɛm a Kristo ghe. Nkfu tsum za bɨgɨnə batɨnɨ abán za nkfurɨ lá, bɨgɨnə bɨtsum kə́ nkfúrə́ lá ɨnyam ɨnye Kristo ghe.

Matyo 13:21

Lá ɨ bvurɨ mɨngaŋ a ntəm bo tɨ twəŋ, bo tsitɨ tsɛʼ a nye məkum a nkfu ə. Ma lan, ngɨ́ʼ abɔʼnɨ ndɨgə yen mbɨ́ʼ nkən wa, bo byi nyɛʼ a wɛrə nkɨə awa ghe.