Yoane 15:4 - Mɨkan wu Fi

⁴ Nɨ ghɔŋ a mbúm bɨgɨnə a ɨnye me, á ma kɨ ntsi a mbúm a ɨnye bɨŋ ə. Abó atɨ a chi keʼ konɨ mɨntam zɨzɨ; a chi konɨ tsɛʼ mbáʼ be a bvurɨ nchwuʼnɨ a nye atɨ ə. Ndəŋndəŋ, nɨ chi keʼ mɨntam konɨ tɨgha nɨ chwuʼnɨ ɨtumbəm ɨtsən a nye me ghe.

Yoane 15:4 Referans Kwoze

1 Yoane 2:6

ɨbɛn ba bɨ soŋnɨ ngə́ bo ghɔŋ a mbúm bo bɨ Ŋwi, tsi nɨ ntsi ntsi mbyi ɨza tsɛʼ adzaŋ za Kristo a tsínɨ́ ɨzhi lá.

Galesha 2:20

taŋ á tiʼ mbe ngə́ ka bə mbvurɨ mbe ayi me wa ma tsinɨ ntən, lá a nɨ zɨ Kristo mbáʼ a tsinɨ ntən a mu ɨnye me ghe. Ntsi ntən za ma tsinɨ ɨwu tɨtsɔŋnɨ, ma chyɛ̌ ntsǎ lá a ndzum abeməntəm za ma tsinɨ nɨ zɛrə a nye Mɔn Ŋwi, zɨ wa a kɔ́ŋnɨ́ aghan nga ntsi ntən ɨzhi tso mɨtsuʼnɨ mɨ atú mbɨ́ʼ aghan lá.

Yoane 8:31

Ma lan, Yeso a tíʼ soŋ a mbó ba bɨ nɨ́ŋnɨ́ mɨntəm ɨma a nye zɨ lá ngə́, “Be nɨ ngěn nɨ mbyi ndzúʼnɨ́ ɨnu tsa ma diʼnə, muŋ, tsɛʼ a nkənu nɨ lá bɨyɛʼ ɨbə.

2 Yoane 1:9

Ŋwɔn tsum wa mbáʼ a se ghɔŋ a mu za Kristo a díʼnɨ́, lá ntsa fəŋ a zɛrə, ka a tsi ayi nɨ Ŋwi ə. Ŋwɔn tsum wa a ghɔŋnɨ a mu ndiʼə zɨ Kristo, a tsi a mbúm bo Tarɨ nɨ Mɔn ə.

Yoane 6:56

Ɨbɛn ba bɨ kfúrɨ́nɨ́ ɨnyam ɨnye ɨzan nkə́ nǒ alɛm azan chyɛ̌ a mu ɨnye me, ma kə nchyɛ̌ a mu ɨnye ɨtsa ghe.

Filibi 1:11

Ntsi mbyi ɨtsɨŋ mɨ lon nɨ ngótɨ́ ngɨnɨ mɨnu mə shiʼnɨ mbáʼ mɨ lonə tsɛʼ a mbó Yeso Kristo, a ngá nɨfáŋ abɔʼnɨ mbontə a mbó Ŋwi ə.

Yoane 14:20

Njwi za ghɨ nkúʼ, nɨ mɨ zhi ngə́ ma tsi a mu ɨnye Ta ɨghan, ɨ kɨ zhi ngə́ nɨ tsi a mu ɨnye me, tsɛʼ tso mbáʼ ma tsinɨ a mu ɨnye bən lá.

Alukasɨ 8:15

Mbum tsa tsɨ vwókɨ́nɨ́ atú ɨshe nɨkomə lá, tsɨ diʼ lá ɨbɛn ba bɨ zuʼnɨ anu a Ŋwi ndɛn a zɛrə a mu ntəm wu shiʼnɨ nkə́ nchigɨ mɨntəm ɨma ɨ kɔʼ kuʼ nkfu za a ghɨ yen nɨ anu zə shiʼnɨ ə.”

2 Korɨnto 13:5

Nɨ liŋ ɨtumbəm ɨtsən ndzɛn ngə́ nɨ lanɨ mbvurɨ nchwa abeməntəm azən a tɨŋə. A nɨ zhwəŋtɨ ɨtumbəm ɨtsɨŋ ə. Nɨ se zɛn ngə́ Kristo Yeso a tsi a mu ɨnye ɨtsən le? Be a tú ma lá be, a be ngə́ o vwoə.

Kolose 2:6

Tso mbáʼ nɨ bemnə a Kristo Yeso tso Maʼmbyí lá, á nɨ nchyɛ̌ a mbúm bɨŋ bo ghe.

Kolose 1:27

Akyaŋtɨ a Ŋwi a nɨ ngə́ á wɛrə a kyɛʼ anu a nkubə azhi a mbó ɨbɛn ɨbyi, anu a nkubə za a dɨrɨnɨ nkɨ ndon nɨ nɨfáŋ na wɛrə a lɛnɨ a mbó ɨbɛn bɨtsum lá. Anu a nkubə məzen a nɨ ngə́ Kristo a tsi a mu ɨnye bən, mbáʼ a diʼnɨ lá ngə́ nɨ ghɨ kɨ tsi nɨ nɨfáŋ nɨ Ŋwi ə.

Ɨfaʼ 14:22

Bo nɨ́ŋ mɨntəm mɨ ɨbɛn ba bɨ nɨ́ŋnɨ́ mɨntəm ɨma a nye Kristo nkɨ ngwɔŋtɨ awa ngə́ á bo keʼ chiʼnɨ a mu abeməntəm aza ghe. Bo díʼ awa ngə́, “Bɨgɨnə mɨ zagɨ ze ngɨ́ʼ zɨ ngwi bɔŋ ɨ kon a mu Nɨfɔ nɨ Ŋwi ə.”

Yoane 17:23

á ma tsi a mbúm bɨgɨ bo, o kɨ ntsi a mbúm bɔgə, taŋ á bo be táʼ azúm ɨ ghɛn mɛtɨ, taŋ á atuəshe a chi zhi ngə́ o tságɨ́ aghan, nkɨ nkɔŋ awa adzaŋ za o kɔŋnɨ aghan lá.

Ɛfɛso 3:17

Ma kə́ ntsáʼtə́ a Ŋwi ngə́ á Kristo a vwu njwuʼ ɨzhi a mu mɨntəm ɨmən ntsa a ndzum abeməntəm ə. Ma tsaʼtə a Ŋwi ngə́ á nɨ twəŋ mɨngaŋ ɨmən á mɨ shwi, ntən a mu akɔŋnɨ,

Ɨfaʼ 11:23

Wɛrə a ghɨnə ngyén nkón, ndzɛ́n adzaŋ za Ŋwi a fɔ́gɨ́nɨ́ ɨbɛn ba, ndorɨ tsɛʼ nkə. Wɛrə a tíʼ ngwɔŋtɨ awa ngə́ á bo fáʼə nɨ táʼ ntəm a mbó Maʼmbyi nkə́ sóŋə́ tsɛʼ nkənu nkfu tsum ə.

Kolose 1:23

mbáʼ be nɨ mɨ zagɨ ɨ ghěnə nɨ mbyi a mu abeməntəm za, ɨ tɛm ɨ tɨŋə ngə́ twə́ŋ nkeʼ nchíʼnə́, ɨ keʼ kɨ nyɛʼtɨ ɨtumbəm ɨtsən á azúm zə tsɛrə a chiʼtɨ ntsiŋə nɨ ntəm tsum za nɨ kwárɨ́nɨ́ a nkfu za bɨ sóŋnɨ́ nkən wu shiʼnɨ a mbó bən lá. Me Baolo, ma bə́ŋ ngaŋ afaʼ lá a ndaʼ nkən wu shiʼnɨ məwiŋ ə. Nkən wu shiʼnɨ məwen bɨ soŋnə a wɛrə a mbó ŋwɔn tsum a mu mbyi ɛ.

1 Tesalonaika 3:5

Nə nɨ anu za ma tsínɨ́ nɨ ntsagɨ Timotyo lá. Ma kɨ chi kaʼ bə ngɛn nɨ mbyi a nchigɨ ntəm, ma lan, ma tságɨ́ ayi ngə́ á tsɔʼ aku mbɨ́ʼ abeməntəm azɨŋ ə. Tsɛʼ a nkənu, a kɨ chi keʼ be ngə́ Dəbɨrɨ a kwáʼnɨ́nə awən, ɨfaʼ ɨwɨŋ ɨtsum tsa atú adaŋədaŋə ghe!

Ɛbal 10:39

Lá ka bɨgɨnə tsi awɨgɨnə abɔʼnɨ ɨbɛn ba bɨ furɨnɨ ndzum ɨtsa a nye wɛrə, ma lan, bɨ tiʼə nkə́ ntsə́nkə́ awa lá. Bɨgɨnə baŋnɨ ntsi be abɔʼnɨ ba bɨ tsinɨ nɨ abeməntəm ntiʼ ntsi nɨ ɨloŋ ə.

Matyo 12:33

“Be o tsi nɨ mɨntam mɨ atɨ mə shiʼnɨ, lá be ngə́ mɨ zagɨ ndo lá a nye atɨ zə shiʼnɨ ə; be o tsi nɨ atɨ a tɨbɔŋ, lá be ngə́ o mɨ tsi nɨ mɨntam mɨ atɨ mə tɨbɔŋ ə. Bɨ zhyɛ̌ atɨ lá a nye abə́ŋ a mɨntam za a kónɨ́nə́ ɨwu ə.