Yoane 15:2 - Mɨkan wu Fi

² Wɛrə a bɛ́ʼtɨ́ abó atɨ atsum za ka a nkónə́ ayi mɨntam nkə́ nyɛ́tɨ́ abó atsum za a kónɨ́nɨ́ mɨntam, taŋ á atɨ za a fɛm nkɨ nkonɨ mɨntam mə ghaʼnə.

Yoane 15:2 Referans Kwoze

Matyo 3:10

Ndzam ɨ tsinə abó a ngwarɨ atɨ atsum a nye mɨngaŋ ɨmyi ɛ; atɨ atsum za ka a nkónə́ ayi mɨntam mə shiʼnɨ, bɨ mɨ warɨ ɨ maʼ a mu ɨmugɨ ə.

Matyo 15:13

Yeso a chwɨ́gɨ́ ngə́, “Atɨ atsum za Ta ɨghan a fɔməbvurə a sé bi, bɨ ghɨ dvuŋ a zɛrə ghe.

Nkyɛʼə 3:19

Ma ghamtə nkə́ nɨ̌ŋ ngɨ́ʼ a nye ŋwɔn tsum wa ma kɔŋnə. A nɨ mbɛ́bə́ a mbəŋ mɨntəm ɨmən a nye mɨbvu ɨmɨŋ ə.

Yoane 15:8

A nɨ a ntsǎ a ndzum mɨntam mə ghaʼnɨ ma nɨ kónɨ́nə́ mbáʼ mɨ diʼnɨ nɨfáŋ nɨ Ta ɨghan; a nye ndóm məwen nɨ tiʼ mbe bɨyɛʼ ɨbə.

Matyo 13:12

Mbɨ́ʼ ngə́ ŋwɔn tsum wa a tsinɨ nɨ azúm; bɨ ghɨ kwiʼtɨ, taŋ á tiʼ ntsi nɨ zɛrə á ghaʼ be tɨsɨŋə; lá ŋwɔn wa a tsinɨ mbômbô, tsɛʼ mɨnyiə wa a tsi nɨ wɛrə lá, bɨ ghɨ kwárə́.

Matyo 3:12

Wɛrə a tsi nɨ asəŋ a fɛgɨ ɨdzúm azhi, a fɛ́gɨ́ nchwi ɨzhi tsum ɨwu ə. Wɛrə a ghɨ́ ma lan, a mɨ tiʼ ghotɨ nchwi ɨzhi a mu ntaŋ mɨdzɨ ɨyi, lá ɨ tɔn ntsaʼ tsa a mu ɨmugɨ nɨnkoŋ ə.”

Matyo 21:19

Wɛrə a zɛ́n atɨ a figɨ a ngɔbɨ ndómnji, ngɛn ɨwu, nkeʼ azúm zə tse ɨwu zɛn ntsa ɨzəŋ ɨtɨ tsɛrə tsɛrə ghe. Ma lan, wɛrə a sóŋ a mbó atɨ za ngə́, “O láʼ koʼ mɨntam mə tse bə nkwiʼ nkónə́!” Atɨ a figɨ za a byí ndzómnkɨ́ tsɛʼ a nyom məwa.

Ɛbal 12:15

A nɨ zagɨ ndzɛn ngə́ ŋwɔn tsum a tɨtərɨ bən a kwarɨ abɔŋəntəm a Ŋwi; á ŋwɔn tse a tɨtərɨ bən a keʼ tsi tso atɨ a ndyíʼ za a tomnɨ taŋ ɨ bvugɨ ndum, ɨ shwiʼ a bə ghaʼnɨ ə.

Yoane 15:16

Nɨ sé aghan zarɨ; ma zárɨ́ awən nkɨ ntsɔ́ʼ awən ngə́ á nɨ ghɛn nkónɨ́ mɨntam mə ghaʼnɨ, ɨbə́ŋ mɨntam ma mɨ ghɔ́ŋnə́ nɨnkoŋ ə. Ma lan, Tarɨ a mɨ gha azúm atsum za nɨ bitɨnɨ wəmbo nɨ ɨkum ɨghə.

Alukasɨ 8:13

Mbum tsa tsɨ vwókɨ́nɨ́ atú aláŋsə́ ngɔʼ diʼ lá ɨbɛn ba bɨ zuʼnɨ anu a Ŋwi, nkɨ ndanɨ nkwarɨ a zɛrə tsɛʼ nɨ nɨdorɨ ə. Lá nɨ ghɔŋ be atú a ntəm bo nkeʼ kunkɨ a mu ɨnye bo; bo nɨŋ mɨntəm ɨma ɨwu tsɛʼ a nye mə baŋtɨ, lá a nkfu za azhwəŋtɨ a yenɨ, bo bəŋ mɨntəm ɨma ghe.

1 Yoane 2:19

Ɨbɛn biŋ sé tsi a mu adzɨnɨ azɨgɨnə ghe, nə nɨ anu za bo nyɛ́ʼtɨ́nɨ́ awɨgɨnə; bo bé lanɨ be lá bagɨ adzɨnɨ azɨgɨnə, muŋ bo ghɔ́ŋ bɨgɨnə bo ghe. Lá bo nyɛ́ʼtɨ́ awɨgɨnə lá taŋ á lán ngə́ kə́ tsɛʼ táʼ ŋwɔn nɨ bo a sé lanɨ ntsi bɨgɨnə bo ghe.

Tɨ́tósɨ 2:14

Wɛrə a ghá atuəmbəm azhi mbɨ́ʼ awɨgɨnə, a fɨ́gɨ́ bɨgɨnə a mbó abɨgəntəm atsum, ɨ kɨ ghɨ awɨgɨnə á bɨgɨnə be ɨbɛn ba bɨ lánɨ́ ba bɨ tsinɨ tsɛʼ a mbó zɨzɨ, nkə́ mbɛ́bə́ a ngɨ ɨbɔŋ ə.

1 Korɨnto 13:1

Be a be ngə́ ma chi gham mɨgham mɨ ŋwɔn mɨsɔŋ a ntsu kə ɨ kwiʼtɨ a nə bɨtsen bɨ ndá bɨ Ŋwi, lá nkaʼ nɨ akɔŋnɨ tsi muŋ ma tsi lá tsɛʼ tso nkəm za ɨ ghamnə kə tso ɨbabtɨ ɨbagɨ ɨtɨŋə tsa bɨ búʼnə́ ghe.

Roma 8:28

Bɨgɨnə zhi ngə́ anu atsum za a fúnə́ a nye bɨgɨnə, Ŋwi a kyáŋtə́ ngə́ á fu mbe zə shiʼnɨ a mbó bɨgɨnə ba bɨ kɔŋnɨ ayi, bɨgɨnə ba Ŋwi a tsɔʼnɨ taŋ ɨ ghɨ á anu za wɛrə a lɔnə á fuə.

Yoane 17:12

Nkfu za ma tsínɨ́ bɨgɨ bo, ma yémnkɨ́ awa bo tsi ɨ shiʼnɨ nɨ adaʼ za a tsinɨ a nye ɨkum ɨgho, ɨkum wa o ghánɨ́ a mbó me lá. Ma yémnkɨ́ awa, kə́ tsɛʼ táʼ a keʼ byé, ntsatɨ a wa a tsínɨ́ ɨ láʼ byé — taŋ á kɔʼ mbomnkɨ bo za aŋwaʼnɨ a Ŋwi a kwɛ́nə soŋə.

Matyo 13:33

Yeso a kwíʼ nkɨ́ ná nɨgham nə mɔʼɔ a mbó bo ngə́, “Nɨfɔ nɨ fɔməbvurə be lá tso ngə́ mangye a lɔgɨ mbɛgə ntɔbɨ a mu ɨtú ɨkáŋ abán tsi tárə́, abán za tɛm ɨ fugɨ nkɔʼə.”

Matyo 7:19

Atɨ atsum za ka a nkónə́ ayi mɨntam mɨ atɨ mə shiʼnɨ, bɨ mɨ warɨ a zɛrə ɨ maʼ a mu ɨmugɨ ə.

Matyo 25:29

Mbɨ́ʼ ngə́ a mbó ŋwɔn tsum wa a tsinɨ nɨ zɛrə, bɨ ghɨ kwiʼtɨ, á tiʼ nkɨ ntsi nɨ zɛrə a nɨghaʼ ə; lá a mbó ŋwɔn wa ka a tsi ayi nɨ zɛrə, tsɛʼ mədiʼ wa a tsinɨ nɨ wɛrə, bɨ ghɨ kwárɨ́ wəmbo ɨ lo nɨ zɛrə ghe.

Marɨkusɨ 4:20

Lá mbum tsa bɨ warɨnɨ atú ɨshe zɨ shiʼnɨ lá, tsɨ nɨ ɨbɛn ba bɨ zuʼnɨ nkən wa, mbem a wɛrə, nkonɨ mɨntam, ɨ fɨgɨ nchwi nkfu mɨghúm mɨntárə́, mɨghúm mi ntugə, táʼ nkɨ ntsa adzaŋ za bɨ bínə́.”

Yoane 15:1

Ma nɨ ngótɨ́ atɨ a mɨntam ma bɨ nyɛtɨnɨ mɨluʼ ɨwu, Ta ɨghan a be ŋwɔn wa a lánɨ́ atú nɨ ɨtɨ mɨntam mɨ mɨluʼ ə.

Yoane 15:3

Ɨnu tsa ma diʼnə awən nɨ tsɛrə lá, tsɨ byinə sugɨ awən, nɨ fɛmə.

Yoane 15:6

Ŋwɔn tsum wa a se ghɔŋ a mu ɨnye me, bɨ mɨ nyɛʼ ayi tso abó atɨ á zomnkə; bɨ ghótɨ́ mbó mɨ atɨ məma ngěn nkúmə́ a ɨmugɨ, mɨ kɨənə ghe.

Roma 11:17

Bɨ chwántɨ́ mbó mɨ atɨ a olif za bɨ binɨ mə mɔʼɔ, ntiʼ nchwuʼsɨ abó atɨ a olif wu ɨmu mɨbaʼ ɨwu ə. Bɨŋ ba a se bə Yuda be fi abó atɨ a olif zə ɨmu mɨbaʼ za, tɨtsɔŋnɨ nɨ tiʼə nchyɛ̌ nɨ nkyi a nye mɨngaŋ mɨ atɨ a olif za bɨ bínɨ́ lá.

Roma 11:22

A nɨ ze adzaŋ a nchyɛ nɨ ntəm ngɨ ɨbɔŋ za Ŋwi a tsinɨ nɨ zɛrə abɔʼnɨ ntɛgɨ nɨdɨgɨ ɨzhi ɛ: wɛrə a tɛgɨ nɨdɨgɨ a nye ɨbɛn ba bɨ kɔmnkɨnɨ ngvo, lá nchyɛ̌ nɨ ntəm ngɨ ɨbɔŋ mbáʼ be nɨ ghɔŋ a mu ntəm ngɨ ɨbɔŋ məwiŋ ə; a tú lá be, wɛrə a mɨ kɨ chwántɨ́ awən ɨ nyɛʼə.