Yoane 14:2 - Mɨkan wu Fi

² Bɨkwasɨ bɨ ndá bə ghaʼnɨ tsi a mu ndá Ta ɨghə. Ma ghěn a mbyi bən a nkyáŋtɨ́ adiʼ a mbó bɨŋ ə. A tú lá be muŋ ka ma soŋ aghan a mbó bɨŋ ə.

Yoane 14:2 Referans Kwoze

2 Korɨnto 5:1

Bɨgɨnə zhi ngə́ a nkfu za ntaŋ wen wa bɨgɨnə tsínə́ wə mu — mbe lá mbəmnye ɨzɨgɨnə ɨghan atuəshe — bɨ kum, Ŋwi a mɨ tsi nɨ ndá a mbó bɨgɨnə a nchyɛ̌ ɨwu a fɔməbvurə, njwuʼ za a vwunɨ zɨmboŋ, za ɨ ghɨnɨ ghɔŋ nɨnkoŋ ə.

Yoane 13:36

Samɔn Bita a bítɨ́ ayi ngə́, “Maʼmbyí, o ghěn lá ɨ ghé le?” Yeso a chwɨ́gɨ́ ngə́, “O chi koʼ zɔŋ aghan adiʼ wa ma ghɛnə tɨtsɔŋnɨ ə, lá a nkfu ndzum, o ghɨ zɔŋ aghə.”

Ɛbal 13:14

Mbɨ́ʼ ngə́ ɨghan atuəshe, ka bɨgɨnə tsi awɨgɨnə nɨ adiʼ zə tsinɨ ɨwu za a ghɔŋnɨ nɨnkoŋ, lá bɨgɨnə baŋnə ndǒ be ntáʼmbagə wu wi wa ɨ tsinɨ ɨ ghɨ yiŋə.

Nkyɛʼə 21:2

Ma kwíʼ ndzɛ́n Ntáʼmbagə wu Wi wu Fɛmnɨ wa, Yerosalɛm wu fi wa, ɨ lo a mbó Ŋwi a fɔməbvurə ɨ shiʼə ngyiŋə ghe. Ŋwi a kyáŋtɨ́ ayi tso mɨngən wa a wəgɨnɨ ɨtsɛʼ ɨchi a nkwátɨ́ ndóm ɨyi ɛ.

Nkyɛʼə 3:12

Ma mɨ ghɨ á ɨbɛn ba bɨ tokɨnɨ ntsi nɨ ayanguʼ məzen tiʼ ntɛʼ a mu nɨshwim nɨ Ŋwi ɨghə. Bo láʼ keʼ a nɛrə nyɛʼtə. Ma mɨ ŋwaʼnɨ a nye bo ɨkum Ŋwi ɨghan abɔʼnɨ ɨkum ntáʼmbagə wu wi wu Ŋwi ɨghan, Yerosalɛm wu fi wa a mɨ lo a mbó Ŋwi ɨghan a fɔməbvurə lá. Ma mɨ kɨ ŋwaʼnɨ ɨkum ɨghan wu fi a nye bo ghe.

Ɛbal 11:10

Mbɨ́ʼ ngə́ Abraʼm a kə́ ntsiŋə a nchyɛ́ a mu ntáʼmbagə wu wi wa ɨ tsínɨ́ nɨ ndá tsa tsɨ tsínɨ́ nɨ ɨtsé ndá tsə nɨnkoŋ tsa Ŋwi a kwɛ́nə nkyaŋtɨ nkorɨ ndɛn ɨwu ə.

Yoane 13:33

Ɨbɔ ɨban, ma mɨ kaʼ bə ntsi bɨgɨnə a nye abaŋ zə sa ghe. Nɨ mɨ tsaʼ aghan; lá tɨtsɔŋnɨ á ma soŋ anu za ma kwɛ́nə soŋ a mbó bɨsáʼ bɨ ɨlaʼ bɨ bə Yuda ngə́, ‹Nɨ chi keʼ ghɛn adiʼ wa ma ghɛnə ghe.›

Yoane 16:4

Lá ma soŋnə ɨnu tsen a mbó bən lá, taŋ nyom a ghɨ nkuʼ a mbó bo a ngɨ ɨnu tsen, nɨ waʼtɨ ngə́ ma sóŋ ɨnu mətsen a mbó bɨŋ ə.” “Ma sá ɨnu tsen fɨʼtɨ a mbó bən a mbiʼnə lá, mbɨ́ʼ ngə́ ma tsí bɨgɨnə ghe.

Yoane 17:24

Tarɨ! O ghanə awa a mbó me, ma kə ntiʼə ndǒ ngə́ á bo tsi adiʼ atsum za ma tsinɨ ɨwu, taŋ á bo chi ze nɨfáŋ ɨnan, nɨfáŋ na o ghánɨ́; mbɨ́ʼ ngə́ o kɔ́ŋ aghan bɔŋ ɨ káʼ atuəshe.

Ɛbal 6:20

A nkfu bɨgɨnə, Yeso a konə ngɛn a mu adiʼ məzen a mbyi bɨgɨnə, ntiʼ mbe ntumshe wu ngwi nɨnkoŋ tso Mɛkisɛdɛkɨ ə.

Nkyɛʼə 3:21

A mbó ɨbɛn ba bɨ tokɨnɨ ntsi nɨ ayanguʼ məzen, ma mɨ ghɨ á be adiʼ aza a shiʼtɨ tsi a mbyɛn me, atú abərɨ azan, tsɛʼ tso mbáʼ ma tsinə nɨ ayanguʼ, ntiʼ shiʼtɨ ntsi tɨtsɔŋnɨ a mbyɛn Ta ɨghan atú abərɨ azhi lá.

Nkyɛʼə 1:5

nkɨ ndo a mbó Yeso Kristo, atɛmə-ndzě wa a faʼnə tsɛʼ nɨ táʼ ntəm, zɨ wa a nɨ ntsambyi ŋwɔn á bɨ zhwemnɨ a mbó nɨvwo, zɨ wa a kɨ́nə́ nkə́ saʼə bɨfɔ bɨ atuəshe zen lá. Wɛrə a kɔŋ awɨgɨnə ghe, wɛrə a kɨnə nkɨ nkwarɨ awɨgɨnə a mbó mɨbvu ɨmɨgɨnə a ntsǎ a ndzum alɛm azhi za wɛrə a chwírɨ́nɨ́ a nkfu bɨgɨnə,

Ɛbal 9:8

A nye akyaŋtɨ zen atsum, Azhwi zə Fɛmnɨ a diʼə ngə́ ndómnji wa ɨ kónə́ ngěn a mu Adiʼ za a Fɛmnɨ Ntsa Atsum lá ɨ bvurɨ tɨ ŋaʼnɨ mbáʼ be kwasɨ wu abyɛn wa a bvurɨ ntɛm atɨ́ ə.

Tɨ́tósɨ 1:2

ndóm məwen wa bɨgɨnə zhinɨ a Ŋwi a nɨ wɛrə wa ɨ ghɨnə bɨgɨnə tsinə nɨ ntsiŋə nɨ ntəm tsum ngə́ bɨgɨnə ghɨ tsí nɨ ntsi ntən nɨnkoŋ ə. Ŋwi, zɨ wa a se ɨnu a nchwě, a káʼ awɨgɨnə nɨ ntsi ntən məzen bɔŋ á Ŋwi a káʼ atuəshe ə.

1 Tesalonaika 5:9

Ŋwi a sé awɨgɨnə tsɔʼ lá ngə́ á bɨgɨnə ze ngɨ́ʼ mbɨ́ʼ alwɛntɔŋ azhi, lá ngə́ á bɨgɨnə tsi nɨ ɨloŋ a ntsǎ a ndzum Maʼmbyí Yeso Kristo ɨwɨgɨnə,

Ɨfaʼ 9:16

Me mboŋ ma mɨ diʼ a mbó zɨ ngɨ́ʼ za a mɨ zagɨ zɛn mbɨ́ʼ atú azə.”

Yoane 14:28

Nɨ zúʼ ma soŋ a mbó bən ngə́, ‹Ma mɨ nyɛʼtɨ awən lá ɨ ghɨ bə yen a mbó bɨŋ ə.› Nɨ be kɔŋ aghan tsɛʼ a nkənu, muŋ nɨ tsi nɨ nɨdorɨ ngə́ ma ghěn a mbó Tarɨ ə; mbɨ́ʼ ngə́ wɛrə nɨ ŋwɔn wu ngwi ntsa aghə.

Alukasɨ 14:22

Mɨmboŋnɨ ŋwɔn afaʼ wa a sóŋ ngə́, ‹Tə̧, ma ghɨnə tsɛʼ adzaŋ za o soŋnɨ lá, lá abárɨ́ a bvurɨ ntsi a nkwiʼtɨ ɨbɛn ə.›