Yoane 13:8 - Mɨkan wu Fi

⁸ Bita a sóŋ ntəm ɨyi ngə́, “Kə́ kə́, o láʼ koʼ mɨku ɨman sugə!” Yeso a chwɨ́gɨ́ ngə́, “Be ma tú mɨku ɨmo sugɨ, o mɨ koʼ ngyɛʼ ɨghan bə mbe.”

Yoane 13:8 Referans Kwoze

Tɨ́tósɨ 3:5

wɛrə a lóŋ awɨgɨnə ghe. A sé bé lá mbɨ́ʼ ngɨnɨ mɨnu mə shiʼnɨ mə tse ma bɨgɨnə mboŋ ghɨ́nɨ́, lá a bé lá mbɨ́ʼ akômɨlɨŋnɨ azhi mbáʼ a lóŋnɨ́ awɨgɨnə, ntsa a ndzum Azhwi zə Fɛmnɨ za a sugɨnə awɨgɨnə, bɨ tiʼə njwiə awɨgɨnə a nye ɨbɛn bə fi ntiʼə nkə́ nchyɛ̌ nɨ ntsi ntən zɨ fi lá.

Ɨfaʼ 22:16

Tɨtsɔŋnɨ, o bvurə nkwiʼə ntsíŋə́ lá ake le? Lo atɨ́ nkwarɨ nkyi, á bɨ kɨ ndɨgɨnɨ mɨbvu ɨmo a ntsǎ a ndzum atsaʼtɨ a Ŋwi azo wəmbo ə.›”

Ɛbal 10:22

A bɨgɨnə ghɛn ɨ fatɨ a Ŋwi nɨ ntəm wu nkənu, abɔʼnɨ abeməntəm za bɨgɨnə zhinɨ ngə́ a ghɨ fú a nye anu, nɨ mɨntəm ma bɨ sugɨnɨ a mbó ngvo ɨsáʼ tsum abɔʼnɨ mbəmnye tsa tsɨ fɛ́mnə́ tsɛʼ tso ngə́ bɨ sugɨ nɨ nkyi wu fɛmnɨ ə.

Ɛfɛso 5:26

Wɛrə a ghɨ́ a məzen nɨ mɨtən mɨ nɨgham ɨni lá taŋ ɨ gha ndáŋwi tso azúm zə ghanɨ zə wi a mbó Ŋwi, mbáʼ wɛrə a sugɨnə a zɛrə nɨ nkyi ɨ fɛm,

1 Korɨnto 6:11

Nə nɨ adzaŋ za bən bə mɔʼɔ benə. Lá bɨ súgɨ́ awən a mbó ɨbvu, ntiʼ ndɛn awən a mbó Ŋwi, ngɨ Ŋwi a bemtɨ ngə́ nɨ chinɨ a ɨshi ɨmɨgɨ zɨ nɨ ɨkum Maʼmbyí Yeso Kristo abɔʼnɨ Azhwi a Ŋwi ɨwɨgɨnə ghe.

Nkyɛʼə 7:14

Ma chwɨ́gɨ́ ngə́, “Tə̧, ka ma zhi aghə. A zhi gho ghe.” Wɛrə a sóŋ a mbó me ngə́, “Nə nɨ ɨbɛn ba bɨ loŋnɨ ɨ fu a mu ndɨgə zɨ ntən za. Bo sugɨnɨ bɨtɔgɨ ɨba nɨ alɛm a Mɔn Mbyindzɨ wa ngɨ a bɛrə bɨ fugɨnə ghe.

Nkyɛʼə 1:5

nkɨ ndo a mbó Yeso Kristo, atɛmə-ndzě wa a faʼnə tsɛʼ nɨ táʼ ntəm, zɨ wa a nɨ ntsambyi ŋwɔn á bɨ zhwemnɨ a mbó nɨvwo, zɨ wa a kɨ́nə́ nkə́ saʼə bɨfɔ bɨ atuəshe zen lá. Wɛrə a kɔŋ awɨgɨnə ghe, wɛrə a kɨnə nkɨ nkwarɨ awɨgɨnə a mbó mɨbvu ɨmɨgɨnə a ntsǎ a ndzum alɛm azhi za wɛrə a chwírɨ́nɨ́ a nkfu bɨgɨnə,

Kolose 2:23

Tsɛʼ a nkənu, ntɨgə mətsiŋ fi tso tsɨ zɛʼtɨ awa a nye zóŋ a nye adzaŋ za tsɨ nyəmnə ngə́ á bɨ ngúʼsɨ́ ɨtsendá Ŋwi, ɨ shíʼtə́ nɨ atuəmbəm azo a ɨshe a mu ɨtsi, abɔʼnɨ ngɨə á mbəmnye ɨzo ze ngɨ́ʼ; lá ka tsɨ tsi awa nɨ ngótɨ́ akwatɨ a mbó ŋwɔn wa a lɔnɨ ngwɛmtɨ ɨnye ɨzhi a nye ɨnu tsa mbəmnye lɔnə ghe.

Kolose 2:18

A nɨ keʼ nyɛʼtɨ ɨtumbəm ɨtsən á ŋwɔn tse a tsənkɨ awɨŋ ə. Ɨbɛn ba bɨ soŋnɨ ngə́ bo tsi atú atəntsánɨ́ mbɨ́ʼ ndzɛm nəzhwɨgɨnɨ, ba bɨ nyəmnə ngə́ á bɨ shíʼtə́ nɨ ɨnye a ɨshe a ngɨ ɨtsi nkə́ nyəmə ngə́ á bɨ ngúʼsɨ́ bɨtsen bɨ ndá bɨ Ŋwi lá. Ɨdzaŋ ɨbɛn tso mətsiŋ ŋǔʼ ɨnye tsa ɨtsum lá tsɛʼ atú adaŋədaŋə mbɨ́ʼ ngə́ bo kwaʼtɨ ɨnu lá tsɛʼ a nye ndóm wa ŋwɔn mɨsɔŋ a ntsu tsum a kwaʼtɨnə ghe.

Yoane 3:5

Yeso a chwɨ́gɨ́ wəmbo ngə́, “Tsɛʼ a nkənu, tsɛʼ a nkənu, ma soŋ a mbó gho ghe, be bɨ tú a ŋwɔn bə jwi nɨ nkyi abɔʼnɨ Azhwi, a chi keʼ a mu nɨfɔ nɨ Ŋwi kuŋə.

Matyo 26:33

Bita a ghám, ɨ soŋ a mbó Yeso ngə́, “Be bɨtsum kwɛ nkɨəkɨ nyɛʼ agho, muŋ ma láʼ kaʼ agho nyɛʼtə!”

Matyo 21:29

Mɔn wa a chwɨ́gɨ́ ngə́, ‹Ma mɨ kaʼ ghen›; lá ntsi a ndzum nkwebtɨ ntəm ɨyi ngen.

Matyo 26:35

Bita a chwɨ́gɨ́ ngə́, “Ma láʼ kaʼ mə lá soŋ, mbáʼ be a kwɛ ndiʼ ngə́ á ma kfo bɔgə ghe!” Bɨyɛʼ ɨbyi ba bɨtsum zɔ́ŋ nkɨ soŋ tsɛʼ ndəŋndəŋ anu ə.

Matyo 16:22

Bita a shwúŋtɨ́ ayi bo zɨ ghɛntɨ a ngɔbə, a ghamtɨ ayi ɨ soŋ ngə́, “A Ŋwi a ton ayi ɛ, a Maʼmbyí! Məzen a chi láʼ keʼ a nye gho fuə.”

Yoane 13:6

Wɛrə a yenə nkuʼ a nye Samɔn Bita, a bitɨ a Yeso ngə́, “Maʼmbyí, o mɨ sugɨ mɨku ɨman dé?”

Yoane 13:9

Samɔn Bita a chwɨ́gɨ́ ngə́, “Maʼmbyí, a be lá, koʼ tsɛʼ mɨku ɨman sugə! Sugɨ mbó ɨman abɔʼnɨ atú azan wəbɔʼ ə!”