Yoane 13:5 - Mɨkan wu Fi

⁵ Wɛrə a tíʼ nɨ́ŋ nkyi a mu alonga ntiʼ mbiʼnɨ sugɨ mɨku mɨ bɨyɛʼ ɨbyi, ɨ kɨ chiʼ a mɛrə nɨ atsɛʼ a nchiʼ ɨnye za wɛrə a kórɨ́nɨ́ atɨŋnɨ zɨ lá.

Yoane 13:5 Referans Kwoze

Alukasɨ 7:44

Wɛrə a tíʼ mbəŋ ayi nden a mangye wa mbitɨ a Samɔn ngə́, “O ze a mangye wen le? Ma lo ngyen a ndá gho lá, o koʼ nkyi sugɨ mɨku ɨman gha, lá a tsubɨ mɨku ɨman nɨ nkyi nɨzɛʼ ɨyi, nchiʼ nɨ ɨnyɔŋ atú ɨchi ɛ.

1 Timotyo 5:10

bɨ kɨ nji ayi ngə́ a ghɨ̌ ɨnu tsɨ shiʼnɨ tso: mangye wa a kúgɨ́nɨ́ ɨbɔ ɨbyi ɨ shiʼnɨ, nkwárə́ bɨghən a ndá zɨ, ngɨ̌ ɨnu a mbó ɨbɛn ba bo bo zɔŋnə a Kristo tsa tsɨ díʼnɨ́ ngə́ a shíʼtɨ́ nɨ ɨnye ɨzhi a ɨshe, nkwatɨ ɨbɛn ba bɨ tsínɨ́ a ngɨ́ʼ nkɨ ntɛgɨ atú azhi a ngɨ ɨbɔŋ ə.

Nkyɛʼə 7:14

Ma chwɨ́gɨ́ ngə́, “Tə̧, ka ma zhi aghə. A zhi gho ghe.” Wɛrə a sóŋ a mbó me ngə́, “Nə nɨ ɨbɛn ba bɨ loŋnɨ ɨ fu a mu ndɨgə zɨ ntən za. Bo sugɨnɨ bɨtɔgɨ ɨba nɨ alɛm a Mɔn Mbyindzɨ wa ngɨ a bɛrə bɨ fugɨnə ghe.

Ɛbal 10:22

A bɨgɨnə ghɛn ɨ fatɨ a Ŋwi nɨ ntəm wu nkənu, abɔʼnɨ abeməntəm za bɨgɨnə zhinɨ ngə́ a ghɨ fú a nye anu, nɨ mɨntəm ma bɨ sugɨnɨ a mbó ngvo ɨsáʼ tsum abɔʼnɨ mbəmnye tsa tsɨ fɛ́mnə́ tsɛʼ tso ngə́ bɨ sugɨ nɨ nkyi wu fɛmnɨ ə.

Ɛfɛso 5:26

Wɛrə a ghɨ́ a məzen nɨ mɨtən mɨ nɨgham ɨni lá taŋ ɨ gha ndáŋwi tso azúm zə ghanɨ zə wi a mbó Ŋwi, mbáʼ wɛrə a sugɨnə a zɛrə nɨ nkyi ɨ fɛm,

1 Korɨnto 6:11

Nə nɨ adzaŋ za bən bə mɔʼɔ benə. Lá bɨ súgɨ́ awən a mbó ɨbvu, ntiʼ ndɛn awən a mbó Ŋwi, ngɨ Ŋwi a bemtɨ ngə́ nɨ chinɨ a ɨshi ɨmɨgɨ zɨ nɨ ɨkum Maʼmbyí Yeso Kristo abɔʼnɨ Azhwi a Ŋwi ɨwɨgɨnə ghe.

Ɨfaʼ 22:16

Tɨtsɔŋnɨ, o bvurə nkwiʼə ntsíŋə́ lá ake le? Lo atɨ́ nkwarɨ nkyi, á bɨ kɨ ndɨgɨnɨ mɨbvu ɨmo a ntsǎ a ndzum atsaʼtɨ a Ŋwi azo wəmbo ə.›”

1 Yoane 5:6

Yeso Kristo a nɨ zɨ wa a yénɨ́ nɨ nkyi wu nkwárɨ́ nkyi ɨyi abɔʼnɨ alɛm za bɨ chwírɨ́nɨ́ a nkfu nɨvwo ɨni ɛ. Bɨ sé tsɛʼ nkyi atú zɨ nɨŋ, bɨ kɨ́ nchwirɨ alɛm a nkfu za wɛrə a kfónə́. Azhwi zɨmboŋ a nɨ atɛmə-ndzě ngə́ məzen a nɨ nkənu, mbɨ́ʼ ngə́ Azhwi a lá nkənu ə.

1 Yoane 1:7

Lá be bɨgɨnə nchyɛ̌ a mu nkaʼ — tsɛʼ tso mbáʼ wɛrə a tsinɨ a mu nkaʼ lá — lá be ngə́ bɨgɨnə ndzɨ́nə́ bɨgɨnə bɨ ŋwɔn nɨ ŋwɔn, alɛm a Mɔn ɨyi Yeso, a sugɨnə ɨfənu ɨtsɨgɨnə ɨtsum a tɨtərɨ bɨgɨnə ghe.

Yoane 19:34

Lá táʼ gwe wa wu mɔʼɔ, a sɔ́bɨ́ nɨkɔŋ ɨni a mumbyɛn Yeso, alɛm bo nkyi tiʼ mbyi mbebɨnɨ ɨ fu ɨwu ə.

Alukasɨ 7:38

ngɛn ntɛm a ndzum Yeso ndzɛʼə nkyi nɨzɛʼ ɨyi ɨ shiʼə ntsúbə́ mɨku mɨ Yeso ghe. A zɔ́ŋtɨ́ nchiʼ a mɛrə nɨ ɨnyɔŋ atú ɨchi, nchwɨgə a mɛrə, nchwirɨ mɨvwurɨ mɨ ɨfɔgɨ wu shiʼnɨ ma ɨwu ə.

Nkyɛʼə 1:5

nkɨ ndo a mbó Yeso Kristo, atɛmə-ndzě wa a faʼnə tsɛʼ nɨ táʼ ntəm, zɨ wa a nɨ ntsambyi ŋwɔn á bɨ zhwemnɨ a mbó nɨvwo, zɨ wa a kɨ́nə́ nkə́ saʼə bɨfɔ bɨ atuəshe zen lá. Wɛrə a kɔŋ awɨgɨnə ghe, wɛrə a kɨnə nkɨ nkwarɨ awɨgɨnə a mbó mɨbvu ɨmɨgɨnə a ntsǎ a ndzum alɛm azhi za wɛrə a chwírɨ́nɨ́ a nkfu bɨgɨnə,

Yoane 13:10

Yeso a sóŋ ngə́, “Ɨbɛn bɨtsum ba bɨ sugɨnə ɨnye ɨtsa, fɛm ngɛn mɛtɨ, nkeʼ bə ntsi nɨ ɨ sugɨ ɨnye ɨtsa, ntsa a sugɨ mɨku ɨma ghe. Bən bɨtsum nɨ fɛmə — bɨtsum, a tiʼ ngɔŋ tsɛʼ táʼ ghe.”

Yoane 13:8

Bita a sóŋ ntəm ɨyi ngə́, “Kə́ kə́, o láʼ koʼ mɨku ɨman sugə!” Yeso a chwɨ́gɨ́ ngə́, “Be ma tú mɨku ɨmo sugɨ, o mɨ koʼ ngyɛʼ ɨghan bə mbe.”

Yoane 13:6

Wɛrə a yenə nkuʼ a nye Samɔn Bita, a bitɨ a Yeso ngə́, “Maʼmbyí, o mɨ sugɨ mɨku ɨman dé?”