Yoane 13:3 - Mɨkan wu Fi

³ Yeso a zhí ngə́ Ta ɨyi a kwɛ́nə nga mɨtən mɨtsum a mbó zɨ; wɛrə a zhí ngə́ zɨə ló a mbó Ŋwi nkə́ mbɨ́ŋə́ ngěn a mbó Ŋwi ə.

Yoane 13:3 Referans Kwoze

Yoane 3:35

Tarɨ a kɔŋ a Mɔn ɨyi wu Mbáŋnɨ́, wɛrə a kɨnə nkɨ nɨŋ atsum wə mu mbó ə.

Matyo 11:27

Ta ɨghan a ghanə ɨdzúm ɨtsum a mbó me ghe. Ka ŋwɔn tse a zhi ayi a Mɔn ntsa a Tarɨ, ŋwɔn tse a keʼ kɨ nji a Tarɨ ntsa a Mɔn abɔʼnɨ ba Mɔn a zarɨnɨ taŋ ɨ kyɛʼ a ta ɨyi a mbó bo ghe.

Ɛbal 1:2

Lá a nye njwi tsen tsa tsɨ lwɨgɨnɨnɨ lá, Ŋwi a ghamnə a mbó bɨgɨnə ntsǎ a ndzum Mɔn ɨyi ɛ. Ŋwi a káʼ mbyi-mbyi tsum ntsa lá wə ndzum, zɨ wa Ŋwi a tsɔʼnɨ ngə́ á ghɨ ntsí nɨ ɨdzúm ɨtsum a ndwitə lá.

Yoane 17:2

Mbɨ́ʼ ngə́ o ghá mɨtən a mbó zɨ atú ŋwɔn mɨsɔŋ a ntsu tsum, taŋ á chi gha ntsi ntən nɨnkoŋ a mbó ŋwɔn tsum wa o ghánɨ́ wəmbo ə.

Yoane 8:42

Yeso a sóŋ a mbó bo ngə́, “A be be ngə́ Ŋwi a lanɨ mbe Ta ɨwən, muŋ nɨ kɔŋ aghan, mbɨ́ʼ ngə́ ma ló a mbó Ŋwi, tɨtsɔŋnɨ ma tsi ɨghə. Ma sá yen lá nɨ mɨtən ɨmə, lá wɛrə a tságɨ́ aghə.

Matyo 28:18

Yeso a tíʼ nkɔ́ʼtɨ́ ngɛn a mbyɛn bo ɨ soŋ ngə́, “Bɨ ghanə mɨtən mɨtsum a fɔməbvurə bo atuəshe a mbó me ghe.

1 Korɨnto 15:27

Mbɨ́ʼ ngə́ aŋwaʼnɨ a Ŋwi a soŋ ngə́, “Ŋwi a tságɨ́ ɨdzúm ɨtsum a shwúrɨ́ mɨku zɨə.” A tsi asaŋəsaŋ ngə́ ɨtú mɨgham mɛnə ngə́, “ɨdzúm ɨtsum” se a Ŋwi zɨmboŋ chintɨ, zɨ wa a tsagɨnɨ ɨdzúm ɨtsum a shwúrɨ́ Kristo lá.

Ɨfaʼ 2:36

Ɨbɛn bə Izrai bɨtsum, tiʼ ntsi nɨ njiɛ a nkənu ngə́ Yeso məwen, wa nɨ kwémtɨ́nɨ́ atɨ abaŋnɨ-baŋnɨ, a nɨ wɛrə wa Ŋwi a ghɨnə a nye Maʼmbyí nkɨ mbe Wa bɨ Zɔ́ʼnɨ́ wa!”

Yoane 13:1

A bvúrɨ́ táʼ njwi á Nɨdorɨ nɨ Tsa-yɛʼnɨ lɔgɨ adiʼ ə. Yeso a zhí ngə́ nyom a kúʼnə wa zɨə mɨ lo nyɛʼtɨ mbyi zen, ɨ tiʼ ghɛn a mbó Tarɨ ə. Nkfu tsum, wɛrə a kɔ́ŋ ɨbɛn bɨ atuəshe wen ba bɨ bénɨ́ ɨbyi ɛ. Wɛrə a kɔ́ŋ awa ɨ kɔʼ kuʼ a ndwitə ghe.

Yoane 7:33

Yeso a sóŋ ngə́, “Ma mɨ tsi bɨgɨnə a nye məbaŋtɨ, ɨ zɔŋtɨ ɨ lo ɨ ghɛn a mbó zɨ wa a tságɨ́nɨ́ aghə.

Yoane 7:29

Lá ma zhi ayi, mbɨ́ʼ ngə́ ma lo wəmbo, a kɨ ntsagɨ zɨ ntsagɨ aghə.”

Yoane 3:13

Ka ŋwɔn tse a kɔ́ʼnə ngɛn ayi a fɔməbvurə ntsatɨ a Mɔn Ŋwɔn wa a lónɨ́ ɨwu ɨ shiʼ ngyiŋə.”

Yoane 1:18

Ŋwɔn tse a láʼnə mbvurɨ tɨ zɛn a Ŋwi ə. Mɔn ɨyi wen zɨzɨ, wa a benɨ ndəŋndəŋ tso Ŋwi nkɨ mbə ntsi wə bagɨ abó, wɛrə a ghɨ bɨ zhi a Ŋwi ə.

Alukasɨ 10:22

Ta ɨghan a ghanə ɨdzúm ɨtsum a mbó me ghe. Ka ŋwɔn tse a zhi ayi a ŋwɔn wa a nɨ Mɔn ntsa a Tarɨ, ŋwɔn tse a keʼ kɨ nji a ŋwɔn wa a nɨ Tarɨ ntsa a Mɔn, nkwiʼtɨ ɨbɛn ba Mɔn a zarɨnɨ ngə́ á bɨ zhi a Tarɨ ə.”

Yoane 8:14

Yeso a chwɨ́gɨ́ ngə́, “Ngáŋ, be a kwɛ mbe ngə́ ma nɨ atɛmə-ndzě a mbó atuəmbəm azan, muŋ anu za ma sóŋnə́ a nɨ nkənu, mbɨ́ʼ ngə́ ma zhi adiʼ za ma lonɨ ɨwu nkɨ nji a za ma ghɛnə ɨwu ə. Ka nɨ zhi awən adiʼ za ma lonɨ ɨwu kə za ma ghɛnə ɨwu ə.