Yoane 13:1 - Mɨkan wu Fi

¹ A bvúrɨ́ táʼ njwi á Nɨdorɨ nɨ Tsa-yɛʼnɨ lɔgɨ adiʼ ə. Yeso a zhí ngə́ nyom a kúʼnə wa zɨə mɨ lo nyɛʼtɨ mbyi zen, ɨ tiʼ ghɛn a mbó Tarɨ ə. Nkfu tsum, wɛrə a kɔ́ŋ ɨbɛn bɨ atuəshe wen ba bɨ bénɨ́ ɨbyi ɛ. Wɛrə a kɔ́ŋ awa ɨ kɔʼ kuʼ a ndwitə ghe.

Yoane 13:1 Referans Kwoze

Yoane 12:23

Yeso a chwɨ́gɨ́ a mbó bo ngə́, “Nyom a kuʼnə á Mɔn Ŋwɔn a kwarɨ nɨfáŋ nə wi ə.

1 Yoane 4:19

Bɨgɨnə kɔŋə mbɨ́ʼ ngə́ Ŋwi a fóm nkɔŋ awɨgɨnə ghe.

Yoane 13:34

Tɨtsɔŋnɨ, ma gha ntɨgə zɨ fi a mbó bɨŋ ə: á nɨ kɔŋnɨ awən bən nɨ bɨŋ ə. A nɨ kɔŋnɨ awən bən nɨ bən, tsɛʼ tso mbáʼ ma kɔ́ŋnɨ́ awən lá.

Yoane 16:28

Ma ló lá a mbó Tarɨ, ntiʼ ngyen a mu mbyi ɛ. Tɨtsɔŋnɨ, ma nyɛʼtə atuəshe ngěn a mbó Tarɨ ə.”

Yoane 13:3

Yeso a zhí ngə́ Ta ɨyi a kwɛ́nə nga mɨtən mɨtsum a mbó zɨ; wɛrə a zhí ngə́ zɨə ló a mbó Ŋwi nkə́ mbɨ́ŋə́ ngěn a mbó Ŋwi ə.

Yoane 18:4

Mbɨ́ʼ ngə́ Yeso a zhí anu atsum za a tsínɨ́ nɨ ɨfuə a ɨnye zɨ, wɛrə a fú a tɨtərɨ bɨyɛʼ ɨbyi, mbitɨ ɨbɛn ba ngə́, “Nɨ lǒ lá awa le?”

1 Korɨnto 1:8

Ŋwi a mɨ kɨ ghɨ á nɨ tɛm ntɨŋə ɨ ghɛn kuʼ a ndwɨgɨnə, taŋ á nɨ ghɨ́ nkeʼ nɨ ɨfənu tse tsi a Njwi wa Maʼmbyí Yeso Kristo a lo bə yen lá.

Yoane 17:16

Ndəŋndəŋ mbáʼ ka ma be aghan wu atuəshe lá, bo se bə atuəshe kɨ mbe.

Yoane 17:1

Yeso a ghɨnə mɛ́tɨ́ a sóŋ ɨnu tsiŋ ɨtsum, ndyiŋ fɔməbvurə ɨ soŋ ngə́, “Tarɨ, nyom a kuʼnə ghe. Gha nɨfáŋ a mbó Mɔn ɨgho wu mbáŋnɨ́, taŋ á Mɔn ɨgho wu mbáŋnɨ́ a chi gha nɨfáŋ a mbó gho ghe.

Nkyɛʼə 1:5

nkɨ ndo a mbó Yeso Kristo, atɛmə-ndzě wa a faʼnə tsɛʼ nɨ táʼ ntəm, zɨ wa a nɨ ntsambyi ŋwɔn á bɨ zhwemnɨ a mbó nɨvwo, zɨ wa a kɨ́nə́ nkə́ saʼə bɨfɔ bɨ atuəshe zen lá. Wɛrə a kɔŋ awɨgɨnə ghe, wɛrə a kɨnə nkɨ nkwarɨ awɨgɨnə a mbó mɨbvu ɨmɨgɨnə a ntsǎ a ndzum alɛm azhi za wɛrə a chwírɨ́nɨ́ a nkfu bɨgɨnə,

Ɛbal 3:14

Bɨgɨnə mɨ be táʼ azúm bɨgɨnə bɨ Kristo mbáʼ be bɨgɨnə chwa ɨ shiʼnɨ ɨnɨŋ ntəm za bɨgɨnə tsínɨ́ nɨ zɛrə a mbiʼnə, ɨ kɔʼ kuʼ a ndwitə ghe.

Yoane 17:5

Tarɨ! Gha nɨfáŋ a mbó me a ɨshi ɨmɨgɨ gho tɨtsɔŋnɨ, ndəŋndəŋ nɨfáŋ na ma tsínɨ́ nɨ nɛrə bɔgə bɔŋ á bɨ nyɛtɨ mbyi lá.

Matyo 26:45

A tíʼ bə mbə́n a mbó bɨyɛʼ ɨbyi ba mbitɨ awa ngə́, “Nɨ bvurə ndyě nkə́ njwítə́ awən le? Zɛnə! Nyom a kuʼnə, á bɨ gha a Mɔn Ŋwɔn a mbó ngaŋ ngɨ mɨbvu ə.

1 Bita 1:13

Ma lan, á nɨ kyaŋtɨ ɨnye ɨtsən a ngɨ anu ə. A nɨ lə ɨtú ɨtsən, nkɨ nden ntsiŋə nɨ ntəm tsum ɨzən tsɛʼ a nye abɔŋəntəm za bɨ ghɨnɨ gha a mbó bən a nkfu za bɨ ghɨnɨ kyɛʼ a Yeso Kristo lá.

Ɛbal 6:11

Za bɨgɨ lɔnə nɨ mɨntəm ɨmɨgɨ mɨtsum a nɨ ngə́ á ŋwɔn tsum a tɨtərɨ bən a ngěn nɨ mbyi nɨ ntəm ɨyi ɨtsum a ngɨ ɨnu tsa a ghɨnə ɨ kɔʼ kuʼ a ndwitə, taŋ á anu za nɨ tsenə nɨ mɨntəm ɨmən mɨtsum a ghɨ́ fú mbe nkənu ə.

Ɛbal 3:6

Lá Kristo a faʼə nɨ táʼ ntəm a mbó ɨbɛn bɨ Ŋwi bɨtsum tso mɔn mbáŋnɨ́ ə. Bɨgɨnə nɨ ɨbɛn bɨ Ŋwi mbáʼ be bɨgɨnə ngěn nɨ mbyi nɨ nkotɨ mbáŋnɨ́ abɔʼnɨ nchyɛ̌ tɨ nɨbɔgɨ a nye ntsiŋə nɨ ntəm tsum za bɨgɨnə tsinɨ nɨ zɛrə lá.

Roma 8:37

Kə́ kə́, a nye ɨnu tsiŋ ɨtsum, bɨgɨnə tsi nɨ ayanguʼ ngɛn mɛtɨ a ntsǎ a ndzum zɨ wa a kɔ́ŋnɨ́ awɨgɨnə ghe.

Yoane 17:26

Ma ghɨ́ bo zhi agho, ma mɨ ghɛn nɨ mbyi a ngɨə ma lan, taŋ á akɔŋnɨ za o tsinɨ nɨ zɛrə a nye me, a chi tsi a mu ɨnye bo, taŋ á ma chi kɨ tsi a mu ɨnye bo ghe.”

Yoane 14:28

Nɨ zúʼ ma soŋ a mbó bən ngə́, ‹Ma mɨ nyɛʼtɨ awən lá ɨ ghɨ bə yen a mbó bɨŋ ə.› Nɨ be kɔŋ aghan tsɛʼ a nkənu, muŋ nɨ tsi nɨ nɨdorɨ ngə́ ma ghěn a mbó Tarɨ ə; mbɨ́ʼ ngə́ wɛrə nɨ ŋwɔn wu ngwi ntsa aghə.

Yoane 11:55

Nkfu Nɨdorɨ nɨ Tsa-yɛʼnɨ tíʼ tsɛʼ abó, ɨbɛn bə ghaʼnɨ fú a mu alaʼ nkɔ́ʼ ngɛn a Yerosalɛm bɔŋ njwi nɨdorɨ za ɨ kuʼ, taŋ ɨ sugɨ awa ɨ fɛm a mu mbɔm ndzɔŋə a nyɔngɔŋ Mǒse ghe.

Yoane 7:30

Ma lan, bo lɔ́btɨ́ a nkó zɨ, lá ŋwɔn tse a sé ayi nɨ abó mɔmtɨ, mbɨ́ʼ ngə́ nkfu wɛrə ɨ bvúrɨ́nə tɨ kuʼə.

Yoane 7:6

Yeso a sóŋ a mbó bo ngə́, “Nyom wa a kuʼnɨnɨ a mbó me a bvurɨ tɨ kuʼə. Nyom tsum a kuʼnɨ a mbó bɨŋ ə.

Yoane 6:4

Nkfu Nɨdorɨ nɨ Tsa-yɛʼnɨ ɨ tíʼ tsɛʼ abó ə.

Alukasɨ 22:53

Ma kɨ chyɛ nchyɛ̌ bɨgɨnə njwi tsum a Ndáŋwi zɨ Ngwi lá nɨ sé zhwəŋtɨ a nkó me ghe. Lá, nyom ɨwən a kuʼnə a ngɨ mɨnu, nkfu za mbáʼ mɨtən mɨ ndzumnɨ tíʼnə́ sáʼə ghe.”

Alukasɨ 9:51

Adzaŋ za nkfu tíʼnə́ ngyiŋə mbáʼ bɨ mɨ lɔgɨ a Yeso á kɔʼ ngɛn a fɔməbvurə lá, wɛrə a tɛ́gɨ́ ntəm ɨyi nkə́ ntiʼə ngěn a Yerosalɛm ə.

Matyo 28:20

nkə́ ndiʼnə awa ngə́ á bo ndzúʼnɨ́ ɨnu ɨtsum tsa ma tɨ́gɨ́tɨ́nɨ́ awən ɨwu ə. Ma mɨ tsi bɨgɨnə nkfu ɨtsum ɨ kɔʼ kuʼ a ndwitɨ mbyi ɛ.”

Yoane 8:20

Yeso a ghám mɨgham məmen lá a nkfu za a kɨ́nə́ ndǐʼ ɨbɛn a mu Ndáŋwi zɨ Ngwi, ntɛm a mbyɛn kwasɨ ndá wa a bénɨ́ nɨlɛnɨ nɨ nkáb lá. Lá ŋwɔn tsɛrə a sé ayi chwa, mbɨ́ʼ ngə́ nkfu wɛrə ɨ bvúrɨ́nə tɨ kuʼə.

Yoane 2:13

Nɨdorɨ nɨ Tsa-yɛʼnɨ tíʼ abó, ma lan, Yeso a kɔ́ʼ ngɛn a Yerosalɛm ə.

Yoane 13:29

Mbáʼ Yudasɨ a kɨ́nə́ ndě aban a nkáb za lá, bɨyɛʼ ba bə tse kwáʼtɨ́ ngə́ Yeso a sóŋ lá ngə́ á Yudasɨ a ghɛn ndzuŋ ɨdzúm tsa bo tsínɨ́ nɨ nkyaŋtɨ nɨdorɨ na nɨ tsɛrə, kə ngə́ á gha bɨkaba ba bə tse a mbó ɨfúm ə.

Yoane 14:31

lá ɨbɛn bɨ atuəshe wiŋ tsi nɨ ɨ zagɨ zhi ngə́ ma kɔŋ a Tarɨ ə; nə nɨ anu za a ghɨnɨ ma ghɨnɨ ɨnu ɨtsum ndzɔŋə tsɛʼ ntɨgə tsa wɛrə a ghánə́ a mbó me lá. Nɨ yen á bɨgɨnə lo adiʼ wen nkwebtɨ adiʼ ə.”

Yoane 19:28

Məzen a ghɨnə ntsá, Yeso a zhí a nyom məwa ngə́ ɨnu ɨtsum tsa tsɨ tsínɨ́ nɨ ɨ fuə taŋ á kɔʼ mbom bo za aŋwaʼnɨ a Ŋwi a kwɛ́nə soŋ tsɨ fúnə ghe. Wɛrə a tíʼ sóŋ ngə́, “Nji nkyi ɨ zaŋə aghə.”