Yoane 10:2 - Mɨkan wu Fi

² Ŋwɔn wa a tsanɨ a ntsu nká, a nɨ zɨ wa a nɨ ntsiŋ mɨnyam wa a tsenɨ mbyindzɨ tsa.

Yoane 10:2 Referans Kwoze

Yoane 10:14

Ma nɨ ntsiŋ mɨnyam wu shiʼnɨ ə; ma zhi mɨnyam ɨmə, mɨnyam ɨmə kɨ nji aghə,

Ɨfaʼ 20:28

Ma lan, á nɨ lə atú nɨ ɨtumbəm ɨtsən nkɨ ndə atú a nye ɨbɛn ba bɨ nɨŋnɨ mɨntəm ɨma a nye Kristo ba Azhwi zə Fɛmnɨ a ghanɨ ngə́ á nɨ ndə̌tú nɨ bɛrə lá. A nɨ be bɨntsiŋ mɨnyam a nye ndáŋwi za a nɨ zɨ Ŋwi, za wɛrə a ghɨ́nɨ́ a nye ɨzhi ntsa a ndzum alɛm a Mɔn ɨyi lá.

1 Bita 5:4

A nkfu za atú a ngaŋ ntsiŋ mɨnyam a ghɨnɨ fú a ɨshe, nɨ ghɨ kwárɨ́ ɨsáʼfɔ zɨ nɨfáŋ za ka ɨ shwetə ayi lá.

Ɛbal 13:20

A Ŋwi, zɨ wa a ghánɨ́ mbɔnɨ, zɨ wa a zhwémnɨ́nɨ́ a Maʼmbyí Yeso ɨwɨgɨnə a mbó nɨvwo, ntsiŋ mbyindzɨ wu ngwi, ntsa a ndzum alɛm akan zə nɨnkoŋ,

1 Timotyo 4:14

Koʼ wagɨnɨ azúm zə ghanɨ zə azhwi za a tsinɨ a mu ɨnye gho, za mbáʼ bɨ ghánɨ́ a mbó gho a nkfu za ntóm Ŋwi ghámnɨ́, ɨtú ndaŋwi kɨ nyɔŋ mbó ɨma atú gho lá.

Yoane 10:9

Ma nɨ ntsu nká ə. Ŋwɔn tsum wa a tsanɨ a ndzum me nkon, bɨ ghɨ loŋ ayi; bo mɨ kon ɨ yen ɨ tiʼ fu ghɛn zɛn ngyɛn zɨ nkfurɨnə.

Yoane 10:7

Ma lan, Yeso a tíʼ nkwátɨ́ sóŋ a mbó bo ngə́, “Ma soŋə tsɛʼ nkənu a mbó bɨŋ ə: ma nɨ ntsu nká a mbó mbyindzɨ ə.

Nkyɛʼə 1:20

Anu a nkubə za mɨndzɔŋ men mi samba ma o zɛ́nə́ a mu abó azan zə maʼə abɔʼnɨ ɨtɛkɨ nkaʼ tsen tsi samba tsa bɨ nyɛtɨnɨ nɨ ŋwaʼŋwaʼ a diʼnɨ, a nɨ ngə́: mɨndzɔŋ men mi samba be lá ɨtsendá ndáŋwi tsa tsi samba, ɨtɛkɨ nkaʼ tsen tsi samba be ndáŋwi tsa tsi samba ghe.”

1 Bita 2:25

Nɨ bé lá tso mbyindzɨ tsa tsɨ fánɨ́ ndómnji ɨwa, lá bɨ bənə ndɔgɨ awən ngyen nɨ bən ngə́ á nɨ ndzɔ́ŋə́ a Ntsiŋ mɨnyam, nkɨ mbe ŋwɔn wa a kɨnkɨnɨ bɨgharɨ ɨbən lá.

Tɨ́tósɨ 1:5

Ma nyɛ́ʼtɨ́ agho a Kritɨ lá taŋ o kyaŋtɨ ɨnu tsa tsɨ tsínɨ́ ngə́ á bɨ mɛtɨ nkyaŋtɨ, ɨ kɨ núm tsɔʼtɨ ɨtú ndáŋwi a mu ntáʼmbagə ɨtsum ə. Waʼtɨ ɨtɨgɨtɨ ɨtsan ngə́:

Matyo 15:11

Ka a be ayi azúm za ŋwɔn a dzɨ́nə́ mbáʼ a ghɨnə ŋwɔn a keʼ fɛm a ɨshi ɨmɨgɨ Ŋwi; a baŋnɨ mbe be za ŋwɔn a fɨ́gɨ́nə́ sóŋə́ nɨ ntsu ɨyi mbáʼ a ghɨnə a keʼ fɛm a ɨshi ɨmɨgɨ Ŋwi ə.”