Yoane 10:12 - Mɨkan wu Fi

¹² Ŋwɔn wa bɨ lɔnɨ ayi ndɛn ntfúə, wa a se ntsiŋ mɨnyam be, wa mbáʼ ka mbyindzɨ tsa be ayi ɨchi, a ze angwabaʼ a tɨ yiŋə lá, a nyɛʼ mbyindzɨ tsa nkɨə; ma lan, angwabaʼ a ko a táʼ, ndzagɨ abvuʼ ə.

Yoane 10:12 Referans Kwoze

2 Bita 2:3

A mu ɨnu amiɛnɨngám ɨtsa, bɨdiʼ bɨ aŋwaʼnɨ bɨ ɨchwenu biŋ ghɨ ghɨ abi a nye adzaŋ za bo sóŋnɨ́ njalaʼ tsa bo kyaŋtɨnɨ a mbó bɨŋ ə. A nɨ abaŋ zə sa tɨtsɔŋnɨ mbáʼ Ŋwi, zɨ wa nɨ Tabyɛn ɨwa a kyaŋtɨnɨ ɨnye ɨzhi a ntsənkɨ bo ghe!

Tɨ́tósɨ 1:7

Mbɨ́ʼ ngə́, mbáʼ atú a ndáŋwi tso məza a lánə́ atú a nye afaʼ a Ŋwi lá, a tsi nɨ nchyɛ tɨ ɨfərɨ ə. A tsi nɨ ɨ zagɨ tsi tɨ atságɨ́ kə ɨ keʼ a ngwáŋnə́ ndwi ntɔŋ, kə ɨ be abarə mɨluʼ kə ɨ be ŋwɔn wa a bvugɨnɨ ndum kə amiɛnɨngám a nye ɨnu nkáb ə.

2 Timotyo 4:10

Mbɨ́ʼ ngə́ Demasɨ a nɨŋ akɔŋnɨ azhi a nye ɨdzúm atuəshe zen, ɨ nyɛʼtɨ aghan ngɛn a Tesalonaika ghe. Lá Krɛsɛnsɨ a ghɛn a Galesha, Tɨ́tósɨ a ghɛn a Dalmesha ghe.

1 Timotyo 3:8

Ɨbɛn ba bɨ kwátɨ́nə́ a ndáŋwi tsi nɨ ɨ zagɨ tsi nɨ mbɔm zɨ shiʼnɨ, ɨ kə́ soŋnɨ nkənu; ka bo tsi awa nɨ ɨ no mɨluʼ tɨ́sə́n kə ɨ be bɨ amiɛnɨngám a nye ɨnu nkáb;

1 Timotyo 3:3

a se tsi nɨ mbe abarə mɨluʼ kə ŋwɔn wa a bvugɨnɨ ndum, lá ɨ be ŋwɔn abɔnəntəm abɔʼnɨ ŋwɔn mbɔnɨ; a se tsi nɨ nkɔŋ nkáb;

Ɨfaʼ 20:29

Ma zhi ngə́ a nkfu za ma mɨ nyɛʼtɨ awən lá, ɨbɛn mɨ kon a tɨtərɨ bən tso bəngwabaʼ bə mɨtsɛ́gɨ́ ɨ keʼ nyɛʼtɨ ɨbɛn ba bɨ nɨŋnɨ mɨntəm ɨma a nye Kristo tɨ satɨ awa ghe.

1 Bita 5:2

á nɨ be bɨntsiŋ mɨnyam bɨ akarɨ a mɨnyam za Ŋwi a ghánɨ́ a mbó bən, ɨ kə́ lənə atú nɨ tsɛrə mbáʼ ka bɨ nyəmə ayi awən, tsɛʼ adzaŋ za Ŋwi a lɔnə lá. Nɨ faʼ afaʼ azən, keʼ be tsɛʼ ngə́ nɨ mɨ səŋ ɨwu, á baŋnɨ mbe be ngə́ nɨ lánə́ ndǒ ɨ faʼə tsɛʼ nɨ mɨntəm ɨmən mɨtsum ə.

Yoane 10:3

Ntsiŋ ntsu nká a ŋaʼə ntsu nká wəmbo; mbyindzɨ tsa zǔʼ nji ɨzhi, adzaŋ za wɛrə a tɔ́ŋnɨ́ mbyindzɨ ɨchi a ɨkum, ntiʼ ntsɨŋnɨ a tsɛrə ɨ fuə nɨ tsɛrə abyɛn ə.

Matyo 10:16

“Zuʼnə! Ma tyigə awən lá tso ma tyigɨ mbyindzɨ ngə́ á tsɨ ghɛn nkwatɨ bəngwabaʼ ə. Nɨ tsi nɨ nchyɛ nɨ zóŋ tso mɨnyo ɨ kɨ bɔnɨ tso bɨbvugɨrə-fɨkon ə.

Matyo 7:15

“A nɨ lə ɨtú ɨtsən a nye ntóm Ŋwi tsɨ ɨchwenu ə; bo yiŋə a mbó bən tso mbyindzɨ, ɨnyam za ɨ chinɨ keʼ ɨbvu ghɨ a nye nkyerɨ ɨza, lá mbaŋnɨ mbe angwabáʼ, ɨnyam abɨgəntəm, ɨmu ɨmu ə.

Yoane 10:2

Ŋwɔn wa a tsanɨ a ntsu nká, a nɨ zɨ wa a nɨ ntsiŋ mɨnyam wa a tsenɨ mbyindzɨ tsa.

Yoane 10:13

Ŋwɔn wa bɨ lɛnɨ ntfúə a kɨə ayi lá mbɨ́ʼ ngə́ bɨ tfúə ayi ɨ tfúnɨ́, a keʼ atú azhi a nye mbyindzɨ tsa kɨ ntɛgə.