Yoane 10:10 - Mɨkan wu Fi

¹⁰ Ndzɛrə a yiŋə tsɛʼ a ndzé, ɨ zhwitɨ ɨ kɨ tsənkə. Ma yen lá taŋ á nɨ chi tsi nɨ ntsi ntən, ɨ kɨ tsi nɨ zɛrə á ɨ lon ntiʼə ndzagɨnə ghe.

Yoane 10:10 Referans Kwoze

Alukasɨ 19:10

Mɔn Ŋwɔn a yén atuəshe lá a ndǒ ɨ kɨ loŋ ɨbɛn ba bɨ fanɨ ndóm ə.”

Yoane 6:51

Ma nɨ abán za a ghánɨ́ ntsi ntən za a lónɨ́ a fɔməbvurə ɨ shiʼə. Be ŋwɔn a kfurɨ abán məzen, muŋ a mɨ tsi ntən nɨnkoŋ ə. Abán za ma mɨ ghɨ gha a mbó ɨbɛn bɨ atuəshe a nɨ ɨnyam ɨnye ɨzan za ma ghánə́ taŋ atuəshe a chi tsi atú ntɨŋ ə.”

Yoane 12:47

Be ŋwɔn tse a zuʼ nkən ɨghan nkeʼ a wɛrə zuʼnɨ, ma mɨ kaʼ ayi sáʼə. Ma sá yen lá a sáʼ atuəshe, ma yén be a ndoŋ zɛrə ghe.

Yoane 6:33

Mbɨ́ʼ ngə́ abán za Ŋwi a ghánə́ a nɨ zɨ wa a lonə a fɔməbvurə ɨ shíʼə ngyíŋə́ ntiʼə ngǎ ntsi ntən a mbó atuəshe.”

Yoane 3:17

Ŋwi a sé tsagɨ a Mɔn ɨyi wu Mbáŋnɨ́ atuəshe lá a sáʼ atuəshe; a báŋnɨ́ ntsagɨ be ngə́ á yen ndoŋ a zɛrə ghe.

1 Timotyo 1:15

Zen a nɨ anu za bɨ sóŋnə́ a be nkənu, anu za bɨ tsinɨ nɨ mbemə ɨ kɨ nɨŋ ntəm ɨwu tə́ njwɛrɨkə ngə́: Kristo Yeso a yén a mu mbyi a ndoŋ ngaŋ ngɨ mɨbvu ə. Ma bɨ́gɨ́ ntsa awa bɨtsum,

Yoane 10:1

Yeso a sóŋ ngə́, “Ma soŋə a mbó bən tsɛʼ a nkənu ə: ŋwɔn wa a se tsa a ntsu nká bɔŋ ɨ kon a mu akarɨ a mbyindzɨ, mbaŋnɨ nkɔʼ ntsa be a nye ndóm adaŋ, ŋwɔn məwa a nɨ ndzɛrə nkɨ mbe mbɛʼ ndá ə.

Matyo 20:28

tsɛʼ tso mbáʼ Mɔn Ŋwɔn a sé yen be ngə́ á bɨ faʼə a mbó zɨ, lá a faʼə a mbó ɨbɛn, ɨ kɨ gha ntsi ntən ɨzhi a ndzúŋ atú a ɨbɛn bə ghaʼnə.”

Ɛbal 7:25

Ma lan, wɛrə a tsi nɨ mɨtən a ndoŋ ɨbɛn ba bɨ yenə a mbó Ŋwi ntsa a ndzum zɨ, tɨtsɔŋnɨ abɔʼnɨ nkfu tsum, mbɨ́ʼ ngə́ a tsi ntən nɨnkoŋ lá a mbúʼtɨ́ mbó a mbó Ŋwi a nkfu bo ghe.

2 Bita 1:11

Adzaŋ məwen, Ŋwi a mɨ ghɨ á be adiʼ azən a nɨ́lónɨ́ a nkúŋə́ a mu nɨfɔ nə nɨnkoŋ nɨ Yeso Kristo, zɨ wa nɨ Maʼmbyí ɨwɨgɨnə nkɨ mbe ndoŋ ɨwɨgɨnə lá.

Ɛbal 6:17

A mbó ɨbɛn ba bɨ tsínɨ́ nɨ nkwarɨ za Ŋwi a káʼnɨ́ lá, Ŋwi a kə́ ndǒ ngə́ á tsi asaŋəsaŋ ngə́ zɨə láʼ keʼ kwebtɨ anu za zɨə a káʼnɨ́; ma lan, wɛrə a sé kaʼ tsɛʼ kaʼnɨ, wɛrə a ghɨ́ akaʼ zə tɨŋə.

Matyo 23:13

“Wei ngɨ́ʼ zɨ ngwi a nye bɨŋ bɨdiʼ bɨ Nyɔngɔŋ abɔʼnɨ bə Farisao! Bɨŋ ngaŋ ngɨ ɨtsi! Nɨ vwuʼnɨ ntsundá a mbó ɨbɛn a nkúŋə́ a mu Nɨfɔ nɨ fɔməbvurə ghe. Bɨŋ mboŋ ka nɨ kə́ nkúŋə́ awən ɨwu, nkeʼ nkə́ nyɛ́ʼtə́ á ɨbɛn ba bɨ lɔnɨ nkuŋə ɨwu, á bɨ kuŋə.

Roma 2:21

O dǐʼ ɨbɛn bə mɔʼɔ ghe — nchi keʼ atuəmbəm azo diʼ ngə́ ke le? O sóŋə́ anu a Ŋwi ngə́ á ŋwɔn a keʼ ze lá, o zě le?

Matyo 18:10

“Zɛnə ngə́ nɨ se a mɔn wen wu tse wagɨnə. Ma sóŋə́ awɨŋ ə, a fɔməbvurə bɨtsen bɨ ndá bɨ Ŋwi ba gháʼə nchyɛ̌ bo bɨ Ta ɨghə.

Marɨkusɨ 11:17

A tíʼ ndiʼ ɨbɛn ngə́: “Bɨ ŋwaʼnɨ a mu aŋwaʼnɨ a Ŋwi ngə́ Ŋwi a sóŋ ngə́, ‹Bɨ ghɨ tɔ́ŋ ndá ɨzan nɨ adiʼ a ntsaʼtɨ Ŋwi a mbó ɨbɛn bɨ ɨlaʼ ɨtsum ə.› Lá nɨ bənkɨ a zɛrə a nye adiʼ a ndyɛmtɨ mɨzɛrə ghe!”

Yoane 12:6

A sé sóŋ a məzen lá mbɨ́ʼ ngə́ wɛrə a kɔ́ŋ ndə̌tú nɨ ɨfúm ə. A nɨ mbɨ́ʼ ngə́ wɛrə a bé ndzɛrə ghe. Wɛrə a kə́ ndě aban za bɨ kɨ́nə́ nɨ̌ŋ nkáb wə mu, nkə́ ngaʼə fɨ́gɨ́ nkáb məza ngɨ̌ mɨnu ɨmyi ɨwu ə.

Matyo 21:13

A sóŋ a mbó bo ngə́, “Bɨ ŋwaʼnɨ a mu aŋwaʼnɨ a Ŋwi ngə́, ‹Bɨ ghɨ tɔŋənɨ Ndáŋwi zɨ Ngwi ɨzan ngə́ adiʼ a ntsaʼtɨ Ŋwi ə.› Lá nɨ ghɨ a zɛrə a nye kfúʼə mɨzɛrə ghe!”

Yoane 5:40

Lá ka nɨ kɔŋ awən a ngyiŋə a mbó me, taŋ ɨ yen kwarɨ ntsi ntɨŋ ə.

Yoane 10:11

Ma nɨ ntsiŋ mɨnyam wu shiʼnɨ ə. Ntsiŋ mɨnyam wu shiʼnɨ a chi kfo bɔm mbyindzɨ ɨchi ɛ.

Matyo 18:11