Yoane 10:1 - Mɨkan wu Fi

¹ Yeso a sóŋ ngə́, “Ma soŋə a mbó bən tsɛʼ a nkənu ə: ŋwɔn wa a se tsa a ntsu nká bɔŋ ɨ kon a mu akarɨ a mbyindzɨ, mbaŋnɨ nkɔʼ ntsa be a nye ndóm adaŋ, ŋwɔn məwa a nɨ ndzɛrə nkɨ mbe mbɛʼ ndá ə.

Yoane 10:1 Referans Kwoze

Matyo 7:15

“A nɨ lə ɨtú ɨtsən a nye ntóm Ŋwi tsɨ ɨchwenu ə; bo yiŋə a mbó bən tso mbyindzɨ, ɨnyam za ɨ chinɨ keʼ ɨbvu ghɨ a nye nkyerɨ ɨza, lá mbaŋnɨ mbe angwabáʼ, ɨnyam abɨgəntəm, ɨmu ɨmu ə.

Roma 16:18

Mbɨ́ʼ ngə́ ɨbɛn ba bɨ ghɨnɨ ɨbə́ŋ ɨnu mətsen se faʼə lá a mbó Kristo Maʼmbyí ɨwɨgɨnə ghe. Bo baŋnə ngɨə be ɨnu tsa tsɨ bɔŋnə tsɛʼ mɨfúʼ mɨ ntɔŋ ɨma ghe. Bo lɔgə mɨgham mɨ ndɛtɨ ɨbɛn abɔʼnɨ mɨgham mɨ ntám a shwuŋ ɨbɛn ba mɨntəm ɨma bɔrɨnɨ ɨ fɨgɨ a mu anu a Maʼmbyí ɛ.

1 Yoane 4:1

O bɨson ɨban, á nɨ keʼ nɨŋ mɨntəm ɨmən a nye ɨbɛn bɨtsum ba bɨ kaŋnə ngə́ bo tsi nɨ Azhwi za, lá á nɨ zhwəŋtɨ awa a ndzé ngə́ a lə azhwi za bo tsinɨ nɨ zɛrə a lo a mbó Ŋwi kə ngáŋ ə. Mbɨ́ʼ ngə́ ntóm Ŋwi ɨchwenu ghɛnə nɨ ɨdiʼ ɨtsum ə.

Ɛbal 5:4

Ŋwɔn tse a chi keʼ tsi atuəmbəm zɨ ɨ soŋ ngə́, “Ma kɔʼsɨ atuəmbəm azan atɨ́ a mbé ntumshe wu ngwi ə.” A tsɔʼə Ŋwi ntsɔʼə a ŋwɔn a nye ntumshe wu ngwi — tsɛʼ tso mbáʼ a tsɔ́ʼnɨ́ Alon lá.

2 Bita 2:3

A mu ɨnu amiɛnɨngám ɨtsa, bɨdiʼ bɨ aŋwaʼnɨ bɨ ɨchwenu biŋ ghɨ ghɨ abi a nye adzaŋ za bo sóŋnɨ́ njalaʼ tsa bo kyaŋtɨnɨ a mbó bɨŋ ə. A nɨ abaŋ zə sa tɨtsɔŋnɨ mbáʼ Ŋwi, zɨ wa nɨ Tabyɛn ɨwa a kyaŋtɨnɨ ɨnye ɨzhi a ntsənkɨ bo ghe!

2 Bita 2:1

Ntóm Ŋwi ɨchwenu fú a ɨshe a tɨtərɨ ɨbɛn a mbyi, ndəŋndəŋ bɨdiʼ bɨ aŋwaʼnɨ bɨ ɨchwenu ghɨ kɨ fu a ɨshe a tɨtərɨ bɨŋ ə. Bo mɨ yen nɨ mbɔ́m ndiʼ anu a Ŋwi tsa tsɨ tsənkɨnə nkɨ mbe tsɨ ɨchwenu, ɨ kɨ ton awa a Tafaʼ wa a zónɨ́ atú aza, ma lan, bo mɨ yen nɨ ntsənkə za ɨ mɨ vwukɨ yen a nye ɨtumbəm ɨtsa tɨgha bo zhyɛ.

1 Bita 1:10

A bé lá mbɨ́ʼ ɨloŋ məwen mbáʼ ntóm Ŋwi kwábɨ́nɨ́ nkɨ ntsɔʼ aku a nɨyerɨ nɨyerɨ, ntiʼ nkɨ soŋ mɨnkən ma mɨ lónɨ́ a mbó Ŋwi mbɨ́ʼ azúm zə ghanɨ zen za Ŋwi a ghɨ gha a mbó bən lá.

Roma 10:15

Bɨ mɨ kɨ chwitɨ nkən wu wu lá ɨ nə́ mbáʼ bɨ se ntóm tyigɨ lá le? Tso mbáʼ aŋwaʼnɨ a Ŋwi a soŋnɨ ngə́, “Ngyiŋ ntóm tsa tsɨ tiʼtɨnɨ nkən wu shiʼnɨ, ɨ yiŋə nɨ nɨdorɨ na nɨ ghaʼnɨ ntsa mbó ə!”

Yoane 3:3

Yeso a chwɨ́gɨ́ wəmbo ngə́, “Tsɛʼ a nkənu, tsɛʼ a nkənu, ma soŋ a mbó gho ghe, be bɨ tú a ŋwɔn bə kwiʼ jwi, a chi keʼ Nɨfɔ nɨ Ŋwi kuŋə.”

Tɨ́tósɨ 1:11

Bɨ tsi nɨ ɨ soŋə á bo kyɛntɨ ɨbə́ŋ mɨgham ɨma məmen, mbɨ́ʼ ngə́ bo tɔ́bɨ́ ɨtú ɨbɛn bɨtsum a mu ngwəgɨ tsɨ tse nɨ adzaŋ za bo diʼnɨ ɨnu tsa bo se tsi nɨ ndiʼə lá. Məziŋ atsum a tsi lá mbɨ́ʼ akyaŋtɨ adɨrətú zə nchyɛ nɨ nkáb ə.

Yoane 10:7

Ma lan, Yeso a tíʼ nkwátɨ́ sóŋ a mbó bo ngə́, “Ma soŋə tsɛʼ nkənu a mbó bɨŋ ə: ma nɨ ntsu nká a mbó mbyindzɨ ə.