Yoane 1:51 - Mɨkan wu Fi

⁵¹ A tíʼ sóŋ a mbó bo ngə́, “Tsɛʼ a nkənu, ma sǒŋ nkənu a mbó bɨŋ ə, nɨ ghɨ zɛ́n á fɔməbvurə ŋaʼnɨ, á ɨtsendá tsa tsɨ nɨ tsɨ Ŋwi nkɔ́ʼə nkə́ shíʼə a ɨnye Mɔn Ŋwɔn tso ngə́ wɛrə ni ɨkɔ́ʼ ə.”

Yoane 1:51 Referans Kwoze

Ɨfaʼ 7:56

Wɛrə a sóŋ ngə́, “Zɛnə! Ma zě fɔməbvurə ŋaʼnɨ abɔʼnɨ Mɔn Ŋwɔn a tɛm a bagɨ abó Ŋwi zə maʼə ghe!”

Alukasɨ 22:43

Tsɛʼ a nyom məwa ntsendá Ŋwi zɨ tse ɨ ló a fɔməbvurə ngyen nkwiʼtɨ adaʼ azhi ɛ.

Alukasɨ 2:13

Bɨ vwúkɨ́ ngə́ bɨ zě, ɨnɔ bɨtsen bɨ ndá bɨ Ŋwi ɨ lo a fɔməbvurə nkwiʼtɨ a zɨ mbyi za, ntiʼə ndzɔ́bə́, mbóntə́ a Ŋwi ngə́:

Marɨkusɨ 14:62

Yeso a chwɨ́gɨ́ ngə́, “Ma nɨ wɛrə ghe; nɨ ghɨ zɛ́n a Mɔn Ŋwɔn á shiʼtɨ ntsi a bagɨ abó Tamɨtən Mɨtsum zə maʼə ɨ kə́ yiŋnə a mu mbaʼ fɔməbvurə ghe!”

Marɨkusɨ 1:10

Tsɛʼ mbáʼ Yeso a fúnɨ́ a mu nkyi wa lá, a zé fɔməbvurə ŋaʼnɨ, azhwi a Ŋwi a shiʼ ntɛm wu atú tso bvugɨrə-fɨkon ə.

Matyo 3:16

Tsɛʼ mbáʼ Yeso a bínɨ́ nkwárɨ́ nkyi lá, ɨ fu a mu nkyi wa. Fɔməbvurə tíʼ ŋáʼnɨ́ wəmbo, a ze azhwi a Ŋwi a shiʼə ngyíŋə́ tso bvugɨrə-fɨkon ɨ shiʼ ntɛm wə ɨnye ə.

Ɨfaʼ 10:11

Wɛrə a zɛ́n fɔməbvurə ŋaʼnɨ, bɨ chwa azúm zə tse za a fínɨ́ abagɨ atsɛʼ zə faŋnɨ a nye mɨbú ɨmyi mi nɨkwa ntiʼə shíʼsə́ atuəshe.

Alukasɨ 3:21

Mbáʼ ɨbɛn ba bɨtsum kwárɨ́nɨ́ nkyi lá, Yeso a kɨ́ nkwárɨ́ ɨyi ɛ. A ghɨnə ntíʼə ntsáʼtə́ a Ŋwi, bɨ ŋaʼ fɔməbvurə,

Matyo 4:11

Dəbɨrɨ a tíʼ nyɛʼtɨ a Yeso, bɨtsen bɨ ndá bɨ Ŋwi tíʼ ngyen ndə̌tú nɨ zɨə.

Nkyɛʼə 19:11

Ma tíʼ ndzɛ́n adzaŋ za fɔməbvurə ŋáʼnɨ́nɨ́, ntiʼ nkɨ ndzɛn ɨnyamənkárə́ zɨ fú ə. Ŋwɔn wa a kɔ́ʼnɨ́ wətú bɨ tɔŋə ayi ngə́ Wa A Faʼnə A Mbó Ŋwi Nɨ Táʼ Ntəm abɔʼnɨ Nkənu ə; wɛrə a nɨ́ŋ ngɨ́ʼ a nye ɨbɛn a nye ndóm wa ɨ kuʼnɨnɨ nkə́ ntǒ ngaŋ kɨban ɨchi tɨ nkobɨ ə.

Nkyɛʼə 4:1

Mbáʼ məzen a tsánə, ndzɛm nəzhwɨgɨnɨ zɨ mɔʼɔ kwíʼ ndyé aghan, ma zɛn ntsu ndá wu tse wa ɨ tɛ́mnɨ́ ɨ dzɨ́gɨ́ a fɔməbvurə ghe. Nji za ɨ fínɨ́ zɨ ntaŋ za ma fómnɨ́ ndzúʼ ɨ ghamnə a mbó me lá, ɨ sóŋ ngə́, “Kɔʼ ngyen ɨghan, ma mɨ tiʼ diʼ agho nɨ anu za a tsinɨ ɨ zagɨ fu mbáʼ zen a tsanə ghe.”

2 Tesalonaika 1:7

ɨ kɨ gha ashwetə ntəm a mbó bən ba nɨ zɛ́nɨ́ ngɨ́ʼ ɨ kɨ be abɔʼnɨ bɨgɨ ə. A ghɨ ghɨ a məzen a nyom wa Maʼmbyí Yeso a lonɨ a fɔməbvurə ngyen bo bɨ bɨtsen bɨ ndá bɨ Ŋwi ɨbyi ba bɨ tsinɨ nɨ adaʼ,

Alukasɨ 2:9

Ntsendá Ŋwi zɨ Maʼmbyí ɨ fú a ɨshe a ɨshi bo, nɨfáŋ nɨ Maʼmbyí ɨ tá nkubɨnɨ awa ghe. Nɨbɔgɨ nə wi tsí a ntəm bo,

Ɛbal 1:14

Bɨtsen bɨ ndá bɨ Ŋwi tiʼ mbe lá ɨke le? Bo nɨ ɨzhwi tsa tsɨ faʼnə a mbó Ŋwi, a kə ntiʼə ntsagə awa bo kwatɨnɨ ɨbɛn ba bɨ ghɨnɨ kwárɨ́ ɨloŋ ə.

1 Timotyo 3:16

Ŋwɔn tse a chi keʼ ton ngə́ ndóm wa bɨgɨnə zhinɨ a Ŋwi, a nɨ anu a nkubə zə wi ə: Wɛrə a fú a ɨshe a nye mbě ŋwɔn mɨsɔŋ a ntsu, Azhwi a diʼ ngə́ wɛrə a kuʼnɨ, ɨtsendá Ŋwi zɛ́n a wɛrə ghe. Bɨ ghám mbɨ́ʼ ayi a mbó ba a se bə Yuda be, atuəshe atsum a nɨŋ mɨntəm ɨma wə ɨnye, Ŋwi a tsɔ́ʼ a wɛrə nkɔʼ ngɛn nɨ zɨ a fɔməbvurə ghe.

Yoane 10:1

Yeso a sóŋ ngə́, “Ma soŋə a mbó bən tsɛʼ a nkənu ə: ŋwɔn wa a se tsa a ntsu nká bɔŋ ɨ kon a mu akarɨ a mbyindzɨ, mbaŋnɨ nkɔʼ ntsa be a nye ndóm adaŋ, ŋwɔn məwa a nɨ ndzɛrə nkɨ mbe mbɛʼ ndá ə.

Alukasɨ 22:69

Lá ɨ lɔgɨnɨ tɨtsɔŋnɨ ɨ tiʼə ghenə nɨ mbyi, Mɔn Ŋwɔn a mɨ shiʼtɨ tsi a bagɨ abó Ŋwi Tamɨtən Mɨtsum zə maʼə ghe.”

Matyo 25:31

“Nkfu za Mɔn Ŋwɔn a ghɨnɨ yen a mu nɨfáŋ ɨni, abɔʼnɨ bɨtsen bɨ ndá bɨ Ŋwi bɨtsum, wɛrə a mɨ shiʼtɨ tsi atú abərɨ a nɨfáŋ azhi ɛ.

Judɨ 1:14

A nɨ Ɛnɔkɨ, wa a yénɨ́ a nye mɨwə ma mɨ kúʼnɨ́ mi samba a ndɔgɨnə a nye Adam, wa a sóŋnɨ́ a za a ghɨnɨ fú a nye bo a ngúʼə ngúʼə ngə́: “Zɛnə, Maʼmbyí a mɨ yen nɨ bɨtsen bɨ ndá ɨbyi bə fɛmnɨ a nchwuʼ a nchwuʼ

2 Tesalonaika 1:9

Bo ghɨ ze ngɨ́ʼ ɨ tiʼ kon a mu ɨnɨŋ ngɨ́ʼ mbáʼ ɨ lá ntsənkə nɨnkoŋ, á bɨ lɔgɨ awa ndotɨ nɨ bo a ɨshi ɨmɨgɨ Maʼmbyí abɔʼnɨ adaʼ azhi zə nɨfáŋ,

Yoane 14:12

Ma soŋ nkənu a mbó bɨŋ ə: ŋwɔn tsum wa a nɨŋnɨ ntəm ɨyi a nye me, a mɨ ghɨ ɨnu tsa ma ghɨnə ghe — tsɛʼ a nkənu, a mɨ ghɨ ɨnu tsɨ wi á tsɨ gháʼ ngɛn nɨ mbyi, mbɨ́ʼ ngə́ ma ghěn a mbó Tarɨ ə.

Yoane 6:47

Tsɛʼ a nkənu ma soŋə awɨŋ ə: ŋwɔn tsum wa a nɨŋnɨ ntəm ɨyi a nye me a tsi nɨ ntsi ntən nɨnkoŋ ə.

Alukasɨ 24:4

Mbáʼ anu za a kɨ́ʼnɨ́nɨ́ awa lá, mbáŋnɨ́ tsi bá, ngwəgɨ ɨtsɛʼ ɨ fúgə ngə́ bú nkə́ ŋwánkə́, vwúkɨ́ ntɛ́m a mbyɛn bo ghe.

Matyo 26:24

Mɔn Ŋwɔn a mɨ kfo adzaŋ za Aŋwaʼnɨ a Ŋwi a soŋnɨ ngə́ a mɨ kfo, lá ngɨ́ʼ zɨ ngwi ɨ tsi atú ŋwɔn wa a korɨnɨ a mɨnaŋ atú Mɔn Ŋwɔn ə! A kwɛ́ bé bɔŋ mbáʼ be bɨ sé a ŋwɔn məwa jwiə!”

Yoane 21:18

Ma sǒŋ nkənu a mbó gho ghe; mbáʼ o bvúrɨ́nɨ́ ngwaʼ ngwasom, o kə́ ngwə́gɨ́ ɨtsɛʼ ɨtso ngěn agho adiʼ atsum za o kɔ́ŋnə́; lá mbáʼ o ghɨnɨ bé tankaŋ, o mɨ shiŋ mbó ɨmo, á ŋwɔn adaŋ a wəgɨ atsɛʼ azo ntiʼ ndɔgɨ agho ngɛn nɨ gho adiʼ wa ka o kɔŋ agho ngěn ghe.”

Yoane 8:51

Tsɛʼ a nkənu, ma soŋə awɨŋ ə, be ŋwɔn tsɛrə a ndzúʼnɨ́ ɨnu tsa ma diʼnə, a láʼ keʼ kfoə.”

Yoane 6:32

Yeso a sóŋ ngə́, “Tsɛʼ a nkənu ma soŋə awɨŋ ə, a sé Mǒse gha nga abán za a lónɨ́ a fɔməbvurə a mbó bɨŋ ə; a nɨ Ta ɨghan mbáʼ a ghánə́ nkasɨ abán za a lonɨ a fɔməbvurə ghe.

Yoane 3:5

Yeso a chwɨ́gɨ́ wəmbo ngə́, “Tsɛʼ a nkənu, tsɛʼ a nkənu, ma soŋ a mbó gho ghe, be bɨ tú a ŋwɔn bə jwi nɨ nkyi abɔʼnɨ Azhwi, a chi keʼ a mu nɨfɔ nɨ Ŋwi kuŋə.

Yoane 16:20

Tsɛʼ a nkənu ma soŋə awɨŋ ə: nɨ ghɨ zɛʼ ɨ kɨ bugɨ, lá á ɨbɛn bɨ atuəshe ndorɨkə awa ghe; nɨ ghɨ dzə́ŋnɨ́nə ghe, lá á adzə́ŋnɨ azən a bə mbənkɨ a nye nɨdorɨ ə.

Yoane 13:16

Ma sǒŋ nkənu a mbó bɨŋ ə: ka ɨbuʼ tsa awa a tabuʼ ɨwa, ndontom a keʼ kɨ ntsa a ŋwɔn wa a tyigɨnɨ ayi ɛ.

Yoane 10:7

Ma lan, Yeso a tíʼ nkwátɨ́ sóŋ a mbó bo ngə́, “Ma soŋə tsɛʼ nkənu a mbó bɨŋ ə: ma nɨ ntsu nká a mbó mbyindzɨ ə.

Yoane 6:53

Yeso a sóŋ a mbó bo ngə́, “Tsɛʼ a nkənu ma soŋə awɨŋ ə: be nɨ tú kfurɨ ɨnyam ɨnye Mɔn Ŋwɔn ɨ kɨ no alɛm azhi, nɨ mɨ keʼ tsi nɨ ntsi ntən a mu ɨnye ɨtsɨŋ ə.

Yoane 5:27

Wɛrə a kɨnə nga mɨtən a mbó Mɔn Mbáŋnɨ́ ngə́ á sáʼ, mbɨ́ʼ ngə́ wɛrə a nɨ Mɔn Ŋwɔn ə.

Yoane 5:19

Yeso a chwɨ́gɨ́ a mbó bo ngə́, “Ma soŋ nkənu a mbó bɨŋ ə; Mɔn Mbáŋnɨ́ a chi keʼ anu zə tse nɨ atú azhi ghɨə; a ghɨə tsɛʼ anu za a zɛ́nə́ Ta ɨyi a ghɨnə ghe. Anu za Tarɨ a ghɨnə, Mɔn Mbáŋnɨ́ a kə́ ngɨə ghe.

Yoane 3:3

Yeso a chwɨ́gɨ́ wəmbo ngə́, “Tsɛʼ a nkənu, tsɛʼ a nkənu, ma soŋ a mbó gho ghe, be bɨ tú a ŋwɔn bə kwiʼ jwi, a chi keʼ Nɨfɔ nɨ Ŋwi kuŋə.”

Matyo 9:6

Ma mɨ diʼ a mbó bən ngə́ Mɔn Ŋwɔn a tsi nɨ mɨtən atuəshe a ndɨgɨnɨ mɨbvu ə.” Ma lan, wɛrə a tíʼ sóŋ a mbó chɛbɨŋ wa ngə́, “Lo atɨ́, mbye abaʼ azo, nkwɛn agho!”

Matyo 8:20

Yeso a sóŋ wəmbo ngə́, “Bɨnɨmaŋ tsi nɨ mɨngvo, bɨsɨ́ŋ tsi nɨ mɨnkə, lá Mɔn Ŋwɔn a se tsi nɨ adiʼ za a chinɨ nɔŋ ɨwu ɨ zhwitə.”

Yoane 16:23

Njwi məza ghɨ ngyén muŋ nɨ mɨ keʼ aghan nɨ azúm zə tsɛrə bitə. Tsɛʼ a nkənu ma soŋə awɨŋ ə: Tarɨ a ghɨ ghá awən nɨ azúm atsum za nɨ bitɨnɨ wəmbo nɨ ɨkum ɨghə.

Yoane 13:38

Yeso a chwɨ́gɨ́ ngə́, “Njingə o lanɨnə nkyaŋtɨ ɨnye ɨzo a nkfó mbɨ́ʼ atú azan le? Ma soŋə agho tsɛʼ a nkənu ə: bɔŋ á ankɨʼə a ntɔ́ŋə́, o mɨ soŋ nkfu tsi tárə́ ngə́ ka o zhi agho aghə.”

Yoane 8:58

Yeso a chwɨ́gɨ́ ngə́, “Ma sǒŋ nkənu a mbó bɨŋ ə. Mbɔŋnə á bɨ njwiə Abraʼm, Ma chyɛ.”

Yoane 8:34

Yeso a sóŋ a mbó bo ngə́, “Tsɛʼ a nkənu, ma soŋə awɨŋ ə, ŋwɔn tsum wa a ghɨnɨ ɨbvu, a nɨ abuʼ a mbó ɨbvu ə.

Yoane 6:26

Yeso a chwɨ́gɨ́ ngə́, “Tsɛʼ a nkənu ma soŋə awɨŋ ə: nɨ lǒ aghan lá mbɨ́ʼ ngə́ nɨ kɨ kfurɨ abán za nzhwurɨ ntiʼ ntsi nɨ atsum za nɨ kɨ chinə ndǒ, ka a be ayi be mbɨ́ʼ ngə́ nɨ kɨ zuʼ nkɨ nji ɨnu tsɨ yerɨnɨ-yerɨnɨ ɨtsan tsa.

Yoane 1:50

Yeso a sóŋ wəmbo ngə́, “O nɨŋ ntəm ɨgho a nye me lá tsɛʼ mbɨ́ʼ ngə́ ma soŋ a mbó gho ngə́ ma lo ndzɛ́n agho a shwúrɨ́ atɨ a figɨ za le? O ghɨ zɛ́n ɨnu tsɨ wi tsa tsɨ tsanɨ a məziŋ ə!”