Yoane 1:41 - Mɨkan wu Fi

⁴¹ A byí ntsɔ́ʼ aku a mɨma ɨyi Samɔn, ɨ soŋ wəmbo ngə́, “Bɨgɨ zɛnə a Wa bɨ Zɔ́ʼnɨ́ wa” (Atú a nɨgham məzen a diʼ lá ngə́ “Kristo” ghe.)

Yoane 1:41 Referans Kwoze

Yoane 4:25

Mangye wa a sóŋ wəmbo ngə́, “Ma zhi ngə́ Wa bɨ Zɔ́ʼnɨ́ wa a ghɨ yiŋə. A nkfu za a yenɨ, wɛrə a mɨ soŋ ɨnu ɨtsum a mbó bɨgɨ ə.”

Yoane 1:45

Firɨbɔ a zɛ́n a Nataniɛ, ɨ soŋ wəmbo ngə́, “Bɨgɨ zɛnə a ŋwɔn wa Mǒse a ŋwáʼnɨ́nɨ́ mbɨ́ʼ ayi a mu aŋwaʼnɨ a Nyɔngɔŋ, ntóm Ŋwi kɨ ndzɔŋ ŋwaʼnɨ mbɨ́ʼ ayi lá. Wɛrə nɨ Yeso mɔn Yosɛb wu mbáŋnɨ́, ŋwɔn bə Nazarɛ ghe.”

Ɨfaʼ 10:38

Nɨ zhi anu mbɨ́ʼ a Yeso wu Nazarɛ abɔʼnɨ adzaŋ za Ŋwi a zɔ́ʼnɨ́ ayi nɨ Azhwi zə Fɛmnɨ abɔʼnɨ mɨtən lá. Wɛrə a ghɛ́n a nye ɨdiʼ ɨtsum, ngɨ̌ ɨnu tsɨ shiʼnɨ ɨwu nkə́ ntsǔʼ ɨbɛn bɨtsum ba bɨ tsínɨ́ a shwúrɨ́ adaʼ a Dəbɨrɨ, mbɨ́ʼ ngə́ Ŋwi a tsí bo zɨə.

Alukasɨ 2:38

Tsɛʼ a nyom ndiʼ Yeso wa a Ndáŋwi zɨ Ngwi, Ana a yén nga a mɨya a mbó Ŋwi nkɨ fɨʼtɨ ɨnu mbɨ́ʼ a mɔn wa a mbó ɨbɛn ba bɨ tsínɨ́ ɨwu ntsǐŋ njwi za Ŋwi a ghɨnɨ kyɛtɨ mɨnkɨ mɨ abuʼ a nye Yerosalɛm ə.

Alukasɨ 2:17

Mbáʼ bɨntsiŋ mɨnyam ba zɛ́nɨ́ a mɔn wa lá, ntiʼ fɨʼtɨ a mbó bo anu za Ntsendá Ŋwi za ɨ sóŋnɨ́ mbɨ́ʼ a mɔn wa.

Ɨfaʼ 4:27

Mbɨ́ʼ ngə́ tsɛʼ a nkənu, Ɛrɔd bo Bonto Branto bómnkɨ́ a mu ntáʼmbagə wu wi wen bo bɨ ba a se bə Yuda be nkwiʼtɨ bə Izrai, ntáŋ a mɨnaŋ atú Yeso, ngaŋ afaʼ ɨzo zɨ fɛmnɨ za o ghɨ́nɨ́ a nye Wa bɨ Zɔ́ʼnɨ́ wa.

1 Yoane 1:3

Za bɨgɨ zɛnə nkɨ ndzuʼ, bɨgɨ kə́ nchwítə́ a mbó bən, taŋ á nɨ chi bumnɨ bɨgɨnə a mu ndzɨnə za bɨgɨ tsinɨ nɨ zɛrə bɨgɨ bɨ Tarɨ bo Mɔn ɨyi Yeso Kristo lá.

Matyo 1:23

“Zɛnə a zɨŋə, ngo zɨ tse ghɨ tɛ́m nɨ mɔn, ɨ jwi a mɔn mbáŋnɨ́, á ɨkum ɨyi be Manɨwe ghe” (ndiʼ lá ngə́, “Ŋwi a tsi bɨgɨnə bo ghe”).