Yoane 1:4 - Mɨkan wu Fi

⁴ Atú a Nɨgham a ghá ntsi mbyi, ntsi mbyi məzen yén nɨ nkaʼ a mbó ŋwɔn mɨsɔŋ a ntsu ə.

Yoane 1:4 Referans Kwoze

Yoane 8:12

Yeso a bə́ nkwiʼ ngám a mbó bə Farisao ngə́, “Ma nɨ nkaʼ wu atuəshe ə. Ŋwɔn tsum wa a zɔŋnɨ aghan, a mɨ tsi nɨ nkaʼ ntsi ntən, ɨ láʼ keʼ a mu ndzumnɨ yiŋə.”

Yoane 12:46

Ma yen atuəshe tso nkaʼ, taŋ ŋwɔn tsum wa a nɨŋnɨ ntəm ɨyi a nye me a mɨ keʼ ghɔŋ a mu ndzumnɨ ə.

Yoane 5:26

Tsɛʼ tso mbáʼ ntsi ntən ɨ lonə a mbó Tarɨ lá, ndəŋndəŋ a kɨ ngɨ ngə́ á ntsi ntən ndǒ a mbó Mɔn Mbáŋnɨ́ ɨyi ɛ.

Yoane 9:5

Adzaŋ za ma bvurɨnɨ ntsi atuəshe lá, ma nɨ nkaʼ a mbó atuəshe.”

Yoane 11:25

Yeso a sóŋ wəmbo ngə́, “A zhwémnə́ me nzhwemnɨ ɨbɛn a mbó nɨvwo nkə́ ngǎ ntsi ntɨŋ ə. Ba bɨ nɨŋnɨ mɨntəm ɨma a nye me, bɨ baʼtɨ nkfo ɨ kfonɨ lá, bo ghɨ tsi ntən;

1 Yoane 5:11

Za Ŋwi a sóŋnə́ a mbó bɨgɨnə a nɨ ngə́ wɛrə a ghanə ntsi ntən nɨnkoŋ a mbó bɨgɨnə, ntsa a ndzum Mɔn ɨyi ɛ.

Yoane 14:6

Yeso a chwɨ́gɨ́ ayi ngə́, “Ma nɨ ndómnji wa, nkənu za, nkɨ mbe ntsi ntən za; ŋwɔn tse a chi keʼ ghɛn nkuʼ a mbó Tarɨ tɨ tsa a ndzum me ghe.

Yoane 12:35

Yeso a chwɨ́gɨ́ a mbó bo ngə́, “Nkaʼ mɨ bə bvurɨ tsi a tɨtərɨ bən a nye məbaŋtɨ wu sa ghe. A nɨ ndzɔ̌ŋ ndómnji ɨwən mbáʼ nkaʼ ɨ bvurɨnɨ ntsi, taŋ á ndzumnɨ keʼ yen nkubɨnɨ awən; mbɨ́ʼ ngə́ ŋwɔn wa a yenə a mu ndzumnɨ ka a zhi ayi ndóm wa a ghɛnə ɨwu ə.

Ɛfɛso 5:14

mbɨ́ʼ ngə́ anu atsum za a fúnə́ a ɨshe asaŋəsaŋ, a nɨ nkaʼ ə. Nə nɨ anu za bɨ soŋnɨ ngə́: “O, gho wa o lyénə́, vwukɨ a fɨlye nkɨ nzhwemnɨ a mbó nɨvwo, á nkaʼ Kristo ɨ tá a nye gho ghe.”

Matyo 4:16

Ɨbɛn ba bɨ tsinɨ a ndzumnɨ bɨ mɨ ze nkaʼ wu wi ə. Ɨbɛn ba bɨ kɨ́nə́ nchyɛ̌ a mu ndzumnɨ mɨbvu, bo zɛnə nkaʼ ɨloŋ Ŋwi ə.”

Kolose 3:4

Ngótɨ́ ntsi mbyi ɨzɨŋ lá Kristo ghe. Wɛrə a ghɨ fú a ɨshe, muŋ nɨ mɨ kɨ fu a ɨshe bɨŋ bɨ wɛrə, ɨ kɨ tsi a mu nɨfáŋ ɨni ɛ!

Ɨfaʼ 26:23

Wa bɨ Zɔ́ʼnɨ́ wa a mɨ zagɨ ze ngɨ́ʼ, ɨ be ntsambyi ŋwɔn a nzhwémnə́ a mbó nɨvwo taŋ ɨ chwítɨ́ nkən wen a mbó bə Yuda abɔʼnɨ ba a se bə Yuda be ngə́ bɨ chi loŋ awa, á məzen a be lá tso nkaʼ a mbó bo ghe.”

Alukasɨ 2:32

Nkaʼ wa ɨ ghɨnɨ diʼ anu za Ŋwi a lɔnə a mbó ba a se bə Yuda be ɨ kɨ gha nɨfáŋ a mbó ɨbɛn ɨbo ba a nɨ bə Izrai lá.”

1 Yoane 1:2

A nkfu za ntsi mbyi məzen ɨ fúnɨ́ a ɨshe, bɨgɨ zɛ́n a zɛrə; ma lan bɨgɨ ghamə mbɨ́ʼ a zɛrə, nkə́ ngámə́ a mbó bən mbɨ́ʼ ntsi ntən nɨnkoŋ za ɨ tsínɨ́ bo Tarɨ, bɨ tiʼ ngɨ bɨgɨ zhi lá.

Yoane 5:21

Tso mbáʼ Tarɨ a zhwémnɨ́nə́ ɨbɛn ba bɨ kfokɨnɨ, ngǎ ntsi ntən a mbó bo lá, ndəŋndəŋ Mɔn Mbáŋnɨ́ a ghǎ ntsi ntən a mbó ɨbɛn ba zɨə lɔnɨ ngǎ a mbó bo ghe.

Nkyɛʼə 22:16

“Me Yeso, ma tsagɨnə ntsendá Ŋwi ɨzan ngə́ á ɨ chwitɨ ɨnu tsiŋ ɨtsum a mbó bən a mu ndáŋwi ə. Ma fu a ɨlə̌ ndá Devidɨ; ma tsi lá tso fɨndzɔŋ fə tənjwi fa fɨ tánə́ ghe.”

1 Korɨnto 15:45

Mbɨ́ʼ ngə́ aŋwaʼnɨ a Ŋwi soŋ ngə́, “Ŋwi a káʼ ntsambyi ŋwɔn wa a bénɨ́ Adam lá tso ŋwɔn wa a tsinɨ nɨ ntsi ntɨŋ ə”; lá ntsɨrɨndzum Adam a nɨ Azhwi za a ghánɨ́ ntsi ntɨŋ ə.

Nkyɛʼə 22:1

Mbáʼ Ntsendá Ŋwi za mɛ́tɨ́nɨ́ a ndiʼ ntáʼmbagə wu wi wu fi wa a mbó me, ɨ tíʼ nkɨ ndiʼ a mɨzam wu nkyi wa ɨ ghánɨ́ ntsi ntən lá, ɨ dzinkɨnə tso ntsəŋ ɨləŋ, ndǒ a nye abərɨ a Ŋwi bo Mɔn Mbyindzɨ wa

Yoane 3:19

Nə nɨ adzaŋ za Ŋwi a sáʼnɨ́ mbyi ɛ, lá be ngə́, nkaʼ ɨ yenə a mu mbyi, lá ɨbɛn kɔŋ ndzumnɨ ntsa nkaʼ, mbɨ́ʼ ngə́ ngɨnɨ mɨnu ɨma nɨ mə tɔmnɨnɨ ə.

1 Yoane 1:1

Bɨgɨ ŋwaʼnɨ a mbó bən lá mbɨ́ʼ Nɨgham na nɨ ghánɨ́ ntsi ntən, mbáʼ nɨ tsínɨ́ nchwuʼnɨ a mbiʼnə ghe. Bɨgɨ zuʼnə a nɛrə, nkɨ ndzɛn a nɛrə nɨ ɨmɨgɨ ɨmɨgɨ; bɨgɨ zɛnə nkɨ mɔmtɨ a nɛrə nɨ mbó ɨmɨgɨ ə.