Yoane 1:19 - Mɨkan wu Fi

¹⁹ Nkənu za Yoane a zhínɨ́ ɨ soŋ ɨ zɛnə, mbáʼ bɨkum bɨ bə Yuda tságɨ́nɨ́ bɨntumshe abɔʼnɨ ɨbɛn bɨ ɨlə̌ ndá Levi bɨ lo a Yerosalɛm ngyen bitɨ ayi ngə́, “O lá ɨwa le?”

Yoane 1:19 Referans Kwoze

Yoane 10:24

mbáʼ ɨbɛn ghótɨ́nɨ́ nkarɨsɨ ayi mbitɨ ayi ngə́, “O mɨ lɛn awɨgɨ a mu nɨwiʼ lá a nye ndvuŋ nkfu ake le? Soŋ nkənu za ɨ tsinɨ ɨwu asaŋəsaŋ a mbó bɨgɨ ə: Wa bɨ Zɔ́ʼnɨ́ wa a lá gho le?”

Ɨfaʼ 19:4

Baolo a sóŋ ngə́, “Nkwarɨ Nkyi zɨ Yoane ɨ tsí lá a mbó ɨbɛn ba bɨ bə́ŋnɨ́ mɨntəm ɨma a nye mɨbvu ɨma ghe. Yoane a kɨ́ sóŋ a mbó ɨbɛn bə Izrai ngə́ á bo nɨŋ mɨntəm ɨma a ɨnye zɨ wa a tsínɨ́ nɨ ngyiŋə a ndzum zɨ — lá be ngə́, a nye Yeso ghe.”

Ɨfaʼ 13:25

Adzaŋ za Yoane a kɨ́nə́ mɛtɨ a za wɛrə a fúnɨ́ abyɛn a faʼə, wɛrə a sóŋ a mbó ɨbɛn ba ngə́, ‹Nɨ wiʼtɨ ngə́ ma lá ɨwa le? Ka ma be aghan ŋwɔn wa nɨ zhwíʼtɨ́nə́ ngə́ á ghɨ́ ngyen lá. Lá zhwiʼtɨnə! Wɛrə a mɨ yen a ndzum me, ma kaʼ kɨ nkuʼnɨ aghan a ntsɔ́ʼtɨ́ ngobɨ ɨchi a mɨku zɨə.›

Yoane 2:18

Bɨsáʼ bɨ ɨlaʼ bɨ bə Yuda chwɨ́gɨ́ nɨ abítɨ ngə́, “Anu zə yerɨnɨ-yerɨnɨ za o chinɨ ghɨ a ndiʼə ngə́ o tsi nɨ mɨtən a ngɨ məzen a nɨ zɨŋə le?”

Yoane 5:10

bɨsáʼ bɨ ɨlaʼ bɨ bə Yuda sóŋ a mbó ŋwɔn wa bɨ tsúʼnɨ́ ayi lá ngə́, “Sɨŋə nɨ Njwi Alaʼ Ŋwi ə, o fasɨ a Nyɔngɔŋ ɨwɨgɨnə a mbyɛʼ abaʼ azo ə.”

Yoane 6:52

Bə Yuda tíʼ nkón a mu ɨkwənkɨ mɨgham a mu alwɛntɔ́ŋ a tɨtərɨ bo nɨbo ghe. Bo bítɨ́ ngə́, “Mba wen a mɨ gha ɨnyam ɨnye ɨzhi á bɨgɨnə kfurɨ lá ɨ nə́ le?”

Yoane 6:41

Bə Yuda bíʼnɨ́ ntiʼə nzhwúʼnə́ mbɨ́ʼ a Yeso, mbɨ́ʼ ngə́ wɛrə a sóŋ ngə́, “Ma nɨ abán za a lonɨ a fɔməbvurə ɨ shiʼ ngyiŋə.”

Yoane 1:7

A yén a fɨʼtɨ anu mbɨ́ʼ nkaʼ wa a mbó ɨbɛn, taŋ á ɨbɛn bɨtsum zuʼ nkən wa ɨ nɨŋ mɨntəm ɨma a nye Ŋwi a ntsǎ a ndzum nkaʼ wa.

Yoane 2:20

Bo bítɨ́ ayi ngə́, “A lɔ́gɨ́ ɨlom mɨghúm mi nɨkwa nɨ ntsɔb ntugə a ngvwu Ndáŋwi zɨ Ngwi ziŋ ə, o mɨ vwu a zɛrə atú njwi tsi tárə́ le?”

Yoane 5:15

Ŋwɔn wa a tíʼ ndo ngɛn soŋ a mbó bɨsáʼ bɨ ɨlaʼ bɨ bə Yuda ngə́ ayi lá a kɨ tsuʼ Yeso ghe.

Yoane 5:16

Ma lan, bo tíʼ mbiʼnɨ a ndɨ́gɨ́ Yeso mbɨ́ʼ ngə́ a tsúʼ a ŋwɔn a Njwi Alaʼ Ŋwi ə.

Yoane 5:18

Nɨgham mənen ghɨ́ bɨsáʼ bɨ ɨlaʼ bɨ bə Yuda tiʼə ndǒ mɨndóm a njwítɨ́ zɨ; mbɨ́ʼ ngə́ a sé tsɛʼ a nyɔngɔŋ Njwi Alaʼ Ŋwi fasɨ, a sóŋ ngə́ Ŋwi a nɨ Ta ɨyi, ndiʼ lá ngə́ wɛrə a ghɨ́ atuəmbəm azhi a be ndəŋndəŋ bo Ŋwi ə.

Yoane 7:1

Məzen a ghɨnə ntsá, Yeso a núm nkárɨ́ a mu Galili ə. A sé ndǒ ɨ num kárɨ́ a mu Yudiya, mbɨ́ʼ ngə́ bɨsáʼ bɨ ɨlaʼ bɨ bə Yuda ɨwu kə́ ndǒ njwitɨ zɨə.

Yoane 7:11

Bɨsáʼ bɨ ɨlaʼ bɨ bə Yuda kə́ númə́ ndǒ a wɛrə adiʼ a nɨdorɨ wa. Bo kə́ mbítə́ ngə́, “A mé le?”

Yoane 7:15

A kɨ́ʼnɨ́ bɨsáʼ bɨ ɨlaʼ bɨ bə Yuda be tɨ́sə́n bo soŋ ngə́, “Mba wen a tsa lá ɨ nə́ nji ndvuŋ ɨnu wen mbáʼ bɨ láʼnə mbvurɨ ayi tɨ diʼ lá le?”

Yoane 8:22

Ma lan, bɨsáʼ bɨ ɨlaʼ bɨ bə Yuda tíʼ mbítɨ́ a tɨtərɨ bo nɨbo ngə́, “A mɨ zhwitɨ atuəmbəm azhi, mbáʼ a soŋnɨ ngə́, ‹Adiʼ za ma ghɛnə nɨ chi keʼ ɨwu yen lá le›?”

Yoane 8:48

Bə Yuda bítɨ́ a mbó Yeso ngə́, “A se kuʼnɨ a mbó bɨgɨ a sóŋə́ ngə́ o nɨ ŋwɔn bə Samaria nkɨ ntsi nɨ dzɨŋ a mu ɨnye gho le?”

Yoane 8:52

Bə Yuda sóŋ ngə́, “Tɨtsɔŋnɨ bɨgɨ zhi ɨ shiʼnɨ ngə́ o tsi nɨ dzɨŋ ə! Abraʼm a kfó, ntóm Ŋwi kɨ nkfokə; lá o soŋ ngə́ ŋwɔn tsum wa a zúʼnɨ́nɨ́ ɨnu tsa o diʼnə a láʼ keʼ kfoə.

Yoane 8:57

Bo sóŋ wəmbo ngə́, “O wen mbvurɨ be ɨlom mɨghúm mɨntə̧̂ tɨ kuʼ — o zé Abraʼm lə ɨ lye ke le?”

Yoane 10:31

Bə Yuda kwíʼ nkɨ́ mbye mɨngɔʼ a ntúmtɨ́ wɛrə nɨ mɛrə ghe.

Yoane 11:19

Bə Yuda bə ghaʼnɨ yén a mbó Marɨta bo Mɛrɨ a ndɛ́tɨ́ bo a nɨvwo mɨma ɨwa ghe.

1 Yoane 1:5

Nkən wa bɨgɨ zuʼnə a mbó Mɔn ɨyi nkə́ nchwítə́ ɨ nɨ ngə́: Ŋwi a nɨ nkaʼ, ndzumnɨ keʼ wə ɨnye tsi, kə́ tsɛʼ mɨnyiə ghe.