Yoane 1:18 - Mɨkan wu Fi

¹⁸ Ŋwɔn tse a láʼnə mbvurɨ tɨ zɛn a Ŋwi ə. Mɔn ɨyi wen zɨzɨ, wa a benɨ ndəŋndəŋ tso Ŋwi nkɨ mbə ntsi wə bagɨ abó, wɛrə a ghɨ bɨ zhi a Ŋwi ə.

Yoane 1:18 Referans Kwoze

Kolose 1:15

Kristo nɨ afi a Ŋwi za bɨ zɛ́nə́, Ŋwi, zɨ wa ka bɨ ndzě ayi ayi lá. Kristo nɨ ntsambyi Mɔn Mbáŋnɨ́, wa a tsinɨ atú ɨdzúm ɨtsum tsa Ŋwi a káʼnə́.

Yoane 6:46

Ka məzen a diʼ ayi lá ngə́ ŋwɔn tse a zɛnə a Tarɨ ə; a nɨ ŋwɔn wa a lonɨ a mbó Ŋwi wa mbáʼ a nɨ tsɛʼ zɨzɨ wa a zɛnə a Tarɨ ə.

Matyo 11:27

Ta ɨghan a ghanə ɨdzúm ɨtsum a mbó me ghe. Ka ŋwɔn tse a zhi ayi a Mɔn ntsa a Tarɨ, ŋwɔn tse a keʼ kɨ nji a Tarɨ ntsa a Mɔn abɔʼnɨ ba Mɔn a zarɨnɨ taŋ ɨ kyɛʼ a ta ɨyi a mbó bo ghe.

Alukasɨ 10:22

Ta ɨghan a ghanə ɨdzúm ɨtsum a mbó me ghe. Ka ŋwɔn tse a zhi ayi a ŋwɔn wa a nɨ Mɔn ntsa a Tarɨ, ŋwɔn tse a keʼ kɨ nji a ŋwɔn wa a nɨ Tarɨ ntsa a Mɔn, nkwiʼtɨ ɨbɛn ba Mɔn a zarɨnɨ ngə́ á bɨ zhi a Tarɨ ə.”

1 Yoane 4:12

Ŋwɔn tse a láʼnə mbvurɨ tɨ zɛn a Ŋwi ə, lá be bɨgɨnə kɔŋnɨ a ŋwɔn nɨ ŋwɔn muŋ Ŋwi a chyɛ̌ a mbúm bɨgɨnə bo, nkə́ ngɨə akɔŋnɨ azhi a kɔʼnə ntɛ́mə́ ngə́ tsáŋ a mu ɨnye ɨtsɨgɨnə ghe.

1 Timotyo 6:16

A nɨ tsɛʼ zɨzɨ wa a láʼ keʼ kfo; wɛrə a chyɛ̌ a mu nkaʼ wa ŋwɔn tse a chi keʼ yentɨ nkuʼ wə mbyɛn ə. Ŋwɔn tse a láʼnə mbvurɨ tɨ ze ayi; wu tse a láʼ keʼ ayi kɨ ndze. A nkɔʼsə atɨ́ abɔʼnɨ mɨtən mɨ nɨnkoŋ tsi wəmbo ə! A be lá.

1 Yoane 4:9

Ŋwi a díʼ akɔŋnɨ azhi a mbó bɨgɨnə lá a nye adzaŋ za wɛrə a tságɨ́nɨ́ a Mɔn ɨyi wa a núnɨ́ zɨzɨ a mu mbyi, taŋ á bɨgɨnə chi tsi nɨ ntsi ntən ntsa a ndzum wɛrə ghe.

1 Yoane 5:20

Bɨgɨnə zhi ngə́ Mɔn Ŋwi a yenə, nkɨ nga ndzuʼə kɨ zhi a mbó bɨgɨnə, taŋ á bɨgɨnə zhi a Ŋwi, zɨ wa nkənu lonə wəmbo lá. Bɨgɨnə chyɛ̌ lá a mbúm bɨgɨnə bɨ Ŋwi, zɨ wa nkənu lonə wəmbo lá — a mbúm bɨgɨnə bɨ Mɔn ɨyi Yeso Kristo ghe. Nə nɨ Ŋwi, zɨ wa nkənu lonə wəmbo, nə kɨ mbe ntsi ntən nɨnkoŋ za.

1 Yoane 4:20

Be ŋwɔn tse a soŋ ngə́ zɨə kɔŋ a Ŋwi lá mban a mɨma ɨyi, lá be ngə́ a nɨ ŋwɔn ɨchwenu ə. Mbɨ́ʼ ngə́ a chi keʼ a Ŋwi kɔŋ wa a bvurɨnɨ tɨ zɛn, mbáʼ be a tú a mɨma ɨyi kɔŋ wa a zɛ́nə́ ghe.

Yoane 17:26

Ma ghɨ́ bo zhi agho, ma mɨ ghɛn nɨ mbyi a ngɨə ma lan, taŋ á akɔŋnɨ za o tsinɨ nɨ zɛrə a nye me, a chi tsi a mu ɨnye bo, taŋ á ma chi kɨ tsi a mu ɨnye bo ghe.”

Yoane 17:6

Ma ghɨnə ŋwɔn tsum wa o ghánɨ́ a mbó me atuəshe a zhi agho ə. Bo bé ɨbo, o tiʼ nga awa a mbó me ghe. Bo zuʼnɨnə nɨgham ɨno,

Yoane 14:9

Yeso a chwɨ́gɨ́ ngə́, “Bɨgɨnə tsinə a nye abaŋ zə sa; lá o koʼ aghan zhi, nə Firɨbɔ? Ŋwɔn tsum wa a zɛnə aghan, a zɛnə a Tarɨ məwa. O tiʼə mbítə́ ngə́, ‹Diʼ a Tarɨ a mbó bɨgɨ lá ngə́ ke le›?

Yoane 1:14

Atú a Nɨgham a bə́ŋ a ŋwɔn mɨsɔŋ a ntsu, ndon nɨ abɔŋəntəm abɔʼnɨ nkənu nkɨ ntsi a tɨtərɨ bɨgɨnə ghe. Bɨgɨ zé nɨfáŋ ɨni, nɨfáŋ na wɛrə a kwárɨ́nə́ a mbó Tarɨ tso Mɔn ɨyi ɨ nu tsɛʼ zɨzɨ ə.

Yoane 12:41

Asaya a sóŋ a məzen mbɨ́ʼ ngə́ wɛrə a zɛ́n nɨfáŋ ɨni nkɨ ngam mbɨ́ʼ ayi ɛ.

1 Timotyo 1:17

A nkɔʼsə atɨ́ abɔʼnɨ nɨfáŋ tsi a mbó Ɨfɔ, zɨ wa a tsinɨ nɨnkoŋ, zɨ wa a láʼ keʼ kfo, bɨ keʼ kə́ ndzě, Ŋwi wa a nunɨ zɨzɨ lá! A be lá.

Yoane 13:23

Táʼ ngyɛʼ ɨyi wa wu mɔʼɔ, wa Yeso a kɔ́ŋnɨ́ tsɛʼ a nkan, a shíʼtɨ́ ntsi a mbyɛn Yeso ghe.

Yoane 3:11

Tsɛʼ a nkənu, tsɛʼ a nkənu, ma soŋ a mbó gho ghe: bɨgɨ ghamə lá a za bɨgɨ zhinə, nkə́ sóŋə́ lá a za bɨgɨ tsinɨ ɨwu nkɨ ndzɛn; lá nɨ keʼ mbémə́ a za bɨgɨ sóŋnə́ a mbó bɨŋ ə.

2 Korɨnto 4:4

A nye ɨza nkfu ŋwi atuəshe a nɨŋ ɨfɨgɨ a nye mɨntəm mɨ bɨtɨnɨŋ ntəm a nye Kristo, taŋ ɨ kubɨnɨ awa a ndzé nkaʼ nkən wu shiʼnɨ wu nɨfáŋ nɨ Kristo, zɨ wa a nɨ afi a Ŋwi lá.