Yoane 1:16 - Mɨkan wu Fi

¹⁶ Mbɨ́ʼ abɔŋəntəm azhi za a tsinɨ a nɨ́lónɨ́, wɛrə a fɔgɨnə awɨgɨnə bɨtsum, ɨfɔgɨ ghěnə zɨ mɔʼɔ zɔŋənə ghe.

Yoane 1:16 Referans Kwoze

Kolose 1:19

Mbɨ́ʼ ngə́ a bé lá a ntsǎ a ndzum ntsɔʼ a mu ntəm Ŋwi zɨmboŋ mbáʼ Mɔn ɨyi a benɨ tso Ŋwi a nye mɨndóm mɨtsum ə

Roma 5:2

A ndzum Yeso Kristo bɨgɨnə zɛnə abɔʼ ɨ tsa ɨwu ɨ tsi nɨ abɔŋəntəm məzen za bɨgɨnə tíʼnə́ nchyɛ̌ wə mu lá. Ma lan, bɨgɨnə tɛrə mbɨ́ʼ ntsiŋə nɨ mɨntəm ɨmɨgɨnə mɨtsum ngə́ bɨgɨnə ghɨ kɨ tsi nɨ nɨfáŋ nɨ Ŋwi ə.

Ɛfɛso 3:19

Nɨ chi ghɨ zhi akɔŋnɨ azhi ɨ tiʼ kɨ be tso Ŋwi a nye mɨndóm mɨtsum — le buŋ bɨ chi láʼ keʼ zhi a zɛrə ɨ ghɛn mɛtə.

Ɛfɛso 1:23

Ndáŋwi lá mbəmnye wɛrə, za bɨ lwɨgɨnɨ nɨ Kristo, zɨ wa a lwɨ́gɨ́nɨ́ ɨnu ɨtsum adiʼ atsum lá.

Roma 5:17

A nɨ nkənu ngə́ a ndzum ɨbvu táʼ ŋwɔn nɨvwo tsí atú ɨnu ɨtsum mbɨ́ʼ a táʼ ŋwɔn məwa. Lá bɨ chi keʼ fɨʼnɨ a məzen nɨ anu za Yeso Kristo a ghɨnə ghe. Ŋwi a diʼnə abɔŋəntəm azhi za a chwinɨnə adaŋədaŋə mbɨ́ʼ a Yeso Kristo, ma lan, bɨgɨnə tiʼ ntsi nɨ adaʼ atú nɨvwo ə.

Yoane 3:34

Ŋwɔn wa Ŋwi a tsagɨnɨ lá, a ghamə lá mɨgham mɨ Ŋwi ə; mbɨ́ʼ ngə́ Ŋwi a ghǎ Azhwi azhi wəmbo tɨ ɨfɨʼ ə.

1 Bita 1:2

Bɨ tsɔ́ʼ awən ndzɔ̌ŋ adzaŋ za Ŋwi, zɨ wa nɨ Tarɨ, a kɨ́nə́ ndǒ, nkɨ ngɨ awən a nye ɨbɛn bə fɛmnɨ ntsa a ndzum Azhwi azhi, ngə́ á nɨ ndzúʼnə́ a Yeso Kristo, á alɛm azhi za bɨ chwírɨ́nɨ́ atɨ abaŋnɨ-baŋnɨ a tiʼ sugɨ awɨŋ ə. A abɔŋəntəm abɔʼnɨ mbɔnɨ tsi a mbó bən a nɨ́lónɨ́ ə.

Matyo 13:12

Mbɨ́ʼ ngə́ ŋwɔn tsum wa a tsinɨ nɨ azúm; bɨ ghɨ kwiʼtɨ, taŋ á tiʼ ntsi nɨ zɛrə á ghaʼ be tɨsɨŋə; lá ŋwɔn wa a tsinɨ mbômbô, tsɛʼ mɨnyiə wa a tsi nɨ wɛrə lá, bɨ ghɨ kwárə́.

Kolose 2:3

Wɛrə lá akugɨ za a ŋáʼnɨ́ mɨntsu mɨndá mɨtsum mɨ afuʼ zə lwɛʼnɨ zə Ŋwi za a nɨ zóŋ abɔʼnɨ azhyɛ lá.

Roma 8:9

Tsɛʼ a nkənu be Azhwi a Ŋwi a tsi a mu ɨnye bən muŋ nɨ mɨ chyɛnə be a mu Azhwi, nkeʼ be be a nye ntɛgɨ ɨtú ɨtsən a nye ɨdzúm mbəmnye. Ŋwɔn tsum wa a se nɨ Azhwi a Kristo tsi, a se tsi a mbúm bo zɨə.

Alukasɨ 21:15

mbɨ́ʼ ngə́ ma ghɨ ghá nɨgham abɔʼnɨ zóŋ a mbó bən adzaŋ za tsɛʼ táʼ ŋwɔn kɨban ɨwən a chinɨ keʼ ton kə nkwənkɨ anu za nɨ sóŋnə́ ghe.

Matyo 3:14

Lá Yoane a kə́ ndɔ́btɨ́ ngɨə á Yeso a kwebtɨ ntəm ɨyi, ntiʼ soŋ ngə́, “Ma be kwarɨ nkyi be a mbó gho lá o bə mbaŋnɨ ngyén be a mbó me le?”

Matyo 3:11

Ma ghǎ nkyi a mbó bən lá nɨ nkyi ngəŋ a ndiʼə ngə́ nɨ bəŋnə mɨntəm ɨmən a nye mɨbvu ɨmɨŋ ə, lá ŋwɔn wa a yenə a ndzum me a mɨ ghanɨ nkyi a mbó bən nɨ Azhwi zə Fɛmnɨ abɔʼnɨ ɨmugɨ ə. A tsa aghan be tɨsɨŋə; ka ma byi nyam nkuʼnɨ aghan a ntiʼtɨ ngobɨ ɨchi ɛ.

1 Bita 1:11

Bo zhwə́ŋtɨ́ a ntsɔʼ aku ɨ zhi nkfu za ɨ ghɨnɨ be zɛrə abɔʼnɨ adzaŋ za a ghɨnɨ fuə. Azhwi a Kristo za a tsínɨ́ a mu ɨnye ɨtsa a kə́ ndiʼə lá nkfu məzen, a fɨʼtə bɔŋ a ɨ ghɨ ndáʼ fu, ngɨ́ʼ za Kristo ghɨnɨ zɛ́n abɔʼnɨ nɨfáŋ na nɨ ghɨnɨ zɔŋə.

Roma 5:20

Bɨ yén nɨ Nyɔngɔŋ lá taŋ ɨ kwiʼtɨ ɨfənu ə; lá mbáʼ ɨbvu gháʼnɨ́ ngɛn be nɨ mbyi lá, abɔŋəntəm a Ŋwi a kɨ ngáʼ ngɛn nɨ mbyi ntsa adzaŋ məwa.