Yoane 1:13 - Mɨkan wu Fi

¹³ Bo sé bé ɨbɔ bɨ Ŋwi lá adzaŋ za ŋwɔn a bénə́ mɔn, lá be ngə́, bɨ sé jwi awa tso ɨbɔ bɨ tarɨ wu atuəshe; Ŋwi zɨmboŋ a bé Ta ɨwa ghe.

Yoane 1:13 Referans Kwoze

1 Yoane 3:9

Ka ŋwɔn tse wa a nɨ mɔn Ŋwi a ngěn ayi nɨ mbyi a ngɨ ɨbvu, mbɨ́ʼ ngə́ ngótɨ́ mbě Ŋwi ɨ tsi a mu ɨnye zɨ; mbɨ́ʼ ngə́ Ŋwi a nɨ Ta ɨyi, a chi keʼ ngěn nɨ mbyi a ngɨ ɨbvu ə.

Jemsɨ 1:18

A ntsǎ a ndzum adzaŋ za wɛrə a kɨ́nə́ ndǒ, wɛrə a káʼ awɨgɨnə ntsa a ndzum nɨgham nɨ nkənu, taŋ á bɨgɨnə be ntsambyi nɨfuʼ na bɨ ghanɨ a mbó wɛrə tso akáŋ a Ŋwi ə.

1 Bita 1:23

A nɨ kɔŋ a ŋwɔn nɨ ŋwɔn mbɨ́ʼ ngə́ a ntsǎ a ndzum nɨgham nɨ Ŋwi na nɨ ghánɨ́ ntsi ntən nkə́ nghɔ́ŋə́ nɨnkoŋ lá, bɨ bənə nkwiʼ njwi awən tso ɨbɔ bɨ tarɨ wa ka a nkfǒ ayi, nkeʼ ɨbɔ bɨ tarɨ wa a kfónə́ be.

1 Bita 1:3

A bɨgɨnə gha a mɨya a mbó Ŋwi, zɨ wa nɨ Ta bɨ Maʼmbyí ɨwɨgɨnə Yeso Kristo lá! Mbɨ́ʼ a mɨlɨŋnɨ ɨyi wu ngwi wɛrə a ghá ntsi ntən zɨ fi a mbó bɨgɨnə a ntsǎ a ndzum adzaŋ za wɛrə a zhwémnɨ́nɨ́ a Yeso Kristo a mbó nɨvwo lá. Məzen a lwɨgɨ awɨgɨnə nɨ ntsiŋə nɨ ntəm tsum za ɨ tsinɨ atú ntən,

1 Yoane 5:4

Ka tsɨ tən awa be tɨ́sə́n mbɨ́ʼ ngə́ mɔn Ŋwi tsum a chi tokɨ ɨ gháʼ ɨnu atuəshe ə. Bɨgɨnə kə́ nchyɛ̌ nɨ ayanguʼ atú atuəshe ntsǎ lá ndzum abeməntəm azɨgɨnə ghe.

1 Yoane 4:7

O bɨson ɨban, á bɨgɨnə ngěn nɨ mbyi nkɔŋnə a ŋwɔn nɨ ŋwɔn, mbɨ́ʼ ngə́ akɔŋnɨ a lǒ lá a mbó Ŋwi ə. Ŋwɔn tsum wa a kɔŋnə a ŋwɔn wu mɔʼɔ, a nɨ mɔn Ŋwi, nkɨ nji a Ŋwi ə.

Tɨ́tósɨ 3:5

wɛrə a lóŋ awɨgɨnə ghe. A sé bé lá mbɨ́ʼ ngɨnɨ mɨnu mə shiʼnɨ mə tse ma bɨgɨnə mboŋ ghɨ́nɨ́, lá a bé lá mbɨ́ʼ akômɨlɨŋnɨ azhi mbáʼ a lóŋnɨ́ awɨgɨnə, ntsa a ndzum Azhwi zə Fɛmnɨ za a sugɨnə awɨgɨnə, bɨ tiʼə njwiə awɨgɨnə a nye ɨbɛn bə fi ntiʼə nkə́ nchyɛ̌ nɨ ntsi ntən zɨ fi lá.

Filibi 2:13

Mbɨ́ʼ ngə́ Ŋwi a faʼə nkfu tsum a nye bən a ngɨə ngə́ á nɨ ndǒ nkɨ chi zuʼnɨ ayi, ɨ kə́ zɔŋnə mɨndóm ɨmyi mə shiʼnɨ ə.

1 Korɨnto 3:6

Ma bí mbum azúm a tɨshe, Abolo a tsúbɨ́ a zɛrə nɨ nkyi ɛ, lá a ghɨ́ Ŋwi ngə́ á mbum azúm za ɨ tom a tɨshe.

1 Yoane 5:1

Ŋwɔn tsum wa a nɨŋnɨ ntəm ɨyi ɨwu ngə́ Yeso a nɨ Wa bɨ Zɔ́ʼnɨ́ wa, a nɨ mɔn Ŋwi ə; ŋwɔn tsum wa a kɔŋnɨ a tarɨ a kɨ nkɔŋ a mɔn ə.

1 Yoane 5:18

Bɨgɨnə zhi ngə́ ka mɔn Ŋwi wu tse a tsi ayi ɨwu wa a ghɛnə nɨ mbyi ngɨ̌ ɨbvu, mbɨ́ʼ ngə́ Mɔn Ŋwi a lə̌tú nɨ bo, Wu Ntɔmnɨnɨ wa a chi keʼ anu a nye bo ghɨə.

Yoane 3:3

Yeso a chwɨ́gɨ́ wəmbo ngə́, “Tsɛʼ a nkənu, tsɛʼ a nkənu, ma soŋ a mbó gho ghe, be bɨ tú a ŋwɔn bə kwiʼ jwi, a chi keʼ Nɨfɔ nɨ Ŋwi kuŋə.”

Matyo 3:9

A nɨ keʼ kɨ ngwiʼtɨ ngə́ nɨ chi lɛʼ ɨnɨŋ ngɨ́ʼ Ŋwi a ntsǎ a ndzum adzaŋ za nɨ sóŋnə́ ngə́ Abraʼm a nɨ ta ɨwən wu kɔ́ʼɔ́nguʼ ə. Mbɨ́ʼ ngə́ Ŋwi a chi lɔgɨ ngɔʼ tsenə ɨ bənkɨ a nye ɨbɔ bɨ Abraʼm ə!

1 Bita 2:2

A nɨ be tso ɨbɔ bə bɔrɨ, ndzǎŋ nji nɨbə́n nɨ azhwi na nɨ lánɨ́ nkfu tsum, taŋ a ntsǎ a ndzum adzaŋ za nɨ nyɔ́ŋnə́ a nɛrə nɨ mɨ kwi á bɨ loŋ awɨŋ ə.