Yoane 1:12 - Mɨkan wu Fi

¹² Lá bə tse kwárɨ́ ayi, nkɨ nɨŋ mɨntəm ɨma a nye zɨə; ma lan, wɛrə a ghá mɨtən a mbó bo a mbé ɨbɔ bɨ Ŋwi ə.

Yoane 1:12 Referans Kwoze

Galesha 3:26

Nɨ nɨ ɨbɔ bɨ Ŋwi bɨtsum ba bɨ tsinɨ a mbúm bo bɨ Yeso Kristo ntsa lá a ndzum abeməntəm ə.

Roma 8:14

Ɨbɛn ba Azhwi a Ŋwi a tsagɨnɨnə awa a nɨ ɨbɔ bɨ Ŋwi ə.

1 Yoane 3:1

A nɨ ze adzaŋ za Tarɨ a kɔŋnɨ awɨgɨnə ghe! Akɔŋnɨ azhi a ghaʼ ngɛn nkuʼ a nye ɨfɨʼ za bɨ tɔ́ŋnə́ awɨgɨnə ngə́ ɨbɔ bɨ Ŋwi — ma lan, a nkənu, bɨgɨnə nɨ bɛrə ghe. Atuəshe zen a se awɨgɨnə zhi lá mbɨ́ʼ ngə́ ka a zhi ayi a Ŋwi ə.

Galesha 4:6

A ndiʼə ngə́ nɨ nɨ ɨbɔ bɨ Ŋwi, Ŋwi a tságɨ́ azhwi a Mɔn ɨyi a mu mɨntəm ɨmɨgɨnə, Azhwi za a búgɨ́nə́ nɨ nji zɨ ntən ngə́, “Tarɨ, Ta ɨghan” lá.

Yoane 3:18

Ɨbɛn ba bɨ nɨŋnɨ mɨntəm ɨma wə ɨnye, bɨ mɨ keʼ soŋ ngə́ bo vwo ɨsáʼə; lá ba ka bɨ nɨŋ awa mɨntəm ɨma wə ɨnye bɨ binə soŋ ngə́ bo vwo ɨsáʼ, mbɨ́ʼ ngə́ ka bo nɨŋ awa mɨntəm ɨma a nye Mɔn Ŋwi wa a nunɨ zɨzɨ ə.

Kolose 2:6

Tso mbáʼ nɨ bemnə a Kristo Yeso tso Maʼmbyí lá, á nɨ nchyɛ̌ a mbúm bɨŋ bo ghe.

Matyo 10:40

“Ŋwɔn tsum wa a kwarɨnɨ awɨŋ ɨ shiʼnɨ a kwarɨ lá aghə; ŋwɔn tsum wa a kwarɨnɨ aghan ɨ shiʼnɨ a kwarɨ lá a ŋwɔn wa a tyígɨ́nɨ́ aghə.

Yoane 20:31

Lá bɨ ŋwaʼnɨ a tsen lá taŋ o chi nɨŋ ntəm ɨgho ɨwu ngə́ Yeso a nɨ Wa bɨ Zɔ́ʼnɨ́ nkɨ mbe Mɔn Ŋwi ə. Nkɨ mbe ngə́ a ntsǎ a ndzum abeməntəm azo wə nye, o chi tsi nɨ ntsi ntən nɨnkoŋ ə.

2 Bita 1:4

A nye ndóm məwen, wɛrə a ghanə a mbó bɨgɨnə ɨdzúm tsə ghanɨ tsə wi nkɨ mbe tsa tsɨ bɔŋnɨ tsɛʼ nkan tsa wɛrə a káʼnɨ́ awɨgɨnə nɨ tsɛrə lá, taŋ a ntsǎ a ndzum ɨdzúm tsə ghanɨ mətsen, nɨ chi lɛʼ ntɛgɨ ntəm a nye ɨdzúm atuəshe za ɨ tsənkɨnɨ ɨbɛn, ɨ tiʼ kɨ tsi nɨ mbě za a nɨ zɨ Ŋwi lá.

Matyo 12:21

ɨbɛn bɨtsum ghɨ nɨ́ŋ ntsiŋə nɨ ntəm tsum ɨza wə ɨnye ə.”

1 Yoane 3:23

Ntɨgə za wɛrə a ghanɨ ɨ nɨ ngə́ á bɨgɨnə nɨŋ mɨntəm ɨmɨgɨnə a nye Mɔn ɨyi Yeso Kristo nkɨ nkɔŋ a ŋwɔn nɨ ŋwɔn, tsɛʼ adzaŋ za Kristo a tɨ́gɨ́nɨ́ a mbó bɨgɨnə lá.

Ɨfaʼ 3:16

A nɨ abeməntəm a nye ɨkum ɨyi mbáʼ a lónɨ́ ngɨ mbyinkɨnɨ wen a shwetə. Za nɨ zɛ́nə́ nkɨ nji lá, bɨ faʼ ntsa lá a ndzum abeməntəm a nye ɨkum ɨyi ɛ; a lo mbé lá abeməntəm a nye ɨkum Yeso mbáʼ a lónɨ́ ngɨ a shwetɨ, tso mbáʼ bən bɨtsum zɛ́nə́ lá.

Yoane 11:52

ɨ keʼ tsɛʼ mbɨ́ʼ atú aza be, lá ɨ kɨ ghotɨ ɨbɛn bɨ Ŋwi adiʼ a mɔ́ʼɔ́ ba bɨ dzagɨnɨnɨ nɨ ɨdiʼ nɨ ɨdiʼ ə.

Yoane 1:7

A yén a fɨʼtɨ anu mbɨ́ʼ nkaʼ wa a mbó ɨbɛn, taŋ á ɨbɛn bɨtsum zuʼ nkən wa ɨ nɨŋ mɨntəm ɨma a nye Ŋwi a ntsǎ a ndzum nkaʼ wa.

Matyo 18:5

Ŋwɔn tsum wa a kwarɨnɨ a mɔn tso məwen a ɨkum me, a kwarɨ lá aghə.”

Yoane 2:23

Mbáʼ Yeso a bvúrɨ́nɨ́ ntsí a Yerosalɛm a nkfu nɨdorɨ nɨ Tsa-yɛʼnɨ na, bə ghaʼnɨ nɨ́ŋ mɨntəm ɨma wə ɨnye mbáʼ bo zɛ́nɨ́ ɨnu tsɨ yerɨnɨ-yerɨnɨ tsa a ghɨ́nə́.

Yoane 1:11

A yén alaʼ zɨ, lá ɨbɛn ɨbyi sé ayi kwarə.

Roma 8:16

Azhwi a Ŋwi a bosə bo azhwi azɨgɨnə a sóŋə́ ngə́ bɨgɨnə nɨ ɨbɔ bɨ Ŋwi ə.

Roma 8:19

Atsum za Ŋwi a káʼnɨ́ a zhwíʼtə́ nɨ ntəm ɨyi ɨtsum ngə́ á Ŋwi a kyɛʼ ɨbɔ ɨbyi a mbó bo ghe.

1 Yoane 3:2

O bɨson ɨban, tɨtsɔŋnɨ bɨgɨnə nɨ ɨbɔ bɨ Ŋwi ə, lá azúm za bɨgɨnə lonɨ be zɛrə, a bvurɨ tɨ lə̌. Lá bɨgɨnə zhi ngə́ a nkfu za Kristo a funɨ a ɨshe, bɨgɨnə mɨ be tso zɨ, mbɨ́ʼ ngə́ bɨgɨnə ghɨ zɛ́n ayi tsɛʼ adzaŋ za a lanɨ mbe.

1 Yoane 3:10

Nə nɨ líʼ wa a lanɨ ntsi ɨwu a tɨtərɨ ɨbɔ bɨ Ŋwi abɔʼnɨ ɨbɔ bɨ Dəbɨrɨ ngə́: ŋwɔn tsum wa a se ngɨə anu za a kuʼnɨnɨ kə nkeʼ a bə mɔʼɔ kɔŋ, ka a be ayi mɔn Ŋwi ə.