Yoane 1:10 - Mɨkan wu Fi

¹⁰ Atú a Nɨgham a tsí a mu mbyi ɛ. Ŋwi a báʼtɨ́ nkáʼ mbyi ntsa a ndzum wɛrə ɨ káʼnɨ́ lá, mbyi sé a wɛrə zhi tso mə lá.

Yoane 1:10 Referans Kwoze

Yoane 17:25

Tarɨ wu nchinɨnɨ! Ka atuəshe a zhi ayi agho, lá ma zhi agho, bɨyɛʼ benə kɨ nji ngə́ o tságɨ́ aghə.

1 Yoane 3:1

A nɨ ze adzaŋ za Tarɨ a kɔŋnɨ awɨgɨnə ghe! Akɔŋnɨ azhi a ghaʼ ngɛn nkuʼ a nye ɨfɨʼ za bɨ tɔ́ŋnə́ awɨgɨnə ngə́ ɨbɔ bɨ Ŋwi — ma lan, a nkənu, bɨgɨnə nɨ bɛrə ghe. Atuəshe zen a se awɨgɨnə zhi lá mbɨ́ʼ ngə́ ka a zhi ayi a Ŋwi ə.

1 Korɨnto 2:8

Wu tse a tɨtərɨ bɨta bɨ ɨlaʼ atuəshe wiŋ sé zúʼ nkɨ njí a zóŋ məwiŋ ə. Bo bá bé zhi muŋ bo sé kwemtɨ a Maʼmbyí, wa a nɨ wu nɨfáŋ atɨ abaŋnɨ-baŋnɨ ə.

1 Korɨnto 1:21

Mbɨ́ʼ ngə́ Ŋwi a tsá a ndzum zóŋ ɨyi ngɨ ngə́ á tən be tɨ́sə́n a mbó ɨbɛn a nji zɨ ɨ tsa be a ndzum zóŋ ɨwa ghe. Ŋwi a báŋnɨ́ nɨ́ŋ a mu ntəm zɨ ngə́ zɨə mɨ loŋ ɨbɛn ba bɨ nɨŋnɨ mɨntəm ɨma a ɨnye zɨ ntsa be a ndzum nkən wen wa bɨgɨ sóŋnə́, wa bə tse sě nɨ anu zə tse a ntɔ́ŋə́ lá.

Matyo 11:27

Ta ɨghan a ghanə ɨdzúm ɨtsum a mbó me ghe. Ka ŋwɔn tse a zhi ayi a Mɔn ntsa a Tarɨ, ŋwɔn tse a keʼ kɨ nji a Tarɨ ntsa a Mɔn abɔʼnɨ ba Mɔn a zarɨnɨ taŋ ɨ kyɛʼ a ta ɨyi a mbó bo ghe.

Ɛbal 11:3

A ntsǎ a ndzum abeməntəm bɨgɨnə zuʼ nkɨ nji ngə́ bɨ káʼ mbyi-mbyi tsum lá a ndzum nɨgham nɨ Ŋwi ə. Adzaŋ məwen, ɨdzúm tsa bɨgɨnə zɛ́nə́ bɨ káʼ a tsɛrə lá a nye ɨdzúm tsa bɨ sě ndzě ghe.

Yoane 1:18

Ŋwɔn tse a láʼnə mbvurɨ tɨ zɛn a Ŋwi ə. Mɔn ɨyi wen zɨzɨ, wa a benɨ ndəŋndəŋ tso Ŋwi nkɨ mbə ntsi wə bagɨ abó, wɛrə a ghɨ bɨ zhi a Ŋwi ə.

Yoane 1:5

Nkaʼ wen ɨ baŋə a mu ndzumnɨ, ndzumnɨ láʼnə nkeʼ a wɛrə ghaʼə.

Ɨfaʼ 14:17

Lá wɛrə a sé nyɛʼtɨ ɨbɛn tɨ ɨlɨgɨ tsa tsɨ díʼnɨ́ ngə́ wɛrə a tsí ɨwu nkə́ ngɨ̌ ɨbɔŋ a mbo bo ghe. Wɛrə a ghǎ mbəŋ a mbó bən za ɨ lonɨ a fɔməbvurə, nkə́ ngǎ ɨdzúm tsa tsɨ kwínə́ ngǎ mɨdzɨ a mbó bən a nye nkfu zɨ shiʼnɨ; wɛrə a ghǎ mɨdzɨ a mbó bən nkə́ ndwɨ́gɨ́ mɨntəm ɨmən nɨ nɨdorɨ ə.”

Yoane 5:17

Yeso a chwɨ́gɨ́ awa ngə́, “Ta ɨghan a faʼə tsɛʼ nkfu tsum ə, ma tsi nɨ ɨ zagɨ ɨ kə́ faʼnə ghe.”

Yoane 1:3

bɨ káʼ azúm atsum ntsa lá a ndzum wɛrə, tɨ wɛrə bɨ kɨ chi keʼ azúm zə tsɛrə ghɨ za bɨ ghɨ́nə́.

Yoane 1:11

A yén alaʼ zɨ, lá ɨbɛn ɨbyi sé ayi kwarə.

1 Korɨnto 8:6

a mbó bɨgɨnə a tsi tsɛʼ táʼ Ŋwi, Tarɨ, zɨ wa a káʼnɨ́ ɨdzúm ɨtsum, zɨ wa ntsi mbyi ɨtsigɨnə tsinɨ a nkfu zɨ; a kɨ ntsi tsɛʼ táʼ Maʼmbyí, Yeso Kristo, zɨ wa bɨ káʼnɨ́ ɨdzúm ɨtsum ntsa a ndzum zɨ, bɨgɨnə kə́ nchyɛ̌ atuəshe wen ntsǎ lá a ndzum zɨ lá.

Kolose 1:16

Mbɨ́ʼ ngə́ a ntsǎ a ndzum wɛrə Ŋwi a káʼ ɨdzúm ɨtsum a fɔməbvurə abɔʼnɨ atuəshe, ɨdzúm tsa bɨ zɛ́nə́ nkeʼ kə́ ndzě, nkwiʼtɨ bɨtsen bɨ ndá bɨ Ŋwi bɨtsum abɔʼnɨ ɨzhwi tsɨ tən ɨtsum tsa tsɨ sáʼnə́ a nɨkaŋ ə. Ŋwi a káʼ mbyi-mbyi tsum ntsa lá a ndzum wɛrə nkɨ mbe a mbó wɛrə ghe.