Yoane 1:1 - Mɨkan wu Fi

¹ A bé a mbiʼnə Atú a Nɨgham tsí ɨwu, Atú a Nɨgham a tsí bo Ŋwi, Atú a Nɨgham a bé Ŋwi ə.

Yoane 1:1 Referans Kwoze

Yoane 17:5

Tarɨ! Gha nɨfáŋ a mbó me a ɨshi ɨmɨgɨ gho tɨtsɔŋnɨ, ndəŋndəŋ nɨfáŋ na ma tsínɨ́ nɨ nɛrə bɔgə bɔŋ á bɨ nyɛtɨ mbyi lá.

Nkyɛʼə 19:13

Bɨ tsúbɨ́ a tɔgɨ wa wɛrə a wə́gɨ́nɨ́ a mu alɛm ə. Ɨkum ɨyi a nɨ “Nɨgham nɨ Ŋwi ə”.

Kolose 1:17

Kristo a tsí ɨwu bɔŋ á Ŋwi a kaʼ ɨdzúm ɨtsum, a mbúm bo bɨ wɛrə, ɨdzúm ɨtsum tsi a nye ɨdiʼ ɨtsa, tsa tsɨ kuʼnɨnɨ a mbó bo ghe.

Yoane 1:14

Atú a Nɨgham a bə́ŋ a ŋwɔn mɨsɔŋ a ntsu, ndon nɨ abɔŋəntəm abɔʼnɨ nkənu nkɨ ntsi a tɨtərɨ bɨgɨnə ghe. Bɨgɨ zé nɨfáŋ ɨni, nɨfáŋ na wɛrə a kwárɨ́nə́ a mbó Tarɨ tso Mɔn ɨyi ɨ nu tsɛʼ zɨzɨ ə.

Nkyɛʼə 22:13

Ma nɨ ntsambyi nkɨ mbe ntsɨrɨndzum, mbiʼnə nkɨ mbe ndwitə ghe.”

Yoane 1:2

Wɛrə a tsí ɨwu a mbiʼnə bo Ŋwi;

Nkyɛʼə 1:8

Maʼmbyí Ŋwi Tamɨtən Mɨtsum, zɨ wa a benɨ, wa a bénɨ́, wa a lo láʼ yen, a soŋ ngə́, “Ma nɨ ntsambyi nkɨ mbe ntsɨrɨndzum ə.”

Filibi 2:6

Mbě ɨzhi bé zɨ Ŋwi nkfu tsum, lá wɛrə a sé kwaʼtɨ ngə́ zɨə chi zhwəŋtɨ a mbé ndəŋndəŋ bo Ŋwi ə.

Matyo 1:23

“Zɛnə a zɨŋə, ngo zɨ tse ghɨ tɛ́m nɨ mɔn, ɨ jwi a mɔn mbáŋnɨ́, á ɨkum ɨyi be Manɨwe ghe” (ndiʼ lá ngə́, “Ŋwi a tsi bɨgɨnə bo ghe”).

Nkyɛʼə 21:6

Wɛrə a kwíʼ sóŋ ngə́, “Ma ghɨnə ɨnu tsiŋ ɨtsum ə! Ma nɨ ntsambyi nkɨ mbe ntsɨrɨndzum, mbiʼnə nkɨ mbe ndwitə ghe. Ma mɨ gha a mbó ŋwɔn tsum wa nji nkyi záŋnə́ ayi mɨtən ngə́ á no nkyi wa ɨ lonɨ a mu náŋə́bə́rə wa nkyi ɨyi ghánɨ́ ntsi ntən tɨgha a tfu a wɛrə ghe.

Ɛbal 13:8

Yeso Kristo a nɨ ndəŋndəŋ, ɨzo, ɨ sɨŋə nɨ nɨnkoŋ ə.

1 Yoane 5:20

Bɨgɨnə zhi ngə́ Mɔn Ŋwi a yenə, nkɨ nga ndzuʼə kɨ zhi a mbó bɨgɨnə, taŋ á bɨgɨnə zhi a Ŋwi, zɨ wa nkənu lonə wəmbo lá. Bɨgɨnə chyɛ̌ lá a mbúm bɨgɨnə bɨ Ŋwi, zɨ wa nkənu lonə wəmbo lá — a mbúm bɨgɨnə bɨ Mɔn ɨyi Yeso Kristo ghe. Nə nɨ Ŋwi, zɨ wa nkənu lonə wəmbo, nə kɨ mbe ntsi ntən nɨnkoŋ za.

1 Timotyo 3:16

Ŋwɔn tse a chi keʼ ton ngə́ ndóm wa bɨgɨnə zhinɨ a Ŋwi, a nɨ anu a nkubə zə wi ə: Wɛrə a fú a ɨshe a nye mbě ŋwɔn mɨsɔŋ a ntsu, Azhwi a diʼ ngə́ wɛrə a kuʼnɨ, ɨtsendá Ŋwi zɛ́n a wɛrə ghe. Bɨ ghám mbɨ́ʼ ayi a mbó ba a se bə Yuda be, atuəshe atsum a nɨŋ mɨntəm ɨma wə ɨnye, Ŋwi a tsɔ́ʼ a wɛrə nkɔʼ ngɛn nɨ zɨ a fɔməbvurə ghe.

Yoane 16:28

Ma ló lá a mbó Tarɨ, ntiʼ ngyen a mu mbyi ɛ. Tɨtsɔŋnɨ, ma nyɛʼtə atuəshe ngěn a mbó Tarɨ ə.”

Nkyɛʼə 1:17

Mbáʼ ma zɛ́nɨ́ ayi lá, ngvo a mɨku zɨ tso akfú a ŋwɔn ə. A nyɔ́ŋ abó azhi zə maʼə a ɨnye me ɨ soŋ ngə́, “Koʼ bɔgə! Ma nɨ ntsambyi ŋwɔn nkɨ mbe ntsɨrɨndzum ŋwɔn ə.

Yoane 20:28

Tɔməshi a chwɨ́gɨ́ ngə́, “O nɨ Maʼmbyí ɨghan nkɨ mbe Ŋwi ɨghə!”

Tɨ́tósɨ 2:13

mbáʼ bɨgɨnə tsenɨ Njwi zɨ fɔgɨnɨ za, za bɨgɨnə tsenə nɨ mɨntəm ɨmɨgɨnə mɨtsum, Njwi za mbáʼ nɨfáŋ nɨ Ŋwi ɨwɨgɨnə wu ngwi abɔʼnɨ Ndoŋ ɨwɨgɨnə Yeso Kristo ghɨnɨ fú a ɨshe ə.

Ɛbal 7:3

Ka anu zə tse a tsi ayi adiʼ zə tsɛrə mbáʼ bɨ ŋwaʼnɨnɨ mbɨ́ʼ a ta bɨ Mɛkisɛdɛkɨ kə nɨmɨ ɨyi kə ta ɨyi wu bə kɔ́ʼɔ́nguʼ wu tsɛrə ghe; ka bɨ ŋwaʼnɨ ayi anu zə tsɛrə mbɨ́ʼ njwi za bɨ jwínɨ́ ayi kə njwi za wɛrə a kfónə́. Wɛrə a tsi lá tsɛʼ tso Mɔn Ŋwi ə; wɛrə a ghɔŋ a nye ntumshe nɨnkoŋ ə.

Nkyɛʼə 3:14

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Laodisia ngə́: Nə nɨ nkən wa ɨ lonɨ a mbó ‹A be lá› wa, atɛmə-ndzě wu nkənu nkɨ mbe wa a faʼnə tsɛʼ nɨ táʼ ntəm, zɨ wa a nɨ mbiʼnɨ anu atsum za Ŋwi a káʼnɨ́ lá.

Ɛfɛso 3:9

Ŋwi a kɨ́ ngá abárɨ́ a mbó me ngə́ á ma ghɨ ngə́ á ŋwɔn tsum a zɛn adzaŋ za akwaʼtɨ zə nkubə zə Ŋwi a chinɨ ghɨ be anu ə. Ŋwi, zɨ wa a kaʼnɨ ɨdzúm ɨtsum, a lwɛ́ʼ akwaʼtɨ azhi zə nkubə nchwuʼnɨ a lɔ́ʼkwam,

Nkyɛʼə 1:2

Yoane a tiʼ mbe atɛmə-ndzě a nye atsum za zɨə zɛnə ghe. Nə nɨ aŋwaʼnɨ za wɛrə a ŋwaʼnɨnɨ mbɨ́ʼ nkən wa ɨ lonɨ a mbó Ŋwi abɔʼnɨ nkənu za wɛrə a zɛ́nɨ́ mbɨ́ʼ a Yeso Kristo ghe.

1 Yoane 5:7

Mɨndóm be lá mi mɨntárə́ mbáʼ bɨgɨnə zhínɨ́ nkənu mbɨ́ʼ a Yeso ghe.

Roma 9:5

bɨta ɨba bə kɔ́ʼɔ́nguʼ bé nchikɨ ɨbɛn bə Ɛbal, Kristo, zɨ tso ŋwɔn mɨsɔŋ a ntsu a ló a mbó atsé aza bə Yuda ghe. Ŋwi, zɨ wa a sáʼnə́ azúm atsum, á bɨ bontɨ ayi nɨnkoŋ ə. A be lá.

Yoane 1:18

Ŋwɔn tse a láʼnə mbvurɨ tɨ zɛn a Ŋwi ə. Mɔn ɨyi wen zɨzɨ, wa a benɨ ndəŋndəŋ tso Ŋwi nkɨ mbə ntsi wə bagɨ abó, wɛrə a ghɨ bɨ zhi a Ŋwi ə.

Nkyɛʼə 2:8

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Smaina ngə́: Nə nɨ nkən wa ɨ lonɨ a mbó zɨ wa a nɨ ntsambyi ŋwɔn nkɨ mbe ntsɨrɨndzum ŋwɔn, zɨ wa a kfónɨ́ mbə́ mbən ntsi ntən wədiʼ lá.

2 Bita 1:1

Aŋwaʼnɨ zen a lo a mbó me Samɔn Bita, me wa ma nɨ ngaŋ afaʼ nkɨ mbe ntom Yeso zɨ Yeso Kristo — Ngěn a mbó ɨbɛn ba bɨ ghanə abeməntəm za a tsinɨ nɨ ɨlɨŋ tso azɨgɨ a mbó bo, ntsa a ndzum adzaŋ za Ŋwi ɨwɨgɨnə abɔʼnɨ Ndoŋ ɨwɨgɨnə Yeso Kristo chinɨnɨ:

Nkyɛʼə 1:11

Nji za ɨ sóŋ ngə́, “Ŋwaʼnɨ ɨnu tsa o zɛ́nə́, ntsagɨ aŋwaʼnɨ zə wu a mbó ndáŋwi tsa tsɨ tsinɨ a mu ntáʼmbagə tsɨ wi tsi samba mbáʼ mɨkum ɨma nɨ; Ɛfɛso, Smaina, Bɛgamum, Tiatira, Sadisɨ, Filadɛlfia abɔʼnɨ Laodisia ghe.”

Alukasɨ 24:53

Bo chí ntíʼə nchyɛ̌ a mu Ndáŋwi zɨ Ngwi tsɛʼ nkfu tsum ngǎ a mɨya a mbó Ŋwi ə.

Yoane 8:58

Yeso a chwɨ́gɨ́ ngə́, “Ma sǒŋ nkənu a mbó bɨŋ ə. Mbɔŋnə á bɨ njwiə Abraʼm, Ma chyɛ.”

Kolose 1:15

Kristo nɨ afi a Ŋwi za bɨ zɛ́nə́, Ŋwi, zɨ wa ka bɨ ndzě ayi ayi lá. Kristo nɨ ntsambyi Mɔn Mbáŋnɨ́, wa a tsinɨ atú ɨdzúm ɨtsum tsa Ŋwi a káʼnə́.