Nkyɛʼə 9:2 - Mɨkan wu Fi

² Fɨndzɔŋ fa ŋáʼ abɨ́ a kfúrɨ́mándzó za, fɨndyiʼ fu wə mu, tso fɨndyiʼ fa fɨ fúnə́ a mu aghəm alam zə wi; fɨndyiʼ fa fɨ fúnɨ́ a mu abɨ́ a kfúrɨ́mándzó za kúbɨ́nɨ́ ntsu nyom, ɨdiʼ ɨtsum tiʼə fɨ́ŋə́ ghe.

Nkyɛʼə 9:2 Referans Kwoze

Ɨfaʼ 2:19

Ma ghɨ ghɨ ɨnu tsɨ yerɨnɨ-yerɨnɨ a nɨkaŋ, atɨ́ ɨ kɨ ghɨ ɨnu tsɨ tsanɨnɨ atuəshe ɨghə. Ma ghɨ maʼ ntso taŋ á ɨmugɨ, alɛm abɔʼnɨ fɨndyiʼ fa fɨ fɨ́ŋnə́ ngə́ tsɨŋ chyɛ;

Nkyɛʼə 14:11

Fɨndyiʼ fɨ ɨmugɨ wu ɨnɨŋ ngɨ́ʼ məzen fɨ kɔ́ʼə ngěn atɨ́ nɨnkoŋ ə. Ka ashwetɨ a ntəm a be ayi ɨwu nəzhwɨgɨnɨ kə nɨ ɨtfúʼ a mbó ɨbɛn ba bɨ ghúʼsɨ́nə́ ɨnyam mɨbaʼ za abɔʼnɨ mɔn abe ɨyi, nkwiʼtɨ a ŋwɔn tsum wa a tsinɨ nɨ alyigɨ a ɨkum ɨyi ɛ.”

Nkyɛʼə 8:12

Ntsendá Ŋwi za ɨ zɔ́ŋtɨ́nɨ́ a nye ɨdiʼ tsi nɨkwa tɔ́ŋ ɨzhi ntaŋ ə. Bɨ búʼ a táʼ adiʼ mbáʼ bɨ yɛbtɨnɨ a nɨnyom ɨdiʼ tsi tárə́, mbuʼ a táʼ adiʼ mbáʼ bɨ yɛbtɨnɨ a saŋ ɨdiʼ tsi tárə́ nkɨ mbuʼ a táʼ adiʼ mbáʼ bɨ yɛbtɨnɨ mɨndzɔŋ a nye ɨdiʼ tsi tárə́ ghe. Ma lan, nkaʼ ɨwa sé tá a nye táʼ adiʼ mbáʼ bɨ yɛbtɨnɨ nkfu za bo tánə́ a nye ɨdiʼ tsi tárə́ ghe. Nkaʼ sé bé a nye táʼ adiʼ mbáʼ bɨ yɛbtɨnɨ nəzhwɨgɨnɨ ɨdiʼ tsi tárə́ ghe. Nkaʼ sé kɨ mbe a nye táʼ adiʼ mbáʼ bɨ yɛbtɨnɨ ɨtfúʼ a nye ɨdiʼ tsi tárə́ ghe.

Nkyɛʼə 9:17

A mu ndzɛm nəzhwɨgɨnɨ za ɨ lyénɨ́ aghan lá ma zɛ́n ɨnyamənkárə́ tsa abɔʼnɨ ɨbɛn ba bɨ kɔ́ʼnɨ́ a tsɛrə ghe. Bo tsí nɨ ngobɨ ntso nɨgǒ tsa tsɨ kɨ́nə́ mbaŋə tso ɨmugɨ, ɨ fɨ́ŋə́ tso ngɔʼ zɨ fɨŋnɨ zɨ tse bɨ tɔŋə ngə́ safaya nkə́ mbaŋə tso azúm zə tse bɨ tɔŋə ngə́ sɔlfɔ ghe. Ɨtú ɨnyamənkárə́ tsa fí ɨtú ɨfon ə. Ɨmugɨ, fɨndyiʼ abɔʼnɨ sɔlfɔ kə́ fúə a mu mɨntsu ɨma ghe.

Nkyɛʼə 9:1

Ntsendá Ŋwi za ɨ zɔ́ŋtɨ́nɨ́ a nye ɨdiʼ tsi tə̧̂ tɔ́ŋ ɨzhi ntaŋ ə. Ma zé fɨndzɔŋ fa fɨ kwɛ́nə ndo a fɔməbvurə ngvo atuəshe, bɨ ghá akugɨ abɨ́ a kfúrɨ́mándzó za wəmbo ə.

Nkyɛʼə 9:11

Bo tsi nɨ ɨfɔ wa a sáʼnə́ awa, mbe ntsendá Ŋwi za ɨ lə́ŋtɨ́nə́ abɨ́ a kfúrɨ́mándzó za. Ɨkum ɨyi a nye nɨgham nɨ bə Ɛbal nɨ Abadɔn; a nye nɨgham nɨ bə Grikɨ ɨ nɨ Abolyɔn (ndiʼ lá ngə́ “Ntsənkɨ wa”).

Nkyɛʼə 16:10

Ntsendá Ŋwi za ɨ zɔ́ŋtɨ́nɨ́ a nye ɨdiʼ tsi tə̧̂ chwírɨ́ azhi akəbɨ a mɨlwi wu ntən atú abərɨ a ɨnyam mɨbaʼ za. Ndzumnɨ kúbɨ́nɨ́ nɨfɔ nɨ ɨnyam mɨbaʼ za. Ɨbɛn lómtɨ́ ɨlɛm ɨtsa mbɨ́ʼ ndzáŋə́ za bo kɨ́nə́ ndzúʼə ghe.