Nkyɛʼə 8:9 - Mɨkan wu Fi

⁹ Táʼ bagɨ mbáʼ bɨ yɛbtɨnɨ a sagɨrə wu ngwi ɨdiʼ tsi tárə́ a bə́ŋ alɛm, táʼ adiʼ mbáʼ bɨ yɛbtɨnɨ ɨdzúm tsɨ kaʼnɨ tsa tsɨ tsínɨ́ ntən ɨdiʼ tsi tárə́ a mu sagɨrə wu ngwi wa kfókɨ́, nkɨ ndzɔŋ ntsənkɨ a táʼ bagɨ mbáʼ bɨ yɛbtɨnɨ ɨbáŋ nkyi a mu sagɨrə wu ngwi ɨdiʼ tsi tárə́ ghe.

Nkyɛʼə 8:9 Referans Kwoze

Nkyɛʼə 16:3

Ntsendá Ŋwi za ɨ zɔ́ŋtɨ́nɨ́ a nye ɨdiʼ tsi bá chwírɨ́ azhi akəbɨ a mɨlwi wu ntən a mu sagɨrə wu ngwi ə. Nkyi ɨyi tíʼ mbənkɨ mbe tso alɛm a ŋwɔn wa a kfonə, ɨdzúm tsə kaʼnɨ ɨtsum tsa tsɨ tsínɨ́ ntən, ntsi a mu sagɨrə wu ngwi wa tsɨ kfókə́.

Nkyɛʼə 8:7

Ntsambyi ntsendá Ŋwi za tɔ́ŋ ntaŋ ɨzhi ɛ. Fɨwɛ nɨ ɨmugɨ ɨ nyamtɨ nɨ alɛm fú ɨwu nchwinɨ atuəshe. Ɨmugɨ tɔ́n a táʼ bagɨ mbáʼ bɨ yɛbtɨnɨ atuəshe ɨdiʼ tsi tárə́, táʼ adiʼ mbáʼ bɨ yɛbtɨnɨ ɨtɨ ɨtsum atuəshe ɨdiʼ tsi tárə́ abɔʼnɨ ngyɛn zɨ shwe tsum ə.

Nkyɛʼə 8:12

Ntsendá Ŋwi za ɨ zɔ́ŋtɨ́nɨ́ a nye ɨdiʼ tsi nɨkwa tɔ́ŋ ɨzhi ntaŋ ə. Bɨ búʼ a táʼ adiʼ mbáʼ bɨ yɛbtɨnɨ a nɨnyom ɨdiʼ tsi tárə́, mbuʼ a táʼ adiʼ mbáʼ bɨ yɛbtɨnɨ a saŋ ɨdiʼ tsi tárə́ nkɨ mbuʼ a táʼ adiʼ mbáʼ bɨ yɛbtɨnɨ mɨndzɔŋ a nye ɨdiʼ tsi tárə́ ghe. Ma lan, nkaʼ ɨwa sé tá a nye táʼ adiʼ mbáʼ bɨ yɛbtɨnɨ nkfu za bo tánə́ a nye ɨdiʼ tsi tárə́ ghe. Nkaʼ sé bé a nye táʼ adiʼ mbáʼ bɨ yɛbtɨnɨ nəzhwɨgɨnɨ ɨdiʼ tsi tárə́ ghe. Nkaʼ sé kɨ mbe a nye táʼ adiʼ mbáʼ bɨ yɛbtɨnɨ ɨtfúʼ a nye ɨdiʼ tsi tárə́ ghe.

Nkyɛʼə 8:10

Ntsendá Ŋwi za ɨ zɔ́ŋtɨ́nɨ́ a nye ɨdiʼ tsi tárə́ tɔ́ŋ ɨzhi ntaŋ ə. Fɨndzɔŋ fə wi, nkɨə tso nkaʼ, tsɔ́ʼnɨ́ a fɔməbvurə ngvo a nye táʼ adiʼ mbáʼ bɨ yɛbtɨnɨ bɨmɨzam ɨdiʼ tsi tárə́ abɔʼnɨ bɨnáŋə́bə́rə ghe.

Nkyɛʼə 9:15

Ma lan, bɨ shwɛ́n ɨtsendá Ŋwi tsa tsi nɨkwa mbáʼ bɨ kwɛ́nə nkyaŋtɨ awa a nye nkfu zen, njwi zen, saŋ wen abɔʼnɨ alom zen á bo zhwitɨ a táʼ adiʼ mbáʼ bɨ yɛbtɨnɨ a ŋwɔn mɨsɔŋ a ntsu ɨdiʼ tsi tárə́ ghe.

Nkyɛʼə 9:18

Ngɨ́ʼ tsɨ wi tsa tsi tárə́ zhwítɨ́ a táʼ adiʼ mbáʼ bɨ yɛbtɨnɨ a ŋwɔn mɨsɔŋ a ntsu a nye ɨdiʼ tsi tárə́; ɨmugɨ wa, fɨndyiʼ fa abɔʼnɨ sɔlfɔ wa tsɨ kɨ́nə́ fúə a mɨntsu ɨnyamənkárə́ tsa lá.

Nkyɛʼə 12:4

Wɛrə a shwúʼ a táʼ adiʼ mbáʼ bɨ yɛbtɨnɨ mɨndzɔŋ a nɨkaŋ ɨdiʼ tsi tárə́ nɨ nkon ɨyi ɨ nyɛʼ a mɛrə atuəshe. Wɛrə a tɛ́m a ɨshi mangye wa taŋ ɨ kfurɨ a mɔn ɨyi wa tsɛʼ mbáʼ mangye wa mɨ byi jwi a wɛrə ghe.