Nkyɛʼə 8:5 - Mɨkan wu Fi

⁵ Ntsendá Ŋwi za tíʼ ndɔgɨ akəbɨ a ntǒn alyɛn za, nkɔgɨ ɨmugɨ atú a mɨkuʼ ma ndwɨgɨ wə mu, ntiʼ nchwirɨ atuəshe. Mbəŋ kúm, mbɨ́ʼkɨ́, njwibtɨ, ɨshe kɨ nɛmə.

Nkyɛʼə 8:5 Referans Kwoze

Nkyɛʼə 11:19

Nɨshwim nɨ Ŋwi a fɔməbvurə ŋáʼnɨ́, ma tiʼ ndzɛn Nkom Akan wa ɨ tsi ɨwu ə. Mbəŋ tíʼ nzhwibtɨ, nkum, nkɨ mbɨ́ʼkə́. Ɨshe tíʼ nɛ́m, fɨwɛ fə wi tiʼ nkɨ ngvoə.

Nkyɛʼə 4:5

Azhwibtɨ a mbəŋ a kə́ ŋwankə fuə a nye abərɨ za, mbəŋ kə nkumə nkə́ mbɨ́ʼkə́ fuə ɨwu ə. Bɨ chwúʼ mɨnkaʼ mi samba a ɨshi abərɨ za, mɨ bé lá ɨzhwi Ŋwi tsa tsi samba tsa tsɨ faʼnə a mbó Ŋwi lá.

Ɨfaʼ 16:26

Ɨshe vwúkɨ́ nɛ́m tsɛʼ nɨ azhwuʼ a nye ndóm wa atsáŋ za a chíʼnɨ́nɨ́ ɨ shiʼ nkuʼ a nye atsé azhi ɛ. Mɨntsu mɨndá byí ŋáʼnɨ́, mɨnkɨ mɨ atɨŋə ma bɨ kórɨ́nɨ́ ngaŋ atsáŋ tsa ɨwu tɨnkɨ a ɨnye bo bɨtsum ngvokɨ a tɨshe.

Nkyɛʼə 11:13

Tsɛʼ a nyom məwa, ɨshe nɛ́m tsɛʼ adaŋədaŋə; bɨ tsənkɨ a táʼ abagɨ ntáʼmbagə wa bɨ yɛbtɨnɨ ɨdiʼ tsi nɨghúm, ntiʼ nkɨ njwitɨ ɨbɛn nchwuʼ tsi samba ghe. Abvuʼ a ɨbɛn a tsí nɨ nɨbɔgɨ nə wi, ntiʼ nga nɨfáŋ a mbó Ŋwi, zɨ wa a tsinɨ a fɔməbvurə lá.

Nkyɛʼə 6:12

Ma tíʼ ndzɛn Mɔn Mbyindzɨ wa a ŋaʼ fɛnwu za ɨ zɔ́ŋtɨ́nɨ́ a nye ɨdiʼ tsi ntugə lá. Ɨshe nɛ́m tsɛʼ adaŋədaŋə, nɨnyom a tiʼ mbəŋ ayi ɨ fɨ́ŋə́ tsɛʼ fɨŋnɨ ngə́ tsɨŋ, saŋ a tiʼ mbəŋ ayi mbáŋə́ tso alɛm ə.

Ɨfaʼ 4:31

Bo ghɨnə mɛ́tɨ́ a ntsaʼtɨ Ŋwi, adiʼ za bo tsínɨ́ ɨwu lá a nɛmə. Azhwi zə Fɛmnɨ a lwɨ́gɨ́ awa bɨtsum, bo tiʼ mbiʼnɨ nchwítɨ́ nkən Ŋwi nɨ mɨntəm mə fankɨnɨ ə.

Alukasɨ 12:49

“Ma yén a maʼ ɨmugɨ atuəshe, a ghɨ́ ake á be ngə́ ɨ kwɛnə ntiʼə ndwǎ le!

Matyo 24:7

Ɨlaʼ ghɨ tókɨ́nə́ a tsə mɔʼɔ, á nɨfɔ njíntə́ a nə mɔʼɔ, á mɨchwinɨ a tsi a nye ɨdiʼ tsɨ ghaʼnɨ, á ɨshe nɛ́mə́ nɨ ɨdiʼ nɨ ɨdiʼə.

Nkyɛʼə 8:3

Ntsendá Ŋwi zɨ mɔʼɔ, za ɨ tíʼtɨ́nɨ́ akəbɨ a ŋwaʼŋwaʼ a ntǒn alyɛn, ɨ yén ntɛ́m a ɨshi mɨkuʼ ə. Bɨ ghá alyɛn wəmbo a ghaʼ ngə́ á kwiʼtɨ a nye ɨtsaʼtɨ Ŋwi ɨbɛn bɨ Ŋwi bɨtsum nga tso akáŋ a Ŋwi atú a mɨkuʼ mɨ ŋwaʼŋwaʼ ma mɨ tɛmnɨ a mbyi abərɨ za lá.