Biblia Todo Logo
Bib sou entènèt

- Piblisite -




Nkyɛʼə 8:3 - Mɨkan wu Fi

3 Ntsendá Ŋwi zɨ mɔʼɔ, za ɨ tíʼtɨ́nɨ́ akəbɨ a ŋwaʼŋwaʼ a ntǒn alyɛn, ɨ yén ntɛ́m a ɨshi mɨkuʼ ə. Bɨ ghá alyɛn wəmbo a ghaʼ ngə́ á kwiʼtɨ a nye ɨtsaʼtɨ Ŋwi ɨbɛn bɨ Ŋwi bɨtsum nga tso akáŋ a Ŋwi atú a mɨkuʼ mɨ ŋwaʼŋwaʼ ma mɨ tɛmnɨ a mbyi abərɨ za lá.

Gade chapit la Kopi




Nkyɛʼə 8:3
32 Referans Kwoze  

Mbáʼ a ghɨ́nɨ́ mə lan lá, ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən abɔʼnɨ bɨkum ba mɨghúm mɨmbá nɨ ntsɔb nɨkwa vwó a ɨshe a ɨshi Mɔn Mbyindzɨ wa. Bo bɨtsum tsí nɨ mɨloŋ mɨ aŋantɨ abɔʼnɨ ɨkəbɨ ŋwaʼŋwaʼ tsa tsɨ lónɨ́ nɨ alyɛn, alyɛn za a lá ɨtsaʼtɨ Ŋwi ɨbɛn bɨ Ŋwi ə.


Fɨndyiʼ fa fɨ kɨ́nə́ fúə a mu alyɛn za bɨ tɔ́nɨ́ lá, kɔ́ʼ ngɛn abɔʼnɨ atsaʼtɨ a Ŋwi a ɨbɛn bɨ Ŋwi ndo a mu mbó ntsendá Ŋwi za ɨ tíʼtɨ́nɨ́ akəbɨ za ntɛm a ɨshi Ŋwi lá.


Ɨnɔ ɨbɛn bɨtsum abyɛn ɨ kə́ ntsaʼtə a Ŋwi a nyom wa bɨ tɔ́nɨ́ alyɛn za.


Ntsendá Ŋwi za ɨ zɔ́ŋtɨ́nɨ́ a nye ɨdiʼ tsi ntugə tɔ́ŋ ɨzhi ntaŋ ə. Ma zúʼ nji zɨ tse ɨ lo a nye mɨbú mi nɨkwa mɨ mɨkuʼ mɨ ŋwaʼŋwaʼ ma mɨ tɛ́mnɨ́ a ɨshi Ŋwi lá.


Ɨwu, atú a mɨkuʼ za bɨ bɔ́mnɨ́ nɨ ŋwaʼŋwaʼ a tsí ɨwu za bɨ kɨ́nə́ ntǒ alyɛn wu atú ə. Nkom Akan wa tɛ́m ɨwu bɨ kubɨnɨ a wɛrə bɨbagɨ bɨtsum nɨ ŋwaʼŋwaʼ ə. A mu Nkom Akan wa, sotɨ wa bɨ nyɛ́tɨ́nɨ́ nɨ ŋwaʼŋwaʼ ntsi nɨ abə́ŋ abán za bɨ kɨ́nə́ ntɔ́ŋə́ ngə́ mana lá wə mu, mbaŋ Alon za ɨ byɛ́rɨ́nɨ́ abɔʼnɨ bɨtáfɛrə bɨ ngɔʼ bi bɨbá ba bɨ ŋwáʼnɨ́nɨ́ ntɨgə tsa atú tsɛrə tsí ɨwu ə.


Ma lan, wɛrə a tsi nɨ mɨtən a ndoŋ ɨbɛn ba bɨ yenə a mbó Ŋwi ntsa a ndzum zɨ, tɨtsɔŋnɨ abɔʼnɨ nkfu tsum, mbɨ́ʼ ngə́ a tsi ntən nɨnkoŋ lá a mbúʼtɨ́ mbó a mbó Ŋwi a nkfu bo ghe.


Ɨwa mɨ soŋ ngə́ bo vwo ɨsáʼ wu tsɛrə le? Nkeʼ Kristo Yeso be, zɨ wa a kfónɨ́, wa bɨ zhwémnɨ́nɨ́ a mbó nɨvwo, wa a tɛmnɨ a bagɨ abó Ŋwi zə maʼə mbúʼtɨ́ mbó a mbó Ŋwi a nkfu bɨgɨnə lá!


Ma kwíʼ ndzɛ́n ntsendá Ŋwi zɨ mɔʼɔ ɨ lo a sáʼnyom nkɔ́ʼə ngyiŋə nɨ alyigɨ a Ŋwi, zɨ wa a tsinɨ ntɨŋ ə. A tɔ́nkɨ́ nɨ nji zɨ ntən a mbó ɨtsendá Ŋwi tsa tsi nɨkwa tsa Ŋwi a ghánɨ́ adaʼ a mbó bo a ntsənkɨ atuəshe bo sagɨrə wu ngwi lá.


Mɔn Mbyindzɨ wa a tíʼ ŋáʼ fɛnwu za ɨ zɔ́ŋtɨ́nɨ́ a nye ɨdiʼ tsi tə̧̂ lá. Ma zɛ́n a shwúrɨ́ mɨkuʼ ma, bɨgharɨ bɨ ɨbɛn ba bɨ zhwítɨ́nɨ́ awa mbɨ́ʼ ngə́ bo chwítɨ́ nɨgham nɨ Ŋwi, nkɨ ngam mbɨ́ʼ abeməntəm aza nɨ táʼ ntəm ə.


Ma tíʼ ndzɛ́n a təkɔʼ bɨ ntsendá Ŋwi zɨ mɔʼɔ za ɨ fúnɨ́ a fɔməbvurə ɨ shiʼə ngyíŋə́ ghe. Mbaʼ kúbɨ́nɨ́ ayi tsɛʼ tsum, tánɨ́mɨshigɨ a karɨsɨ atú azhi; ɨshi ɨyi be tso nɨnyom, mɨku ɨmyi be tso ntɛ́ʼ ɨmugɨ ə.


Ntsendá Ŋwi za tíʼ ndɔgɨ akəbɨ a ntǒn alyɛn za, nkɔgɨ ɨmugɨ atú a mɨkuʼ ma ndwɨgɨ wə mu, ntiʼ nchwirɨ atuəshe. Mbəŋ kúm, mbɨ́ʼkɨ́, njwibtɨ, ɨshe kɨ nɛmə.


Ntsendá Ŋwi zɨ mɔʼɔ, za ɨ tsinɨ nɨ mɨtən a ntsɨŋnɨ ɨmugɨ wa tíʼ ndo atú a mɨkuʼ ɨ fu ngyiŋə. Wɛrə a tɔ́nkɨ́ a mbó ntsendá Ŋwi zɨ mɔʼɔ za ɨ tíʼtɨ́nɨ́ ɨŋwi nɨfuʼ zɨ ntsɛgɨnɨ za ngə́, “Lɔgɨ ɨŋwi nɨfuʼ ɨzo za, nchwə mɨjwaʼ mɨ mɨntam mɨ atɨ mɨ nyɛtɨ mɨluʼ mɨ atuəshe ɨwu, mbɨ́ʼ ngə́ mɨntam mɨ atɨ mɨ nyɛtɨ mɨluʼ ma baŋnə ghe!”


Swiv nou:

Piblisite


Piblisite