Nkyɛʼə 8:12 - Mɨkan wu Fi

¹² Ntsendá Ŋwi za ɨ zɔ́ŋtɨ́nɨ́ a nye ɨdiʼ tsi nɨkwa tɔ́ŋ ɨzhi ntaŋ ə. Bɨ búʼ a táʼ adiʼ mbáʼ bɨ yɛbtɨnɨ a nɨnyom ɨdiʼ tsi tárə́, mbuʼ a táʼ adiʼ mbáʼ bɨ yɛbtɨnɨ a saŋ ɨdiʼ tsi tárə́ nkɨ mbuʼ a táʼ adiʼ mbáʼ bɨ yɛbtɨnɨ mɨndzɔŋ a nye ɨdiʼ tsi tárə́ ghe. Ma lan, nkaʼ ɨwa sé tá a nye táʼ adiʼ mbáʼ bɨ yɛbtɨnɨ nkfu za bo tánə́ a nye ɨdiʼ tsi tárə́ ghe. Nkaʼ sé bé a nye táʼ adiʼ mbáʼ bɨ yɛbtɨnɨ nəzhwɨgɨnɨ ɨdiʼ tsi tárə́ ghe. Nkaʼ sé kɨ mbe a nye táʼ adiʼ mbáʼ bɨ yɛbtɨnɨ ɨtfúʼ a nye ɨdiʼ tsi tárə́ ghe.

Nkyɛʼə 8:12 Referans Kwoze

Nkyɛʼə 6:12

Ma tíʼ ndzɛn Mɔn Mbyindzɨ wa a ŋaʼ fɛnwu za ɨ zɔ́ŋtɨ́nɨ́ a nye ɨdiʼ tsi ntugə lá. Ɨshe nɛ́m tsɛʼ adaŋədaŋə, nɨnyom a tiʼ mbəŋ ayi ɨ fɨ́ŋə́ tsɛʼ fɨŋnɨ ngə́ tsɨŋ, saŋ a tiʼ mbəŋ ayi mbáŋə́ tso alɛm ə.

Nkyɛʼə 9:18

Ngɨ́ʼ tsɨ wi tsa tsi tárə́ zhwítɨ́ a táʼ adiʼ mbáʼ bɨ yɛbtɨnɨ a ŋwɔn mɨsɔŋ a ntsu a nye ɨdiʼ tsi tárə́; ɨmugɨ wa, fɨndyiʼ fa abɔʼnɨ sɔlfɔ wa tsɨ kɨ́nə́ fúə a mɨntsu ɨnyamənkárə́ tsa lá.

Nkyɛʼə 9:15

Ma lan, bɨ shwɛ́n ɨtsendá Ŋwi tsa tsi nɨkwa mbáʼ bɨ kwɛ́nə nkyaŋtɨ awa a nye nkfu zen, njwi zen, saŋ wen abɔʼnɨ alom zen á bo zhwitɨ a táʼ adiʼ mbáʼ bɨ yɛbtɨnɨ a ŋwɔn mɨsɔŋ a ntsu ɨdiʼ tsi tárə́ ghe.

Marɨkusɨ 13:24

“A nye njwi mətsa, mbáʼ nkfu ngɨ́ʼ za ɨ minə, nɨnyom a ghɨ bəŋ ɨ tiʼ bə fɨ́ŋ ɨ fɨ́ŋnɨ́, á saŋ a keʼ bə ntá,

Matyo 24:29

“Tsɛʼ mbáʼ njwi mətsa, tsɨ ngɨ́ʼ za ɨ tsanɨ mbó mɨ byi ghangə tsɨ miə, bɨ mɨ vuʼnɨ ntsu nɨnyom, á saŋ a keʼ nkɨ mbyi ntá ɨ tánɨ́, á mɨndzɔŋ kwerɨkɨ a fɔməbvurə, á ɨdzúm ɨtsum tsa tsɨ tsinɨ nɨ adaʼ a fɔməbvurə chiʼnɨ ə.

Nkyɛʼə 12:4

Wɛrə a shwúʼ a táʼ adiʼ mbáʼ bɨ yɛbtɨnɨ mɨndzɔŋ a nɨkaŋ ɨdiʼ tsi tárə́ nɨ nkon ɨyi ɨ nyɛʼ a mɛrə atuəshe. Wɛrə a tɛ́m a ɨshi mangye wa taŋ ɨ kfurɨ a mɔn ɨyi wa tsɛʼ mbáʼ mangye wa mɨ byi jwi a wɛrə ghe.

2 Korɨnto 4:4

A nye ɨza nkfu ŋwi atuəshe a nɨŋ ɨfɨgɨ a nye mɨntəm mɨ bɨtɨnɨŋ ntəm a nye Kristo, taŋ ɨ kubɨnɨ awa a ndzé nkaʼ nkən wu shiʼnɨ wu nɨfáŋ nɨ Kristo, zɨ wa a nɨ afi a Ŋwi lá.

Alukasɨ 21:25

“Ɨnu tsa nɨ se zhi ghɨ fuənə a nye nɨnyom, saŋ bo mɨdzɔŋ ə. A mu atuəshe, ɨlaʼ tsɨ fɨgɨnɨ ghɨ tsi a mu nɨwiʼ mbɨ́ʼ ngə́ ɨbɛn ghɨ tsí a mu nɨbɔgɨ mbɨ́ʼ adzaŋ za sagɨrə wu ngwi a zɔrɨnə abɔʼnɨ adzaŋ za nkyiɛ yiŋənɛmə ghɛnə nkə́ ndzɔ́rə́ ghe.

Marɨkusɨ 15:33

Nyom a ghɨnə ntə́nɨ́, ndzumnɨ ɨ bɔm ɨdiʼ, nkubɨnɨ alaʼ za atsum nkɔʼ nkuʼ bɨnyom bɨtárə́ a ndzəŋ nyom ə.

Matyo 27:45

A ghɨnə mbé a ntənɨ nyom, ndzumnɨ ɨ kubɨnɨ alaʼ za atsum ɨ kɔʼ kuʼ a nye bɨnyom bɨtárə́ ghe.

Ɨfaʼ 2:20

nɨnyom a ghɨ bəŋ ɨ tiʼə fɨŋənɨ ɨ fɨŋnɨ, ɨ bənkɨ a saŋ á ntiʼə mbáŋə́ tso alɛm, mbɔŋə njwi za Maʼmbyí a lo bə yen, ɨ yiŋə. Njwi məzen a nɨ njwi zɨ ngwi za ɨ tsanɨ njwi tsɨ wi ɨtsum ə.

Nkyɛʼə 16:10

Ntsendá Ŋwi za ɨ zɔ́ŋtɨ́nɨ́ a nye ɨdiʼ tsi tə̧̂ chwírɨ́ azhi akəbɨ a mɨlwi wu ntən atú abərɨ a ɨnyam mɨbaʼ za. Ndzumnɨ kúbɨ́nɨ́ nɨfɔ nɨ ɨnyam mɨbaʼ za. Ɨbɛn lómtɨ́ ɨlɛm ɨtsa mbɨ́ʼ ndzáŋə́ za bo kɨ́nə́ ndzúʼə ghe.