Nkyɛʼə 8:1 - Mɨkan wu Fi

¹ Mbáʼ Mɔn Mbyindzɨ wa a ŋáʼnɨ́ fɛnwu za ɨ zɔ́ŋtɨ́nɨ́ a nye ɨdiʼ tsi samba lá, ashwí a tsí a fɔməbvurə a nye akum a táʼ nyom ə.

Nkyɛʼə 8:1 Referans Kwoze

Nkyɛʼə 6:1

Ma tíʼ ndzɛ́n a Mɔn Mbyindzɨ wa a ŋaʼ ntsambyi fɛnwu a tɨtərɨ tsa tsi samba, nkɨ ndzuʼ azúm zə kaʼnɨ a tɨtərɨ ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən a soŋ nɨ nji za ɨ fínɨ́ mbəŋ zɨ mbɨʼkɨnɨ ngə́, “Yiŋə!”

Nkyɛʼə 6:12

Ma tíʼ ndzɛn Mɔn Mbyindzɨ wa a ŋaʼ fɛnwu za ɨ zɔ́ŋtɨ́nɨ́ a nye ɨdiʼ tsi ntugə lá. Ɨshe nɛ́m tsɛʼ adaŋədaŋə, nɨnyom a tiʼ mbəŋ ayi ɨ fɨ́ŋə́ tsɛʼ fɨŋnɨ ngə́ tsɨŋ, saŋ a tiʼ mbəŋ ayi mbáŋə́ tso alɛm ə.

Nkyɛʼə 6:9

Mɔn Mbyindzɨ wa a tíʼ ŋáʼ fɛnwu za ɨ zɔ́ŋtɨ́nɨ́ a nye ɨdiʼ tsi tə̧̂ lá. Ma zɛ́n a shwúrɨ́ mɨkuʼ ma, bɨgharɨ bɨ ɨbɛn ba bɨ zhwítɨ́nɨ́ awa mbɨ́ʼ ngə́ bo chwítɨ́ nɨgham nɨ Ŋwi, nkɨ ngam mbɨ́ʼ abeməntəm aza nɨ táʼ ntəm ə.

Nkyɛʼə 5:1

Ma zɛ́n aŋwaʼnɨ zə karɨnɨ zə tse a mu abó a maʼə a zɨ wa a shiʼtɨnɨ ntsi atú abərɨ za. Bɨ ŋwáʼnɨ́ atú aŋwaʼnɨ za bɨbagɨ bɨtsum, ntiʼ nkɨ nzum a zɛrə nɨ fɛnwu ɨdiʼ tsi samba ghe.

Nkyɛʼə 6:7

Mɔn Mbyindzɨ wa a tíʼ ŋáʼ fɛnwu za ɨ zɔ́ŋtɨ́nɨ́ a nye ɨdiʼ tsi nɨkwa lá; ma tíʼ ndzúʼ azúm zə kaʼnɨ za a tsínɨ́ ntən za a zɔ́ŋtɨ́nɨ́ a nye ɨdiʼ tsi nɨkwa lá a soŋ ngə́, “Yiŋə!”

Nkyɛʼə 6:5

Mɔn Mbyindzɨ wa a tíʼ ŋáʼ fɛnwu za ɨ zɔ́ŋtɨ́nɨ́ a nye ɨdiʼ tsi tárə́ lá. Ma zúʼ azúm zə kaʼnɨ za a tsínɨ́ ntən za a zɔ́ŋtɨ́nɨ́ a nye ɨdiʼ tsi tárə́ lá a soŋ ngə́, “Yiŋə!” Ma lén, ndzɛ́n ɨnyamənkárə́ zɨ fɨŋnɨ ə. Ŋwɔn wa a kɔ́ʼnɨ́ wətú a tíʼtɨ́ azúm a fɨʼ ndɨtə a mu abó azhi ɛ.

Nkyɛʼə 6:3

Mɔn Mbyindzɨ wa a tíʼ ŋáʼ fɛnwu za ɨ zɔ́ŋtɨ́nə́; ma zúʼ ndzɔŋtɨ azúm zə kaʼnɨ za a tsínɨ́ ntən a soŋ ngə́, “Yiŋə!”

Nkyɛʼə 5:9

Bo zɔ́bɨ́ azɔbɨ a nkyi zə fi ngə́: “O tsi nɨ ɨlɨŋ a nkwárɨ́ aŋwaʼnɨ zə karɨnɨ za ɨ kɨ ŋaʼ ɨfɛnwu ɨchi ɛ. Mbɨ́ʼ ngə́ bɨ zhwítɨ́ agho, a ntsǎ a ndzum nɨvwo nɨ mɨtsuʼnɨ mɨ atú ɨno, o zón a ngá a mbó Ŋwi ɨbɛn bɨ ɨtsé tsɨ wi ɨtsum, ɨbɛn ba bɨ ghamnɨ mɨgham mɨtsum, ɨbɛn bɨ ɨlaʼ ɨtsum abɔʼnɨ ɨbɛn bɨ ngwəgɨ mɔn ŋwɔn tsum ə.

Matyo 27:66

Ma lan, bo tíʼ ngɛn nyɔʼ fɛnwu atú ngɔʼ za, taŋ bɨ mɔmtɨ bɨ zhi, ntiʼ nkɨ́ ndɛ́n a gwe ntsǐŋ ɨdiʼ a lyɛmnə a nɛrə ghe.