Nkyɛʼə 7:12 - Mɨkan wu Fi

¹² ɨ sóŋə́ ngə́, “A be lá! Mbontə, nɨfáŋ, zóŋ, ngǎ mɨya, nkɔʼsə atɨ́, mɨtən abɔʼnɨ adaʼ tsi a mbó Ŋwi ɨwɨgɨnə nɨnkoŋ nɨnkoŋ ə! A be lá!”

Nkyɛʼə 7:12 Referans Kwoze

Judɨ 1:25

a mbó Ŋwi, wa a nunɨ zɨzɨ, ndoŋ ɨwɨgɨnə, ɨ tsa a ndzum Yeso Kristo Maʼmbyí ɨwɨgɨnə, á nɨfáŋ, nɨfɔ, adaʼ abɔʼnɨ mɨtən tsi wəmbo, ɨ lɔgɨnɨ bɔŋ á mbyi biʼnɨ, tɨtsɔŋnɨ, ɨ ghɛn gha nɨnkoŋ ə! A be lá.

Nkyɛʼə 19:4

Bɨkum ba mɨghúm mi mɨmbá nɨ ntsɔb nɨkwa abɔʼnɨ ɨdzúm tsə kaʼnɨ tsa tsi nɨkwa tsa tsɨ tsínɨ́ ntən tíʼ ngvo a tɨshe nguʼsɨ a Ŋwi, zɨ wa a shíʼtɨ́nɨ́ ntsí atú abərɨ za, ɨ sóŋə́ ngə́, “A be lá! Bontɨ a Ŋwi ə!”

Kolose 3:17

Anu atsum za nɨ ghɨnə kə ɨ sóŋə́, nɨ tsi nɨ ngɨ zɛrə lá nɨ ɨkum Maʼmbyí Yeso, adzaŋ za nɨ ghánə́ a mɨya a mbó Ŋwi, zɨ wa nɨ Tarɨ ntsǎ a ndzum wɛrə lá.

Kolose 2:7

A nɨ twəŋ mɨngaŋ ɨmən a nye Kristo á bɨŋ bo tsi a mbúm, á ntsi mbyi ɨzɨŋ tsum ɨ zɛʼtɨ ayi wə ɨnye, ɨ nyɛʼtɨ abeməntəm azən á ntɨŋə tsɛʼ tənɨ adzaŋ za bɨ díʼnɨ́ awən lá. A nɨ ngǎ a mɨya a mbó Ŋwi tsɛʼ nkfu tsum ə.

2 Korɨnto 4:15

Zen atsum a tsi lá mbɨ́ʼ atú azən, taŋ á be ngə́, tsɛʼ tso mbáʼ abɔŋəntəm a Ŋwi a lamnɨnə ngěn a mbó ɨbɛn bə ghaʼnɨ lá, a mɨ ghɨ á ɨbɛn bə ghaʼnɨ ngǎ mɨya ngěn nɨ mbyi; a ngá nɨfáŋ a mbó Ŋwi ə.

Matyo 6:13

Koʼ nyɛʼtɨ á bɨgɨ ghɨ ɨbvu mbáʼ be bɨ kwaʼnɨ awɨgɨ, lá kwarɨ awɨgɨ a mbó Wu Ntɔmnɨnɨ wa.›

Nkyɛʼə 1:18

A nɨ me wa ma ghánɨ́ ntsi ntɨŋ ə! Ma kɨ kfó lá tɨtsɔŋnɨ ma tsi ntən nɨnkoŋ nɨnkoŋ ə. Ma tsi nɨ mɨtən atú nɨvwo abɔʼnɨ mbyi ɨkfú ɨbɛn ə.

Roma 11:36

Mbɨ́ʼ ngə́ ɨdzúm ɨtsum a káʼ wɛrə, ɨdzúm ɨtsum tsa tsɨ tsinɨ, tsɨ tsi ntsa lá a ndzum wɛrə, ɨdzúm ɨtsum kɨ mbe lá tsə wɛrə ghe. A nɨfáŋ tsi a mbó Ŋwi nɨnkoŋ ə! A be lá.

1 Korɨnto 14:16

Be a tú mə lá be muŋ, be o tɨ ghǎ a mɨya a mbó Ŋwi tsɛʼ a mu azhwi, ɨbɛn ba bɨ tsinɨ ɨwu tɨ adzaŋ azum zə ghanɨ məzen mɨ tiʼ soŋ ngə́, “A be lá” mbɨ́ʼ atsaʼtɨ a ngǎ mɨya azo lá ɨ nə́ le? Ka bo tsi awa nɨ ndóm tse a njí anu za o sóŋnə́ ghe.