Nkyɛʼə 7:10 - Mɨkan wu Fi

¹⁰ Bo tɔ́nkɨ́ nɨ nji zɨ ntən ngə́, “Ɨloŋ ɨ lǒ lá a mbó Ŋwi ɨwɨgɨnə wa a shiʼtɨnɨ ntsi atú abərɨ za nkə́ ndǒ a mbó Mɔn Mbyindzɨ wa!”

Nkyɛʼə 7:10 Referans Kwoze

Nkyɛʼə 19:1

Mbáʼ məzen a tsánɨ́, ma zúʼ azúm zə tse za a bénɨ́ tso nji ɨnɔ ɨbɛn a fɔməbvurə, ɨ sóŋə́ ngə́, “Bontɨ a Ŋwi ə! Ɨloŋ, nɨfáŋ abɔʼnɨ mɨtən tsi a mbó Ŋwi ɨwɨgɨnə ghe!

Nkyɛʼə 12:10

Ma tíʼ ndzúʼ nji za ɨ nkɔʼnɨ atɨ́ zɨ tsɛrə a fɔməbvurə a soŋənə ngə́, “Tɨtsɔŋnɨ ɨloŋ Ŋwi yenə ghe! Tɨtsɔŋnɨ Ŋwi a diʼnə mɨtən ɨmyi tso ɨfɔ ghe! Tɨtsɔŋnɨ, Wa bɨ Zɔ́ʼnɨ́ wa Ŋwi a tsɔʼnɨ a diʼnə mɨtən ɨmyi, mbɨ́ʼ ngə́ zɨ wa a tɛ́mnɨ́ a ɨshi Ŋwi ɨwɨgɨnə nkǎŋ ɨbɔmbɨma ɨbɨgɨnə nɨ njwi nɨ ɨtfúʼ bɨ maʼnə ayi a fu a fɔməbvurə ghe.

Nkyɛʼə 22:3

Bɨ chi ghɨ keʼ azúm za Ŋwi a lɔʼnɨ zɛ́n a mu ntáʼmbagə wu wi wa. Abərɨ a Ŋwi abɔʼnɨ abərɨ a Mɔn Mbyindzɨ wa ghɨ tsí a mu ntáʼmbagə wu wi wa, á ngaŋ afaʼ Ŋwi ngúʼsə́ ayi ɛ.

Ɛfɛso 2:8

Mbɨ́ʼ ngə́ a ndzum abeməntəm azən, a loŋ awən ntsa a ndzum abɔŋəntəm azhi; nkeʼ be be a ngɨ bɨŋ ə, a nɨ be azúm zə ghanɨ za Ŋwi a ghanɨ adaŋədaŋə ghe.

Yoane 1:29

Njwi zɨ mɔʼɔ bənə ndan, Yoane a zɛn a Yeso a yiŋənə a mbó zɨ, ntiʼ soŋ ngə́, “Mɔn Mbyindzɨ Ŋwi a yirɨ, zɨ wa a sugɨnə atuəshe a mbó mɨbvu ɨmyi ɛ!

Nkyɛʼə 21:5

Zɨ wa a shíʼtɨ́nə́ nchyɛ̌ atú abərɨ za a tíʼ sóŋ ngə́, “Tɨtsɔŋnɨ, ma mɨ ghɨ ɨdzúm ɨtsum tiʼ tsə fi ə!” Wɛrə a kɨ́ sóŋ a mbó me ngə́, “Ŋwaʼnɨ a zen, mbɨ́ʼ ngə́ mɨgham miŋ nɨ nkənu, bɨ chi kɨ nɨŋ ntəm a nye mɛrə ghe.”

Alukasɨ 3:6

Ŋwɔn mɨsɔŋ a ntsu tsum a lo ze ɨloŋ Ŋwi ə!›”

Nkyɛʼə 5:7

Mɔn Mbyindzɨ wa a ghɛ́n nkwárɨ́ aŋwaʼnɨ zə karɨnɨ za a mu abó a maʼə a zɨ wa a shiʼtɨnɨ ntsi atú abərɨ za.

Nkyɛʼə 4:6

A nkwiʼtə, a ɨshi abərɨ za azúm zə tse a nɔ́ŋ ɨwu tso sagɨrə wu ngwi wa a bénɨ́ be ntsəŋ ɨləŋ, nkə́ ŋwenə tso malum wa o lenə ndzě ndzum zɨ mɔʼɔ ghe. A nkárɨ́sɨ́ abərɨ za a nye bɨbagɨ ɨbyi bɨtsum bi nɨkwa, ɨdzúm tsɨ kaʼnɨ tsa tsɨ tsínɨ́ ntən tsi nɨkwa tsí ɨwu nɨ ɨmɨgɨ a ɨshi bo ndzum ə.

Yoane 4:22

Bɨŋ bə Samaria ka nɨ lanɨ nji awɨŋ a ŋwɔn wa nɨ ghúʼsɨ́nə́ ghe; lá bɨgɨ bə Yuda zhi a ŋwɔn wa bɨgɨ ghúʼsɨ́nə́ mbɨ́ʼ ngə́ ɨloŋ ɨ lǒ lá a mbó bə Yuda ghe.

Yoane 1:36

mbáʼ wɛrə a zɛ́nɨ́ a Yeso a tsanə ghe. Yoane a sóŋ ngə́, “Zɛnə, Mɔn Mbyindzɨ Ŋwi a yirɨ!”