Nkyɛʼə 5:9 - Mɨkan wu Fi

⁹ Bo zɔ́bɨ́ azɔbɨ a nkyi zə fi ngə́: “O tsi nɨ ɨlɨŋ a nkwárɨ́ aŋwaʼnɨ zə karɨnɨ za ɨ kɨ ŋaʼ ɨfɛnwu ɨchi ɛ. Mbɨ́ʼ ngə́ bɨ zhwítɨ́ agho, a ntsǎ a ndzum nɨvwo nɨ mɨtsuʼnɨ mɨ atú ɨno, o zón a ngá a mbó Ŋwi ɨbɛn bɨ ɨtsé tsɨ wi ɨtsum, ɨbɛn ba bɨ ghamnɨ mɨgham mɨtsum, ɨbɛn bɨ ɨlaʼ ɨtsum abɔʼnɨ ɨbɛn bɨ ngwəgɨ mɔn ŋwɔn tsum ə.

Nkyɛʼə 5:9 Referans Kwoze

1 Yoane 1:7

Lá be bɨgɨnə nchyɛ̌ a mu nkaʼ — tsɛʼ tso mbáʼ wɛrə a tsinɨ a mu nkaʼ lá — lá be ngə́ bɨgɨnə ndzɨ́nə́ bɨgɨnə bɨ ŋwɔn nɨ ŋwɔn, alɛm a Mɔn ɨyi Yeso, a sugɨnə ɨfənu ɨtsɨgɨnə ɨtsum a tɨtərɨ bɨgɨnə ghe.

Matyo 26:28

nə nɨ alɛm azan a zen, mbáʼ lá fɛnwu akan a Ŋwi, alɛm azan za bɨ chwirɨnɨ a mbó bə ghaʼnɨ taŋ á bɨ lɨgɨnɨ mɨbvu ə.

Nkyɛʼə 14:6

Ma tíʼ ndzɛ́n ntsendá Ŋwi zɨ mɔʼɔ ɨ linə atɨ́ atɨ́ a mu ɨfɛgɨ, nɨ nkən wu shiʼnɨ wa ɨ ghɨnɨ ghɔ́ŋ nɨnkoŋ ə. Ɨ kə́ ngěn a nchwítɨ́ wɛrə a mbó ɨbɛn bɨ atuəshe, ngwəgɨ ŋwɔn mɨsɔŋ a ntsu tsum, atsé zə wi atsum, nɨgham nɨtsum bo ɨlaʼ ɨtsum ə.

1 Korɨnto 6:20

zɨ wa a zónɨ́ agho nɨ ndvuŋ tse ghe. Ma lan, á nɨ ngɨ̌ ɨnu nɨ mbəmnye ɨtsən a nye ndóm wa tsɨ mɨ gha nɨfáŋ a mbó Ŋwi ə.

Nkyɛʼə 5:12

tíʼ ndzɔbɨ nɨ nji za ɨ kɔ́ʼnɨ́ atɨ́ ngə́: “Mɔn Mbyindzɨ wa bɨ zhwítɨ́nɨ́ lá a tsi nɨ ɨlɨŋ a nkwárɨ́ mɨtən, afuʼ, zóŋ abɔʼnɨ adaʼ, nkɔʼsə atɨ́, nɨfáŋ abɔʼnɨ mbontə ghe!”

Nkyɛʼə 4:11

“Maʼmbyí ɨwɨgɨ nkɨ mbe Ŋwi ɨwɨgɨ! O tsi nɨ ɨlɨŋ a nkwárɨ́ nɨfáŋ, nkɔʼsə atɨ́ abɔʼnɨ mɨtən ə. Mbɨ́ʼ ngə́ o káʼ ɨdzúm ɨtsum, a ntsǎ a ndzum adzaŋ za o kɨ́nə́ ndǒ, taŋ á tsɨ tsi ɨwu nkɨ tsi nɨ ntsi ntɨŋ ə.”

Ɨfaʼ 20:28

Ma lan, á nɨ lə atú nɨ ɨtumbəm ɨtsən nkɨ ndə atú a nye ɨbɛn ba bɨ nɨŋnɨ mɨntəm ɨma a nye Kristo ba Azhwi zə Fɛmnɨ a ghanɨ ngə́ á nɨ ndə̌tú nɨ bɛrə lá. A nɨ be bɨntsiŋ mɨnyam a nye ndáŋwi za a nɨ zɨ Ŋwi, za wɛrə a ghɨ́nɨ́ a nye ɨzhi ntsa a ndzum alɛm a Mɔn ɨyi lá.

Matyo 20:28

tsɛʼ tso mbáʼ Mɔn Ŋwɔn a sé yen be ngə́ á bɨ faʼə a mbó zɨ, lá a faʼə a mbó ɨbɛn, ɨ kɨ gha ntsi ntən ɨzhi a ndzúŋ atú a ɨbɛn bə ghaʼnə.”

Nkyɛʼə 5:6

Ma tíʼ ndzɛ́n a Mɔn Mbyindzɨ wu tse a tɛm a tɨtərɨ, atú abərɨ za, ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən abɔʼnɨ bɨkum ba karɨsɨ a zɛrə ghe. Mɔn Mbyindzɨ wa a fí tso bɨ zhwítɨnə a wɛrə ghe. A tsí nɨ mɨndɔ́ŋ mi samba nkɨ ntsi nɨ ɨmɨgɨ mi samba mbáʼ lá ɨzhwi tsa tsi samba tsa tsɨ faʼnə a mbó Ŋwi tsa bɨ tsagɨnə a mu mbyi tsum lá.

Tɨ́tósɨ 2:14

Wɛrə a ghá atuəmbəm azhi mbɨ́ʼ awɨgɨnə, a fɨ́gɨ́ bɨgɨnə a mbó abɨgəntəm atsum, ɨ kɨ ghɨ awɨgɨnə á bɨgɨnə be ɨbɛn ba bɨ lánɨ́ ba bɨ tsinɨ tsɛʼ a mbó zɨzɨ, nkə́ mbɛ́bə́ a ngɨ ɨbɔŋ ə.

2 Bita 2:1

Ntóm Ŋwi ɨchwenu fú a ɨshe a tɨtərɨ ɨbɛn a mbyi, ndəŋndəŋ bɨdiʼ bɨ aŋwaʼnɨ bɨ ɨchwenu ghɨ kɨ fu a ɨshe a tɨtərɨ bɨŋ ə. Bo mɨ yen nɨ mbɔ́m ndiʼ anu a Ŋwi tsa tsɨ tsənkɨnə nkɨ mbe tsɨ ɨchwenu, ɨ kɨ ton awa a Tafaʼ wa a zónɨ́ atú aza, ma lan, bo mɨ yen nɨ ntsənkə za ɨ mɨ vwukɨ yen a nye ɨtumbəm ɨtsa tɨgha bo zhyɛ.

Kolose 1:14

a ntsǎ a ndzum wɛrə, bɨ zonə ɨtú ɨtsɨgɨnə, lá be ngə́, bɨ lɨgɨnɨnə mɨbvu ɨmɨgɨnə ghe.

Ɛfɛso 1:7

A ntsǎ a ndzum alɛm a Kristo za bɨ chwírɨ́nɨ́ atɨ abaŋnɨ-baŋnɨ, bɨ zón atú azɨgɨnə, lá be ngə́, bɨ lɨgɨnɨ ɨfənu ɨtsɨgɨnə, ndzɔŋə a ndzum abɔŋəntəm azhi za a kwə́ŋnɨ́nə́,

1 Yoane 2:2

Kristo nɨ mɨtsuʼnɨ mɨ atú ma Ŋwi a kyémnɨ́ mbɨ́ atú azɨgɨnə taŋ ɨ lɨgɨnɨ mɨbvu ɨmɨgɨnə, nkeʼ tsɛʼ ɨmɨgɨnə be, lá nkɨ mbe mɨbvu mɨ ŋwɔn tsum ə.

1 Korɨnto 7:23

Ŋwi a zón awən nɨ ndvuŋ tse ghe; á nɨ keʼ nyɛʼtɨ ɨtumbəm ɨtsən a nye ɨbuʼ a mbó ŋwɔn mɨsɔŋ a ntsu ə.

Nkyɛʼə 13:8

Ɨbɛn bɨtsum atuəshe mɨ ghuʼsɨ ayi, lá ɨbɛn ba bɨ ŋwáʼnɨ́nɨ́ mɨkum ɨma bɔŋ ɨ káʼ atuəshe a mu aŋwaʼnɨ a ba bɨ tsinɨ atú ntən, aŋwaʼnɨ a Mɔn Mbyindzɨ wa bɨ zhwítɨ́nɨ́ lá, məbiŋ mɨ keʼ ayi ghuʼsə.

Nkyɛʼə 11:9

Ɨbɛn bɨ ɨlaʼ ɨtsum, ɨtsé tsɨ wi ɨtsum, ɨbɛn ba bɨ ghamnɨ mɨgham mɨtsum abɔʼnɨ ngwəgɨ ŋwɔn mɨsɔŋ a ntsu tsum mɨ liŋənɨ ɨkfú ɨbɛn tsa atú njwi tsi tárə́ nɨ akum, ɨ keʼ nyɛʼtɨ ngə́ á bɨ twəŋ a tsɛrə ghe.

Ɛbal 11:14

Mbɨ́ʼ ngə́ ɨbɛn ba bɨ ghamnə adzaŋ məwen, bo ghɨ a lán ngə́ bo lǒ aza alaʼ ə.

Kolose 1:23

mbáʼ be nɨ mɨ zagɨ ɨ ghěnə nɨ mbyi a mu abeməntəm za, ɨ tɛm ɨ tɨŋə ngə́ twə́ŋ nkeʼ nchíʼnə́, ɨ keʼ kɨ nyɛʼtɨ ɨtumbəm ɨtsən á azúm zə tsɛrə a chiʼtɨ ntsiŋə nɨ ntəm tsum za nɨ kwárɨ́nɨ́ a nkfu za bɨ sóŋnɨ́ nkən wu shiʼnɨ a mbó bən lá. Me Baolo, ma bə́ŋ ngaŋ afaʼ lá a ndaʼ nkən wu shiʼnɨ məwiŋ ə. Nkən wu shiʼnɨ məwen bɨ soŋnə a wɛrə a mbó ŋwɔn tsum a mu mbyi ɛ.

Ɛfɛso 5:19

A nɨ ngámnə́ bən nɨ bən, ndɔ́gə́ mɨgham ma mɨ funɨ a mu bɨsalmsɨ abɔʼnɨ ɨzɔbɨ nkyi nɨ ɨzɔbɨ nkyi tsɨ fɛmnɨ; ndzɔ́bə́ mɛrə nkə́ mbóntə́ a Maʼmbyí nɨ mɨntəm ɨmən mɨtsum ə.

Nkyɛʼə 10:11

Bɨ tíʼ sóŋ a mbó me ngə́, “O mɨ zagɨ soŋ nkən Ŋwi mbɨ́ʼ a za a ghɨnɨ fú bɔŋ á nkfu ɨ kuʼ a mbo ɨtsé tsɨ wi, ngwəgɨ ŋwɔn mɨsɔŋ a ntsu, mɨgham abɔʼnɨ bɨfɔ ghe.”

Nkyɛʼə 13:7

Bɨ nyɛ́ʼtɨ́ ngə́ á wɛrə a tó ɨbɛn bɨ Ŋwi, ɨ kɨ gháʼ awa ghe. Bɨ ghá mɨtən ngə́ á wɛrə a sáʼ atsé zə wi atsum, alaʼ atsum, nɨgham nɨtsum nɨ ngwəgɨ ŋwɔn mɨsɔŋ a ntsu tsum ə.

Nkyɛʼə 15:3

ndzɔbɨ nkyi wa Mǒse ngaŋ afaʼ Ŋwi a zɔ́bɨ́nɨ́, nkɨ mbe nkyi wa Mɔn Mbyindzɨ wa a zɔ́bɨ́nɨ́ ngə́: “Maʼmbyí Ŋwi Tamɨtən Mɨtsum, ɨnu tsa o ghɨnə a nɨ tsə wi nkɨ mbe tsə tsanɨnɨ ə! Ɨfɔ ɨlaʼ ɨtsum, ɨnu ɨtso a nɨ tsa tsɨ kuʼnɨnɨ, mɨndóm ɨmo kɨ mbe mə nkənu ə!

Nkyɛʼə 17:15

Ntsendá Ŋwi za kɨ́ sóŋ a mbó me ngə́, “Ngə́rɨ́ mɨnkyi tsa o zɛ́nɨ́ akwarə za a shiʼtɨ ntsi ɨwu lá, lá ɨlaʼ, ɨbɛn, ngwəgɨ ŋwɔn mɨsɔŋ a ntsu abɔʼnɨ mɨgham ə.