Nkyɛʼə 5:8 - Mɨkan wu Fi

⁸ Mbáʼ a ghɨ́nɨ́ mə lan lá, ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən abɔʼnɨ bɨkum ba mɨghúm mɨmbá nɨ ntsɔb nɨkwa vwó a ɨshe a ɨshi Mɔn Mbyindzɨ wa. Bo bɨtsum tsí nɨ mɨloŋ mɨ aŋantɨ abɔʼnɨ ɨkəbɨ ŋwaʼŋwaʼ tsa tsɨ lónɨ́ nɨ alyɛn, alyɛn za a lá ɨtsaʼtɨ Ŋwi ɨbɛn bɨ Ŋwi ə.

Nkyɛʼə 5:8 Referans Kwoze

Nkyɛʼə 4:10

bɨkum ba mɨghúm mɨmbá nɨ ntsɔb nɨkwa vwo a ɨshe a ɨshi zɨ wa a shiʼtɨnɨ ntsi atú abərɨ za lá, nguʼsɨ a zɨ wa ntsi ntɨŋ ɨzhi ghɔŋnɨ nɨnkoŋ nɨnkoŋ lá nkɨ maʼnɨ ɨsáʼfɔ ɨtsa a ɨshe a ɨshi abərɨ za ntiʼ soŋ ngə́:

Nkyɛʼə 5:14

Ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən chwɨ́gɨ́ ngə́, “A be lá!” Bɨkum ba tíʼ ngvo a ɨshe nga nguʼsə ghe.

Nkyɛʼə 4:4

Ɨbərɨ mɨghúm mɨmbá nɨ ntsɔb nɨkwa kárɨ́sɨ́ abərɨ za, bɨkum mɨghúm mɨmbá nɨ ntsɔb nɨkwa shiʼtɨ ntsi atú tsɛrə ghe. Bo wə́gɨ́ bɨtɔgɨ bə fú, nkɨ nchwubtɨ ɨsáʼfɔ ŋwaʼŋwaʼ ghe.

Nkyɛʼə 19:4

Bɨkum ba mɨghúm mi mɨmbá nɨ ntsɔb nɨkwa abɔʼnɨ ɨdzúm tsə kaʼnɨ tsa tsi nɨkwa tsa tsɨ tsínɨ́ ntən tíʼ ngvo a tɨshe nguʼsɨ a Ŋwi, zɨ wa a shíʼtɨ́nɨ́ ntsí atú abərɨ za, ɨ sóŋə́ ngə́, “A be lá! Bontɨ a Ŋwi ə!”

Nkyɛʼə 5:6

Ma tíʼ ndzɛ́n a Mɔn Mbyindzɨ wu tse a tɛm a tɨtərɨ, atú abərɨ za, ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən abɔʼnɨ bɨkum ba karɨsɨ a zɛrə ghe. Mɔn Mbyindzɨ wa a fí tso bɨ zhwítɨnə a wɛrə ghe. A tsí nɨ mɨndɔ́ŋ mi samba nkɨ ntsi nɨ ɨmɨgɨ mi samba mbáʼ lá ɨzhwi tsa tsi samba tsa tsɨ faʼnə a mbó Ŋwi tsa bɨ tsagɨnə a mu mbyi tsum lá.

Nkyɛʼə 4:8

Azúm zə kaʼnɨ za atsum za a tsínɨ́ ntən a tɨtərɨ tsa tsi nɨkwa a tsí nɨ mɨbabɨnɨ mi ntugə ghe. Ɨmɨgɨ lón a nye mbəmnye ɨtsa ɨtsum nkwiʼtɨ ɨshwúrɨ́ mɨbabɨnɨ ma. Nɨ njwi nɨ ɨtfúʼ, ka bo nkyɛ́ntə́ awa a ndzɔbə ngə́: “Maʼmbyí Ŋwi Tamɨtən Mɨtsum o fɛm, ɨ fɛm, ɨ fɛm, gho wa o bénɨ́, wa o benɨ, nkɨ mbe wa a lo láʼ yen lá.”

Nkyɛʼə 15:7

Táʼ a tɨtərɨ ɨdzúm tsə kaʼnɨ tsa tsi nɨkwa tsa tsɨ tsinɨ ntən lá, a ghá ɨkəbɨ ŋwaʼŋwaʼ tsi samba a mbó ɨtsendá Ŋwi tsa tsi samba ghe. Ɨkəbɨ ŋwaʼŋwaʼ tsa lón nɨ mɨlwi Ŋwi, zɨ wa a tsinɨ ntən nɨnkoŋ nɨnkoŋ lá.

Nkyɛʼə 15:2

Ma tíʼ ndzɛ́n azúm zə tsɛrə za a fínɨ́ a sagɨrə wu ngwi wa bɨ nyɛtɨnɨ nɨ ntsəŋ ɨləŋ wa ɨmugɨ kɨ́nə́ nkwárə́ wə mu ə. Ma kɨ́ nkwiʼ ndzɛ́n ɨbɛn ba bɨ gháʼnɨ́ ɨnyam mɨbaʼ za abɔʼnɨ mu abe ɨyi nɨ ɨnyam mɨbaʼ za nkwaʼə zɨ tse lɔ́gɨ́nɨ́ adiʼ a ɨkum ɨyi lá. Bo tɛ́mkɨ́ a ngə́rɨ́ sagɨrə wu ngwi wa bɨ nyɛ́tɨ́nɨ́ nɨ ntsəŋ ɨləŋ lá, ntiʼtɨ mɨloŋ mɨ aŋantɨ ma a ghánɨ́ Ŋwi a mbó bo

Yoane 5:23

taŋ á ŋwɔn tsum a ghɨ́ nkɔ́ʼsɨ́ a Mɔn Mbáŋnɨ́ atɨ́ a nye ndəŋndəŋ ndóm wa bɨ kɔ́ʼsɨ́nə́ a Tarɨ atɨ́ ə. Ŋwɔn wa a se a Mɔn Mbáŋnɨ́ atɨ́ kɔʼsɨ, ka a kɨ nkɔʼsɨ ayi atɨ́ a Tarɨ, zɨ wa a tsagɨnɨ ayi ɛ.

Ɛbal 1:6

Lá a nkfu za Ŋwi a tsínɨ́ nɨ ntsagɨ ntsambyi Mɔn ɨyi atuəshe lá; wɛrə a sóŋ ngə́: “Bɨtsen bɨ ndá ba a nɨ bə Ŋwi bɨtsum tsi nɨ ɨ zagɨ ghuʼsɨ a wɛrə ghe.”

Yoane 1:29

Njwi zɨ mɔʼɔ bənə ndan, Yoane a zɛn a Yeso a yiŋənə a mbó zɨ, ntiʼ soŋ ngə́, “Mɔn Mbyindzɨ Ŋwi a yirɨ, zɨ wa a sugɨnə atuəshe a mbó mɨbvu ɨmyi ɛ!

Nkyɛʼə 4:6

A nkwiʼtə, a ɨshi abərɨ za azúm zə tse a nɔ́ŋ ɨwu tso sagɨrə wu ngwi wa a bénɨ́ be ntsəŋ ɨləŋ, nkə́ ŋwenə tso malum wa o lenə ndzě ndzum zɨ mɔʼɔ ghe. A nkárɨ́sɨ́ abərɨ za a nye bɨbagɨ ɨbyi bɨtsum bi nɨkwa, ɨdzúm tsɨ kaʼnɨ tsa tsɨ tsínɨ́ ntən tsi nɨkwa tsí ɨwu nɨ ɨmɨgɨ a ɨshi bo ndzum ə.

Nkyɛʼə 5:11

Ma kwíʼ nden, ndzuʼ ɨtsendá Ŋwi a nye nchwuʼ ɨtsa bo bɨ nkám ɨtsa ghe! Ɨtsendá Ŋwi mətsiŋ tɛ́m nkárɨ́sɨ́ abərɨ za, ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən abɔʼnɨ bɨkum ba,

Nkyɛʼə 5:12

tíʼ ndzɔbɨ nɨ nji za ɨ kɔ́ʼnɨ́ atɨ́ ngə́: “Mɔn Mbyindzɨ wa bɨ zhwítɨ́nɨ́ lá a tsi nɨ ɨlɨŋ a nkwárɨ́ mɨtən, afuʼ, zóŋ abɔʼnɨ adaʼ, nkɔʼsə atɨ́, nɨfáŋ abɔʼnɨ mbontə ghe!”

Nkyɛʼə 6:1

Ma tíʼ ndzɛ́n a Mɔn Mbyindzɨ wa a ŋaʼ ntsambyi fɛnwu a tɨtərɨ tsa tsi samba, nkɨ ndzuʼ azúm zə kaʼnɨ a tɨtərɨ ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən a soŋ nɨ nji za ɨ fínɨ́ mbəŋ zɨ mbɨʼkɨnɨ ngə́, “Yiŋə!”

Nkyɛʼə 13:8

Ɨbɛn bɨtsum atuəshe mɨ ghuʼsɨ ayi, lá ɨbɛn ba bɨ ŋwáʼnɨ́nɨ́ mɨkum ɨma bɔŋ ɨ káʼ atuəshe a mu aŋwaʼnɨ a ba bɨ tsinɨ atú ntən, aŋwaʼnɨ a Mɔn Mbyindzɨ wa bɨ zhwítɨ́nɨ́ lá, məbiŋ mɨ keʼ ayi ghuʼsə.