Nkyɛʼə 5:6 - Mɨkan wu Fi

⁶ Ma tíʼ ndzɛ́n a Mɔn Mbyindzɨ wu tse a tɛm a tɨtərɨ, atú abərɨ za, ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən abɔʼnɨ bɨkum ba karɨsɨ a zɛrə ghe. Mɔn Mbyindzɨ wa a fí tso bɨ zhwítɨnə a wɛrə ghe. A tsí nɨ mɨndɔ́ŋ mi samba nkɨ ntsi nɨ ɨmɨgɨ mi samba mbáʼ lá ɨzhwi tsa tsi samba tsa tsɨ faʼnə a mbó Ŋwi tsa bɨ tsagɨnə a mu mbyi tsum lá.

Nkyɛʼə 5:6 Referans Kwoze

Nkyɛʼə 5:12

tíʼ ndzɔbɨ nɨ nji za ɨ kɔ́ʼnɨ́ atɨ́ ngə́: “Mɔn Mbyindzɨ wa bɨ zhwítɨ́nɨ́ lá a tsi nɨ ɨlɨŋ a nkwárɨ́ mɨtən, afuʼ, zóŋ abɔʼnɨ adaʼ, nkɔʼsə atɨ́, nɨfáŋ abɔʼnɨ mbontə ghe!”

Yoane 1:29

Njwi zɨ mɔʼɔ bənə ndan, Yoane a zɛn a Yeso a yiŋənə a mbó zɨ, ntiʼ soŋ ngə́, “Mɔn Mbyindzɨ Ŋwi a yirɨ, zɨ wa a sugɨnə atuəshe a mbó mɨbvu ɨmyi ɛ!

Nkyɛʼə 13:8

Ɨbɛn bɨtsum atuəshe mɨ ghuʼsɨ ayi, lá ɨbɛn ba bɨ ŋwáʼnɨ́nɨ́ mɨkum ɨma bɔŋ ɨ káʼ atuəshe a mu aŋwaʼnɨ a ba bɨ tsinɨ atú ntən, aŋwaʼnɨ a Mɔn Mbyindzɨ wa bɨ zhwítɨ́nɨ́ lá, məbiŋ mɨ keʼ ayi ghuʼsə.

Yoane 1:36

mbáʼ wɛrə a zɛ́nɨ́ a Yeso a tsanə ghe. Yoane a sóŋ ngə́, “Zɛnə, Mɔn Mbyindzɨ Ŋwi a yirɨ!”

Nkyɛʼə 1:4

Ndo a mbó Yoane ngěn a mbó ndáŋwi tsa tsi samba tsa tsɨ tsinɨ a mu mbuʼ Esha lá. A abɔŋəntəm abɔʼnɨ mbɔnɨ tsi a mbó bən ndo a mbó Ŋwi, zɨ wa a benɨ, wa a bénɨ́, wa a lo láʼ yen, nkɨ ndo a mbó ɨzhwi tsa tsi samba tsa tsɨ tsinɨ a ɨshi abərɨ azhi,

Ɨfaʼ 8:32

Adiʼ a nɨgham nɨ Ŋwi za wɛrə a kɨ́nə́ ntɔ́ŋə́ a bé lá ngə́: “Tso mbyindzɨ za bɨ ghɛnə nɨ zɛrə a nkyémə́, tso mɔn mbyindzɨ wa a sě mɛ́ʼə a nkfu za bɨ chɛrɨnɨ ɨnyɔŋ ɨnye ɨchi, a sé tsɛʼ táʼ atú a nɨgham soŋə.

Nkyɛʼə 22:3

Bɨ chi ghɨ keʼ azúm za Ŋwi a lɔʼnɨ zɛ́n a mu ntáʼmbagə wu wi wa. Abərɨ a Ŋwi abɔʼnɨ abərɨ a Mɔn Mbyindzɨ wa ghɨ tsí a mu ntáʼmbagə wu wi wa, á ngaŋ afaʼ Ŋwi ngúʼsə́ ayi ɛ.

Nkyɛʼə 22:1

Mbáʼ Ntsendá Ŋwi za mɛ́tɨ́nɨ́ a ndiʼ ntáʼmbagə wu wi wu fi wa a mbó me, ɨ tíʼ nkɨ ndiʼ a mɨzam wu nkyi wa ɨ ghánɨ́ ntsi ntən lá, ɨ dzinkɨnə tso ntsəŋ ɨləŋ, ndǒ a nye abərɨ a Ŋwi bo Mɔn Mbyindzɨ wa

Nkyɛʼə 21:23

Ka ntáʼmbagə wu wi wa ndǒ ayi a nɨnyom kə a saŋ a ntá ɨwu ə, mbɨ́ʼ ngə́ nɨfáŋ nɨ Ŋwi tǎ ɨwu, Mɔn Mbyindzɨ wa be nkaʼ ɨyi ɛ.

Nkyɛʼə 17:14

Bo mɨ tǒkɨ a Mɔn Mbyindzɨ wa; lá Mɔn Mbyindzɨ wa abɔʼnɨ ɨbyi ba bɨ tsɔ́ʼnɨ́, ndzarɨ awa, bɨ kə́ ndzɔŋə ayi tsɛʼ nɨ táʼ ntəm lá, bo mɨ ghaʼ awa mbɨ́ʼ ngə́ wɛrə a nɨ Maʼmbyí bɨmaʼmbyí nkɨ mbe Ɨfɔ bɨfɔ ghe.”

Nkyɛʼə 12:11

Ɨbɔmbɨma ɨbɨgɨnə tsí nɨ ayanguʼ atú zɨ ntsa lá a ndzum alɛm a Mɔn Mbyindzɨ za nkɨ ntsa lá a ndzum nkənu za bo chwítɨ́nə́; bo kyáŋtɨ́ ɨnye ɨtsa a ngá ntsi mbyi ɨtsa mbáʼ be a kwɛ ndiʼ ngə́ á bo kfo ə.

Nkyɛʼə 6:16

Bo tɔ́nkɨ́ sóŋ a mbó mbám bo mɨngɔʼ ngə́, “Vwokɨnə ndwɛʼtɨ awɨgɨ a mbó ɨmɨgɨ mɨ zɨ wa a shiʼtɨnɨ ntsi atú abərɨ za, nkɨ mbe a mbó mɨlwi Mɔn Mbyindzɨ wa!

Alukasɨ 1:69

Wɛrə a ghanə a təkɔʼ bɨ ŋwɔn wa a ghánɨ́ ɨloŋ, wa a funɨ a mu ɨlə̌ ngaŋ afaʼ ɨzhi Devidɨ ə.

Nkyɛʼə 4:8

Azúm zə kaʼnɨ za atsum za a tsínɨ́ ntən a tɨtərɨ tsa tsi nɨkwa a tsí nɨ mɨbabɨnɨ mi ntugə ghe. Ɨmɨgɨ lón a nye mbəmnye ɨtsa ɨtsum nkwiʼtɨ ɨshwúrɨ́ mɨbabɨnɨ ma. Nɨ njwi nɨ ɨtfúʼ, ka bo nkyɛ́ntə́ awa a ndzɔbə ngə́: “Maʼmbyí Ŋwi Tamɨtən Mɨtsum o fɛm, ɨ fɛm, ɨ fɛm, gho wa o bénɨ́, wa o benɨ, nkɨ mbe wa a lo láʼ yen lá.”

Nkyɛʼə 5:11

Ma kwíʼ nden, ndzuʼ ɨtsendá Ŋwi a nye nchwuʼ ɨtsa bo bɨ nkám ɨtsa ghe! Ɨtsendá Ŋwi mətsiŋ tɛ́m nkárɨ́sɨ́ abərɨ za, ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən abɔʼnɨ bɨkum ba,

Nkyɛʼə 5:13

Ma kwíʼ nkɨ́ ndzúʼ azúm zə kaʼnɨ atsum za a tsínɨ́ a fɔməbvurə, atuəshe, mbyishe, nkwiʼtɨ a sagɨrə wu ngwi — ɨdzúm tsɨ kaʼnɨ ɨtsum tsa tsɨ tsínɨ́ ntən a mu mbyi mbyi tsum — bo tiʼə ndzɔbə ngə́: “A mbó zɨ wa a shiʼtɨnɨ ntsi atú abərɨ za, nkɨ mbe a mbó Mɔn Mbyindzɨ wa, á bɨ bontɨ, nkɔʼsɨ atɨ́, nga nɨfáŋ abɔʼnɨ mɨtən a mbó bo nɨnkoŋ nɨnkoŋ ə!”

Nkyɛʼə 5:14

Ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən chwɨ́gɨ́ ngə́, “A be lá!” Bɨkum ba tíʼ ngvo a ɨshe nga nguʼsə ghe.

Nkyɛʼə 14:1

Ma tíʼ nden ndzɛn adzaŋ za Mɔn Mbyindzɨ wa a tɛ́mnɨ́ atú Mbám Zayɔn ə; ɨbɛn táʼ aban nɨ nchwuʼ mɨghúm mi nɨkwa nɨ ntsɔb nɨkwa (144,000) ba bɨ tsínɨ́ nɨ ɨkum ɨyi abɔʼnɨ ɨkum ta ɨyi a mɨdzenɨ bo tsi bo zɨə.

Nkyɛʼə 21:22

Ma sá zɛ́n nɨshwim a mu ntáʼmbagə wu wi wa, mbɨ́ʼ ngə́ nɨshwim ɨni nɨ Maʼmbyí Ŋwi Tamɨtən Mɨtsum bo Mɔn Mbyindzɨ wa.