Nkyɛʼə 5:12 - Mɨkan wu Fi

¹² tíʼ ndzɔbɨ nɨ nji za ɨ kɔ́ʼnɨ́ atɨ́ ngə́: “Mɔn Mbyindzɨ wa bɨ zhwítɨ́nɨ́ lá a tsi nɨ ɨlɨŋ a nkwárɨ́ mɨtən, afuʼ, zóŋ abɔʼnɨ adaʼ, nkɔʼsə atɨ́, nɨfáŋ abɔʼnɨ mbontə ghe!”

Nkyɛʼə 5:12 Referans Kwoze

Nkyɛʼə 5:9

Bo zɔ́bɨ́ azɔbɨ a nkyi zə fi ngə́: “O tsi nɨ ɨlɨŋ a nkwárɨ́ aŋwaʼnɨ zə karɨnɨ za ɨ kɨ ŋaʼ ɨfɛnwu ɨchi ɛ. Mbɨ́ʼ ngə́ bɨ zhwítɨ́ agho, a ntsǎ a ndzum nɨvwo nɨ mɨtsuʼnɨ mɨ atú ɨno, o zón a ngá a mbó Ŋwi ɨbɛn bɨ ɨtsé tsɨ wi ɨtsum, ɨbɛn ba bɨ ghamnɨ mɨgham mɨtsum, ɨbɛn bɨ ɨlaʼ ɨtsum abɔʼnɨ ɨbɛn bɨ ngwəgɨ mɔn ŋwɔn tsum ə.

Nkyɛʼə 19:1

Mbáʼ məzen a tsánɨ́, ma zúʼ azúm zə tse za a bénɨ́ tso nji ɨnɔ ɨbɛn a fɔməbvurə, ɨ sóŋə́ ngə́, “Bontɨ a Ŋwi ə! Ɨloŋ, nɨfáŋ abɔʼnɨ mɨtən tsi a mbó Ŋwi ɨwɨgɨnə ghe!

Nkyɛʼə 4:11

“Maʼmbyí ɨwɨgɨ nkɨ mbe Ŋwi ɨwɨgɨ! O tsi nɨ ɨlɨŋ a nkwárɨ́ nɨfáŋ, nkɔʼsə atɨ́ abɔʼnɨ mɨtən ə. Mbɨ́ʼ ngə́ o káʼ ɨdzúm ɨtsum, a ntsǎ a ndzum adzaŋ za o kɨ́nə́ ndǒ, taŋ á tsɨ tsi ɨwu nkɨ tsi nɨ ntsi ntɨŋ ə.”

2 Korɨnto 8:9

Nɨ zhi abɔŋəntəm a Maʼmbyí Yeso Kristo ɨwɨgɨnə ghe; wɛrə a tsí nɨ afuʼ tsɛʼ nkə, lá ngɨ atuəmbəm azhi a nye afúm mbɨ́ʼ atú azən, taŋ ɨ ghɨ awən a nye ngaŋ afuʼ ɨ tsa a ndzum afúm azhi ɛ.

Nkyɛʼə 7:12

ɨ sóŋə́ ngə́, “A be lá! Mbontə, nɨfáŋ, zóŋ, ngǎ mɨya, nkɔʼsə atɨ́, mɨtən abɔʼnɨ adaʼ tsi a mbó Ŋwi ɨwɨgɨnə nɨnkoŋ nɨnkoŋ ə! A be lá!”

Yoane 17:2

Mbɨ́ʼ ngə́ o ghá mɨtən a mbó zɨ atú ŋwɔn mɨsɔŋ a ntsu tsum, taŋ á chi gha ntsi ntən nɨnkoŋ a mbó ŋwɔn tsum wa o ghánɨ́ wəmbo ə.

Matyo 28:18

Yeso a tíʼ nkɔ́ʼtɨ́ ngɛn a mbyɛn bo ɨ soŋ ngə́, “Bɨ ghanə mɨtən mɨtsum a fɔməbvurə bo atuəshe a mbó me ghe.

Nkyɛʼə 5:6

Ma tíʼ ndzɛ́n a Mɔn Mbyindzɨ wu tse a tɛm a tɨtərɨ, atú abərɨ za, ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən abɔʼnɨ bɨkum ba karɨsɨ a zɛrə ghe. Mɔn Mbyindzɨ wa a fí tso bɨ zhwítɨnə a wɛrə ghe. A tsí nɨ mɨndɔ́ŋ mi samba nkɨ ntsi nɨ ɨmɨgɨ mi samba mbáʼ lá ɨzhwi tsa tsi samba tsa tsɨ faʼnə a mbó Ŋwi tsa bɨ tsagɨnə a mu mbyi tsum lá.

Yoane 1:29

Njwi zɨ mɔʼɔ bənə ndan, Yoane a zɛn a Yeso a yiŋənə a mbó zɨ, ntiʼ soŋ ngə́, “Mɔn Mbyindzɨ Ŋwi a yirɨ, zɨ wa a sugɨnə atuəshe a mbó mɨbvu ɨmyi ɛ!

Nkyɛʼə 13:8

Ɨbɛn bɨtsum atuəshe mɨ ghuʼsɨ ayi, lá ɨbɛn ba bɨ ŋwáʼnɨ́nɨ́ mɨkum ɨma bɔŋ ɨ káʼ atuəshe a mu aŋwaʼnɨ a ba bɨ tsinɨ atú ntən, aŋwaʼnɨ a Mɔn Mbyindzɨ wa bɨ zhwítɨ́nɨ́ lá, məbiŋ mɨ keʼ ayi ghuʼsə.

Nkyɛʼə 5:13

Ma kwíʼ nkɨ́ ndzúʼ azúm zə kaʼnɨ atsum za a tsínɨ́ a fɔməbvurə, atuəshe, mbyishe, nkwiʼtɨ a sagɨrə wu ngwi — ɨdzúm tsɨ kaʼnɨ ɨtsum tsa tsɨ tsínɨ́ ntən a mu mbyi mbyi tsum — bo tiʼə ndzɔbə ngə́: “A mbó zɨ wa a shiʼtɨnɨ ntsi atú abərɨ za, nkɨ mbe a mbó Mɔn Mbyindzɨ wa, á bɨ bontɨ, nkɔʼsɨ atɨ́, nga nɨfáŋ abɔʼnɨ mɨtən a mbó bo nɨnkoŋ nɨnkoŋ ə!”

1 Timotyo 1:17

A nkɔʼsə atɨ́ abɔʼnɨ nɨfáŋ tsi a mbó Ɨfɔ, zɨ wa a tsinɨ nɨnkoŋ, zɨ wa a láʼ keʼ kfo, bɨ keʼ kə́ ndzě, Ŋwi wa a nunɨ zɨzɨ lá! A be lá.

Nkyɛʼə 1:6

ngɨ awɨgɨnə bɨgɨnə tiʼ nɨfɔ na ɨbɛn ɨbyi nɨ bɨntumshe, ngə́ á bɨ faʼə a mbó Ŋwi ɨyi wa a kɨnɨ nkɨ mbe Tarɨ lá. A nɨfáŋ bo mɨtən tsi a mbó Yeso Kristo nɨnkoŋ nɨnkoŋ ə! A be lá.

Nkyɛʼə 5:8

Mbáʼ a ghɨ́nɨ́ mə lan lá, ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən abɔʼnɨ bɨkum ba mɨghúm mɨmbá nɨ ntsɔb nɨkwa vwó a ɨshe a ɨshi Mɔn Mbyindzɨ wa. Bo bɨtsum tsí nɨ mɨloŋ mɨ aŋantɨ abɔʼnɨ ɨkəbɨ ŋwaʼŋwaʼ tsa tsɨ lónɨ́ nɨ alyɛn, alyɛn za a lá ɨtsaʼtɨ Ŋwi ɨbɛn bɨ Ŋwi ə.

Nkyɛʼə 6:1

Ma tíʼ ndzɛ́n a Mɔn Mbyindzɨ wa a ŋaʼ ntsambyi fɛnwu a tɨtərɨ tsa tsi samba, nkɨ ndzuʼ azúm zə kaʼnɨ a tɨtərɨ ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən a soŋ nɨ nji za ɨ fínɨ́ mbəŋ zɨ mbɨʼkɨnɨ ngə́, “Yiŋə!”

Nkyɛʼə 15:3

ndzɔbɨ nkyi wa Mǒse ngaŋ afaʼ Ŋwi a zɔ́bɨ́nɨ́, nkɨ mbe nkyi wa Mɔn Mbyindzɨ wa a zɔ́bɨ́nɨ́ ngə́: “Maʼmbyí Ŋwi Tamɨtən Mɨtsum, ɨnu tsa o ghɨnə a nɨ tsə wi nkɨ mbe tsə tsanɨnɨ ə! Ɨfɔ ɨlaʼ ɨtsum, ɨnu ɨtso a nɨ tsa tsɨ kuʼnɨnɨ, mɨndóm ɨmo kɨ mbe mə nkənu ə!