Nkyɛʼə 4:9 - Mɨkan wu Fi

⁹ Ɨdzúm tsɨ kaʼnɨ tsa tsi nɨkwa tsa tsɨ tsinɨ ntən zɔbɨ mɨnkyi mɨ nɨfáŋ, mə nkɔ́ʼsə́ atɨ́ abɔʼnɨ mə mɨya a mbó zɨ wa a shiʼtɨnɨ ntsi atú abərɨ za, zɨ wa ntsi ntɨŋ ɨzhi ghɔŋnɨ nɨnkoŋ nɨnkoŋ lá. Nkfu tsum za bo zɔbɨnɨ mɨnkyi mɨ nɨfáŋ,

Nkyɛʼə 4:9 Referans Kwoze

Nkyɛʼə 10:6

ntiʼ nkan nɨ ɨkum Ŋwi, zɨ wa a tsinɨ atú ntən nɨnkoŋ nɨnkoŋ, zɨ wa a káʼnɨ́ fɔməbvurə, atuəshe abɔʼnɨ sagɨrə wu ngwi, abɔʼnɨ ɨdzúm ɨtsum tsa tsɨ tsinɨ a mu tsɛrə lá. Ntsendá Ŋwi za sóŋ ngə́, “Bɨ mɨ keʼ nkfu bə ntsəŋə!

Nkyɛʼə 15:7

Táʼ a tɨtərɨ ɨdzúm tsə kaʼnɨ tsa tsi nɨkwa tsa tsɨ tsinɨ ntən lá, a ghá ɨkəbɨ ŋwaʼŋwaʼ tsi samba a mbó ɨtsendá Ŋwi tsa tsi samba ghe. Ɨkəbɨ ŋwaʼŋwaʼ tsa lón nɨ mɨlwi Ŋwi, zɨ wa a tsinɨ ntən nɨnkoŋ nɨnkoŋ lá.

Nkyɛʼə 1:18

A nɨ me wa ma ghánɨ́ ntsi ntɨŋ ə! Ma kɨ kfó lá tɨtsɔŋnɨ ma tsi ntən nɨnkoŋ nɨnkoŋ ə. Ma tsi nɨ mɨtən atú nɨvwo abɔʼnɨ mbyi ɨkfú ɨbɛn ə.

Ɛbal 7:25

Ma lan, wɛrə a tsi nɨ mɨtən a ndoŋ ɨbɛn ba bɨ yenə a mbó Ŋwi ntsa a ndzum zɨ, tɨtsɔŋnɨ abɔʼnɨ nkfu tsum, mbɨ́ʼ ngə́ a tsi ntən nɨnkoŋ lá a mbúʼtɨ́ mbó a mbó Ŋwi a nkfu bo ghe.

Ɛbal 7:8

A nye zə bɨntumshe, bo kwárə́ a táʼ adiʼ a tɨtərɨ ɨdzúm tsa bɨ yɛbtɨnɨ ɨdiʼ tsi nɨghúm, mbe ɨbɛn ba bɨ kfókɨ́nə́ ghe; lá a nye zə Mɛkisɛdɛkɨ, wɛrə a kwárɨ́ a táʼ adiʼ a tɨtərɨ ɨdzúm tsa bɨ yɛ́btɨ́nɨ́ ɨdiʼ tsi nɨghúm, mbe ŋwɔn wa a sé kfo, adzaŋ za aŋwaʼnɨ a Ŋwi a soŋnə.

Nkyɛʼə 4:2

Tsɛʼ a nyom məwa, Azhwi a zúmtɨ́ aghə. Ɨwu a fɔməbvurə, abərɨ a tsí ɨwu, ŋwɔn tse a ŋaŋnɨ wu atú ə.

Nkyɛʼə 4:8

Azúm zə kaʼnɨ za atsum za a tsínɨ́ ntən a tɨtərɨ tsa tsi nɨkwa a tsí nɨ mɨbabɨnɨ mi ntugə ghe. Ɨmɨgɨ lón a nye mbəmnye ɨtsa ɨtsum nkwiʼtɨ ɨshwúrɨ́ mɨbabɨnɨ ma. Nɨ njwi nɨ ɨtfúʼ, ka bo nkyɛ́ntə́ awa a ndzɔbə ngə́: “Maʼmbyí Ŋwi Tamɨtən Mɨtsum o fɛm, ɨ fɛm, ɨ fɛm, gho wa o bénɨ́, wa o benɨ, nkɨ mbe wa a lo láʼ yen lá.”

Nkyɛʼə 5:1

Ma zɛ́n aŋwaʼnɨ zə karɨnɨ zə tse a mu abó a maʼə a zɨ wa a shiʼtɨnɨ ntsi atú abərɨ za. Bɨ ŋwáʼnɨ́ atú aŋwaʼnɨ za bɨbagɨ bɨtsum, ntiʼ nkɨ nzum a zɛrə nɨ fɛnwu ɨdiʼ tsi samba ghe.

Nkyɛʼə 6:16

Bo tɔ́nkɨ́ sóŋ a mbó mbám bo mɨngɔʼ ngə́, “Vwokɨnə ndwɛʼtɨ awɨgɨ a mbó ɨmɨgɨ mɨ zɨ wa a shiʼtɨnɨ ntsi atú abərɨ za, nkɨ mbe a mbó mɨlwi Mɔn Mbyindzɨ wa!

Nkyɛʼə 7:15

Nə nɨ anu za a ghɨnɨ bo tɛm a ɨshi abərɨ a Ŋwi ɨ fáʼə wəmbo nɨ njwi bo nɨ ɨtfúʼ a mu nɨshwim ɨni lá. Zɨ wa a shiʼtɨnɨ ntsi atú abərɨ za a mɨ kɨŋtɨ awa nɨ adzaŋ za a tsinɨ bo bo ghe.

Nkyɛʼə 21:5

Zɨ wa a shíʼtɨ́nə́ nchyɛ̌ atú abərɨ za a tíʼ sóŋ ngə́, “Tɨtsɔŋnɨ, ma mɨ ghɨ ɨdzúm ɨtsum tiʼ tsə fi ə!” Wɛrə a kɨ́ sóŋ a mbó me ngə́, “Ŋwaʼnɨ a zen, mbɨ́ʼ ngə́ mɨgham miŋ nɨ nkənu, bɨ chi kɨ nɨŋ ntəm a nye mɛrə ghe.”