Nkyɛʼə 4:6 - Mɨkan wu Fi

⁶ A nkwiʼtə, a ɨshi abərɨ za azúm zə tse a nɔ́ŋ ɨwu tso sagɨrə wu ngwi wa a bénɨ́ be ntsəŋ ɨləŋ, nkə́ ŋwenə tso malum wa o lenə ndzě ndzum zɨ mɔʼɔ ghe. A nkárɨ́sɨ́ abərɨ za a nye bɨbagɨ ɨbyi bɨtsum bi nɨkwa, ɨdzúm tsɨ kaʼnɨ tsa tsɨ tsínɨ́ ntən tsi nɨkwa tsí ɨwu nɨ ɨmɨgɨ a ɨshi bo ndzum ə.

Nkyɛʼə 4:6 Referans Kwoze

Nkyɛʼə 15:2

Ma tíʼ ndzɛ́n azúm zə tsɛrə za a fínɨ́ a sagɨrə wu ngwi wa bɨ nyɛtɨnɨ nɨ ntsəŋ ɨləŋ wa ɨmugɨ kɨ́nə́ nkwárə́ wə mu ə. Ma kɨ́ nkwiʼ ndzɛ́n ɨbɛn ba bɨ gháʼnɨ́ ɨnyam mɨbaʼ za abɔʼnɨ mu abe ɨyi nɨ ɨnyam mɨbaʼ za nkwaʼə zɨ tse lɔ́gɨ́nɨ́ adiʼ a ɨkum ɨyi lá. Bo tɛ́mkɨ́ a ngə́rɨ́ sagɨrə wu ngwi wa bɨ nyɛ́tɨ́nɨ́ nɨ ntsəŋ ɨləŋ lá, ntiʼtɨ mɨloŋ mɨ aŋantɨ ma a ghánɨ́ Ŋwi a mbó bo

Nkyɛʼə 5:6

Ma tíʼ ndzɛ́n a Mɔn Mbyindzɨ wu tse a tɛm a tɨtərɨ, atú abərɨ za, ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən abɔʼnɨ bɨkum ba karɨsɨ a zɛrə ghe. Mɔn Mbyindzɨ wa a fí tso bɨ zhwítɨnə a wɛrə ghe. A tsí nɨ mɨndɔ́ŋ mi samba nkɨ ntsi nɨ ɨmɨgɨ mi samba mbáʼ lá ɨzhwi tsa tsi samba tsa tsɨ faʼnə a mbó Ŋwi tsa bɨ tsagɨnə a mu mbyi tsum lá.

Nkyɛʼə 14:3

Ɨbɛn ba táʼ aban nɨ nchwuʼ mɨghúm mi nɨkwa nɨ ntsɔb nɨkwa (144,000) tɛ́m a ɨshi abərɨ za, ɨdzúm tsɨ kaʼnɨ tsa tsi nɨkwa, abɔʼnɨ bɨkum ba; bo kə́ ndzɔ̌b azɔb zə fi za a kɨ chinɨ yɛʼ tsɛʼ bo ghe. A nɨ tsɛʼ bo ba Ŋwi a zonɨ ɨtú ɨtsa ghe.

Nkyɛʼə 19:4

Bɨkum ba mɨghúm mi mɨmbá nɨ ntsɔb nɨkwa abɔʼnɨ ɨdzúm tsə kaʼnɨ tsa tsi nɨkwa tsa tsɨ tsínɨ́ ntən tíʼ ngvo a tɨshe nguʼsɨ a Ŋwi, zɨ wa a shíʼtɨ́nɨ́ ntsí atú abərɨ za, ɨ sóŋə́ ngə́, “A be lá! Bontɨ a Ŋwi ə!”

Nkyɛʼə 5:14

Ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən chwɨ́gɨ́ ngə́, “A be lá!” Bɨkum ba tíʼ ngvo a ɨshe nga nguʼsə ghe.

Nkyɛʼə 7:11

Ɨtsendá Ŋwi tsa ɨtsum ɨ tɛ́m nkárɨ́sɨ́ abərɨ za, nkwiʼtɨ bɨkum ba abɔʼnɨ ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən lá. Bo tíʼ ngvo a ɨshe nkubɨnɨ mɨshi ɨma a ɨshi abərɨ za, ntiʼ nguʼsɨ a Ŋwi,

Nkyɛʼə 22:1

Mbáʼ Ntsendá Ŋwi za mɛ́tɨ́nɨ́ a ndiʼ ntáʼmbagə wu wi wu fi wa a mbó me, ɨ tíʼ nkɨ ndiʼ a mɨzam wu nkyi wa ɨ ghánɨ́ ntsi ntən lá, ɨ dzinkɨnə tso ntsəŋ ɨləŋ, ndǒ a nye abərɨ a Ŋwi bo Mɔn Mbyindzɨ wa

Nkyɛʼə 21:11

Ntáʼmbagə wu Wi wu Fɛmnɨ wa kə́ ntǎ nɨ nɨfáŋ nɨ Ŋwi ə. Ɨ kə́ ntǎ tso ngɔʼ zɨ ŋwenɨnɨ, tso jasɨba, ɨ ŋwenə tso ntsəŋ ɨləŋ za o lenə ndzě ndzum zɨ mɔʼɔ ghe.

Nkyɛʼə 15:7

Táʼ a tɨtərɨ ɨdzúm tsə kaʼnɨ tsa tsi nɨkwa tsa tsɨ tsinɨ ntən lá, a ghá ɨkəbɨ ŋwaʼŋwaʼ tsi samba a mbó ɨtsendá Ŋwi tsa tsi samba ghe. Ɨkəbɨ ŋwaʼŋwaʼ tsa lón nɨ mɨlwi Ŋwi, zɨ wa a tsinɨ ntən nɨnkoŋ nɨnkoŋ lá.

Nkyɛʼə 21:21

Mɨntsu mɨ abuʼ ma nɨghúm ntsɔb bá bé lá tso mbaŋətuʼ tsɨ wiəwi nɨghúm ntsɔb bá, táʼ ntsuəbuʼ bɨ nyɛtɨ nɨ táʼ mbaŋətuʼ ə. Kɔŋ ndóm ntáʼmbagə wu wi wa a bé ŋwaʼŋwaʼ tɨ nyam, ɨ ŋwenə bɨ chi ze ndzum zɨ mɔʼɔ tso ntsəŋ ɨləŋ ə.

Nkyɛʼə 21:18

Bɨ bɔ́m nká wa nɨ ngɔʼ tsa bɨ tɔ́ŋnə́ ngə́ jasɨba, nkɨ mbɔm ntáʼmbagə wu wi wa wɛrə mboŋ nɨ ŋwaʼŋwaʼ tɨ nyam, a ŋwenɨnə tso ntsəŋ ɨləŋ ə.

Nkyɛʼə 7:17

mbɨ́ʼ ngə́ Mɔn Mbyindzɨ wa, zɨ wa a nɨ tɨtərɨ abərɨ za mɨ be ntsiŋ mɨnyam ɨwa, ɨ tsɨŋnɨnə awa ɨ tsagɨnə a mbó bɨnáŋə́bə́rə ba bɨ ghánɨ́ nkyi ntsi ntɨŋ ə. Ŋwi a mɨ tiʼ chiʼ nkyi nɨzɛʼ ɨtsum a ɨmɨgɨ bo ghe.”

Nkyɛʼə 4:4

Ɨbərɨ mɨghúm mɨmbá nɨ ntsɔb nɨkwa kárɨ́sɨ́ abərɨ za, bɨkum mɨghúm mɨmbá nɨ ntsɔb nɨkwa shiʼtɨ ntsi atú tsɛrə ghe. Bo wə́gɨ́ bɨtɔgɨ bə fú, nkɨ nchwubtɨ ɨsáʼfɔ ŋwaʼŋwaʼ ghe.

Nkyɛʼə 5:8

Mbáʼ a ghɨ́nɨ́ mə lan lá, ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən abɔʼnɨ bɨkum ba mɨghúm mɨmbá nɨ ntsɔb nɨkwa vwó a ɨshe a ɨshi Mɔn Mbyindzɨ wa. Bo bɨtsum tsí nɨ mɨloŋ mɨ aŋantɨ abɔʼnɨ ɨkəbɨ ŋwaʼŋwaʼ tsa tsɨ lónɨ́ nɨ alyɛn, alyɛn za a lá ɨtsaʼtɨ Ŋwi ɨbɛn bɨ Ŋwi ə.

Nkyɛʼə 5:11

Ma kwíʼ nden, ndzuʼ ɨtsendá Ŋwi a nye nchwuʼ ɨtsa bo bɨ nkám ɨtsa ghe! Ɨtsendá Ŋwi mətsiŋ tɛ́m nkárɨ́sɨ́ abərɨ za, ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən abɔʼnɨ bɨkum ba,

Nkyɛʼə 6:1

Ma tíʼ ndzɛ́n a Mɔn Mbyindzɨ wa a ŋaʼ ntsambyi fɛnwu a tɨtərɨ tsa tsi samba, nkɨ ndzuʼ azúm zə kaʼnɨ a tɨtərɨ ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən a soŋ nɨ nji za ɨ fínɨ́ mbəŋ zɨ mbɨʼkɨnɨ ngə́, “Yiŋə!”

Nkyɛʼə 6:6

Ma zúʼ azúm za a kómnɨ́ tso nji, ndo a tɨtərɨ ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən za ɨ sóŋnɨ́ ngə́, “Táʼ kilo mɨsaŋ atú nkáb afaʼ táʼ njwi a mu ɨshwom, bɨkilo bɨ nchwi mɨkárə́ za bɨ tɔ́ŋnə́ ngə́ bali bi bɨtárə́ atú nkáb afaʼ táʼ njwi a mu ɨshwom ə. Lá njimbɨʼ o tsənkɨ ɨtɨ tsa bɨ lɔgɨnə a tsɛrə ngɨ̌ mɨvwurɨ ɨwu abɔʼnɨ tsa bɨ lɔgɨnə ngɨ̌ mɨluʼ ɨwu ə!”