Nkyɛʼə 4:5 - Mɨkan wu Fi

⁵ Azhwibtɨ a mbəŋ a kə́ ŋwankə fuə a nye abərɨ za, mbəŋ kə nkumə nkə́ mbɨ́ʼkə́ fuə ɨwu ə. Bɨ chwúʼ mɨnkaʼ mi samba a ɨshi abərɨ za, mɨ bé lá ɨzhwi Ŋwi tsa tsi samba tsa tsɨ faʼnə a mbó Ŋwi lá.

Nkyɛʼə 4:5 Referans Kwoze

Nkyɛʼə 11:19

Nɨshwim nɨ Ŋwi a fɔməbvurə ŋáʼnɨ́, ma tiʼ ndzɛn Nkom Akan wa ɨ tsi ɨwu ə. Mbəŋ tíʼ nzhwibtɨ, nkum, nkɨ mbɨ́ʼkə́. Ɨshe tíʼ nɛ́m, fɨwɛ fə wi tiʼ nkɨ ngvoə.

Nkyɛʼə 8:5

Ntsendá Ŋwi za tíʼ ndɔgɨ akəbɨ a ntǒn alyɛn za, nkɔgɨ ɨmugɨ atú a mɨkuʼ ma ndwɨgɨ wə mu, ntiʼ nchwirɨ atuəshe. Mbəŋ kúm, mbɨ́ʼkɨ́, njwibtɨ, ɨshe kɨ nɛmə.

Nkyɛʼə 1:4

Ndo a mbó Yoane ngěn a mbó ndáŋwi tsa tsi samba tsa tsɨ tsinɨ a mu mbuʼ Esha lá. A abɔŋəntəm abɔʼnɨ mbɔnɨ tsi a mbó bən ndo a mbó Ŋwi, zɨ wa a benɨ, wa a bénɨ́, wa a lo láʼ yen, nkɨ ndo a mbó ɨzhwi tsa tsi samba tsa tsɨ tsinɨ a ɨshi abərɨ azhi,

Nkyɛʼə 5:6

Ma tíʼ ndzɛ́n a Mɔn Mbyindzɨ wu tse a tɛm a tɨtərɨ, atú abərɨ za, ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən abɔʼnɨ bɨkum ba karɨsɨ a zɛrə ghe. Mɔn Mbyindzɨ wa a fí tso bɨ zhwítɨnə a wɛrə ghe. A tsí nɨ mɨndɔ́ŋ mi samba nkɨ ntsi nɨ ɨmɨgɨ mi samba mbáʼ lá ɨzhwi tsa tsi samba tsa tsɨ faʼnə a mbó Ŋwi tsa bɨ tsagɨnə a mu mbyi tsum lá.

Nkyɛʼə 3:1

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Sadisɨ ngə́: Nə nɨ nkən wa ɨ lonɨ a mbó zɨ wa a sáʼnɨ́ ɨzhwi Ŋwi tsa tsi samba tsa tsɨ faʼnə a mbó Ŋwi nkɨ ntiʼtɨ mɨndzɔŋ ma mi samba lá. Ma zhi anu za nɨ ghɨnə ghe; nɨ ghɨ̌ ɨnu tsa tsɨ diʼnɨ ngə́ nɨ tsi ntən lá mbáʼ nɨ kfokɨnə ghe.

Ɨfaʼ 2:3

Bo zɛ́n azúm zə tse za a fínɨ́ ndwa ɨmugɨ ə. A yɛ́btɨ́ ayi ntɛmkɨ atú ŋwɔn tsum ɨ mɔ́ʼɔ́ mɔ́ʼɔ́ ghe.

Matyo 3:11

Ma ghǎ nkyi a mbó bən lá nɨ nkyi ngəŋ a ndiʼə ngə́ nɨ bəŋnə mɨntəm ɨmən a nye mɨbvu ɨmɨŋ ə, lá ŋwɔn wa a yenə a ndzum me a mɨ ghanɨ nkyi a mbó bən nɨ Azhwi zə Fɛmnɨ abɔʼnɨ ɨmugɨ ə. A tsa aghan be tɨsɨŋə; ka ma byi nyam nkuʼnɨ aghan a ntiʼtɨ ngobɨ ɨchi ɛ.

Matyo 25:1

Yeso a ná nɨgham nen ngə́ “A nkfu wa Mɔn Ŋwɔn a ghɨnɨ yen lá, Nɨfɔ nɨ fɔməbvurə ghɨ bé lá tso ɨnə. Ngo tsi nɨghúm lɔ́gɨ́ mɨnkaʼ ɨma ɨ fu ngɛn ɨ ghɛn bom a ta mɨngən ə.

Nkyɛʼə 10:3

Wɛrə a ghám nji ɨzhi kɔʼ atɨ́ tso ngə́ afon a múʼə́ ghe. A mɛtɨnə a ngamə, mbəŋ tsə bɨʼkɨnɨ tsa tsi samba chwɨgɨ nɨ ɨmúʼə ghe.