Nkyɛʼə 4:2 - Mɨkan wu Fi

² Tsɛʼ a nyom məwa, Azhwi a zúmtɨ́ aghə. Ɨwu a fɔməbvurə, abərɨ a tsí ɨwu, ŋwɔn tse a ŋaŋnɨ wu atú ə.

Nkyɛʼə 4:2 Referans Kwoze

Nkyɛʼə 1:10

A Njwi Alaʼ Ŋwi, Azhwi zə Fɛmnɨ a zúmtɨ́ aghan, ma zúʼ nji zɨ ntən zɨ tse za ɨ ghámnɨ́ a ndzum me tso ntaŋ ə.

Nkyɛʼə 5:1

Ma zɛ́n aŋwaʼnɨ zə karɨnɨ zə tse a mu abó a maʼə a zɨ wa a shiʼtɨnɨ ntsi atú abərɨ za. Bɨ ŋwáʼnɨ́ atú aŋwaʼnɨ za bɨbagɨ bɨtsum, ntiʼ nkɨ nzum a zɛrə nɨ fɛnwu ɨdiʼ tsi samba ghe.

Nkyɛʼə 4:9

Ɨdzúm tsɨ kaʼnɨ tsa tsi nɨkwa tsa tsɨ tsinɨ ntən zɔbɨ mɨnkyi mɨ nɨfáŋ, mə nkɔ́ʼsə́ atɨ́ abɔʼnɨ mə mɨya a mbó zɨ wa a shiʼtɨnɨ ntsi atú abərɨ za, zɨ wa ntsi ntɨŋ ɨzhi ghɔŋnɨ nɨnkoŋ nɨnkoŋ lá. Nkfu tsum za bo zɔbɨnɨ mɨnkyi mɨ nɨfáŋ,

Nkyɛʼə 4:5

Azhwibtɨ a mbəŋ a kə́ ŋwankə fuə a nye abərɨ za, mbəŋ kə nkumə nkə́ mbɨ́ʼkə́ fuə ɨwu ə. Bɨ chwúʼ mɨnkaʼ mi samba a ɨshi abərɨ za, mɨ bé lá ɨzhwi Ŋwi tsa tsi samba tsa tsɨ faʼnə a mbó Ŋwi lá.

Nkyɛʼə 5:13

Ma kwíʼ nkɨ́ ndzúʼ azúm zə kaʼnɨ atsum za a tsínɨ́ a fɔməbvurə, atuəshe, mbyishe, nkwiʼtɨ a sagɨrə wu ngwi — ɨdzúm tsɨ kaʼnɨ ɨtsum tsa tsɨ tsínɨ́ ntən a mu mbyi mbyi tsum — bo tiʼə ndzɔbə ngə́: “A mbó zɨ wa a shiʼtɨnɨ ntsi atú abərɨ za, nkɨ mbe a mbó Mɔn Mbyindzɨ wa, á bɨ bontɨ, nkɔʼsɨ atɨ́, nga nɨfáŋ abɔʼnɨ mɨtən a mbó bo nɨnkoŋ nɨnkoŋ ə!”

Nkyɛʼə 21:10

Azhwi a Ŋwi a tíʼə ntsɨŋnə aghan, ntsendá Ŋwi za lɔgɨ aghan nkɔʼ ngɛn nɨ me atú mbám za ɨ ságɨ́nɨ́ tsɛʼ nkə. Wɛrə a díʼ a Yerosalɛm a mbó me, Ntáʼmbagə wu Wi wu Fɛmnɨ wa, ɨ lo a mbó Ŋwi a fɔməbvurə ɨ shiʼə ngyiŋə ghe.

Ɛbal 8:1

Tɨtsɔŋnɨ, nkɔʼ anu za bɨgɨ sóŋnə́ lá a nɨ ngə́: bɨgɨnə tsi nɨ ntumshe wu ngwi wen wa a shiʼtɨnɨ ntsi a bagɨ abó abərɨ a Ŋwi Akɔ́ʼɔ́ntsɨrə zə maʼə a fɔməbvurə ghe.

Nkyɛʼə 3:21

A mbó ɨbɛn ba bɨ tokɨnɨ ntsi nɨ ayanguʼ məzen, ma mɨ ghɨ á be adiʼ aza a shiʼtɨ tsi a mbyɛn me, atú abərɨ azan, tsɛʼ tso mbáʼ ma tsinə nɨ ayanguʼ, ntiʼ shiʼtɨ ntsi tɨtsɔŋnɨ a mbyɛn Ta ɨghan atú abərɨ azhi lá.

Nkyɛʼə 20:11

Ma tíʼ ndzɛ́n abərɨ zə fú zə wi za abɔʼnɨ ŋwɔn wa a shíʼtɨ́nə́ nchyɛ̌ wətú lá. Atuəshe abɔʼnɨ fɔməbvurə tíʼ ndotɨ awa a ɨshi zɨ, bɨ keʼ a tsɛrə bə ndze.

Nkyɛʼə 19:4

Bɨkum ba mɨghúm mi mɨmbá nɨ ntsɔb nɨkwa abɔʼnɨ ɨdzúm tsə kaʼnɨ tsa tsi nɨkwa tsa tsɨ tsínɨ́ ntən tíʼ ngvo a tɨshe nguʼsɨ a Ŋwi, zɨ wa a shíʼtɨ́nɨ́ ntsí atú abərɨ za, ɨ sóŋə́ ngə́, “A be lá! Bontɨ a Ŋwi ə!”

Nkyɛʼə 21:5

Zɨ wa a shíʼtɨ́nə́ nchyɛ̌ atú abərɨ za a tíʼ sóŋ ngə́, “Tɨtsɔŋnɨ, ma mɨ ghɨ ɨdzúm ɨtsum tiʼ tsə fi ə!” Wɛrə a kɨ́ sóŋ a mbó me ngə́, “Ŋwaʼnɨ a zen, mbɨ́ʼ ngə́ mɨgham miŋ nɨ nkənu, bɨ chi kɨ nɨŋ ntəm a nye mɛrə ghe.”

Nkyɛʼə 17:3

Azhwi a tíʼə ntsɨŋnə aghan, ntsendá Ŋwi za tiʼ mbyɛʼ aghan ngɛn nɨ me a mu mɨkɨghonɨ ə. Ɨwu, ma zɛ́n a mangye wu tse a shiʼtɨ ntsi atú ɨnyam mɨbaʼ zɨ mbaŋnɨ za bɨ ŋwáʼnɨ́nɨ́ mɨkum mɨ ndzɔm Ŋwi wə ɨnye tsum; ɨnyam mɨbaʼ za tsí nɨ ɨtú tsi samba abɔʼnɨ mɨndɔ́ŋ nɨghúm ə.

Nkyɛʼə 12:5

Mangye wa tíʼ njwí a mɔn mbáŋnɨ́, wɛrə wa a mɨ sáʼ ɨlaʼ ɨtsum nɨ mɨtən tso a sáʼə nɨ mbaŋ atɨŋə ghe. Lá bɨ fé a mɔn wa ngɛn nɨ wɛrə a mbó Ŋwi abɔʼnɨ abərɨ azhi ɛ.

Nkyɛʼə 6:16

Bo tɔ́nkɨ́ sóŋ a mbó mbám bo mɨngɔʼ ngə́, “Vwokɨnə ndwɛʼtɨ awɨgɨ a mbó ɨmɨgɨ mɨ zɨ wa a shiʼtɨnɨ ntsi atú abərɨ za, nkɨ mbe a mbó mɨlwi Mɔn Mbyindzɨ wa!

Matyo 22:43

Yeso a tíʼ mbítɨ́ awa ngə́, “A tiʼ ntsa lá ɨ nə́ ngə́ Devidɨ, a nkfu za Azhwi a tságɨ́nɨ́ ayi, a tɔ́ŋ ayi ngə́, ‹Maʼmbyí› le? Devidɨ a sóŋ ngə́,

Nkyɛʼə 4:10

bɨkum ba mɨghúm mɨmbá nɨ ntsɔb nɨkwa vwo a ɨshe a ɨshi zɨ wa a shiʼtɨnɨ ntsi atú abərɨ za lá, nguʼsɨ a zɨ wa ntsi ntɨŋ ɨzhi ghɔŋnɨ nɨnkoŋ nɨnkoŋ lá nkɨ maʼnɨ ɨsáʼfɔ ɨtsa a ɨshe a ɨshi abərɨ za ntiʼ soŋ ngə́: