Nkyɛʼə 4:11 - Mɨkan wu Fi

¹¹ “Maʼmbyí ɨwɨgɨ nkɨ mbe Ŋwi ɨwɨgɨ! O tsi nɨ ɨlɨŋ a nkwárɨ́ nɨfáŋ, nkɔʼsə atɨ́ abɔʼnɨ mɨtən ə. Mbɨ́ʼ ngə́ o káʼ ɨdzúm ɨtsum, a ntsǎ a ndzum adzaŋ za o kɨ́nə́ ndǒ, taŋ á tsɨ tsi ɨwu nkɨ tsi nɨ ntsi ntɨŋ ə.”

Nkyɛʼə 4:11 Referans Kwoze

Nkyɛʼə 5:12

tíʼ ndzɔbɨ nɨ nji za ɨ kɔ́ʼnɨ́ atɨ́ ngə́: “Mɔn Mbyindzɨ wa bɨ zhwítɨ́nɨ́ lá a tsi nɨ ɨlɨŋ a nkwárɨ́ mɨtən, afuʼ, zóŋ abɔʼnɨ adaʼ, nkɔʼsə atɨ́, nɨfáŋ abɔʼnɨ mbontə ghe!”

Nkyɛʼə 10:6

ntiʼ nkan nɨ ɨkum Ŋwi, zɨ wa a tsinɨ atú ntən nɨnkoŋ nɨnkoŋ, zɨ wa a káʼnɨ́ fɔməbvurə, atuəshe abɔʼnɨ sagɨrə wu ngwi, abɔʼnɨ ɨdzúm ɨtsum tsa tsɨ tsinɨ a mu tsɛrə lá. Ntsendá Ŋwi za sóŋ ngə́, “Bɨ mɨ keʼ nkfu bə ntsəŋə!

Nkyɛʼə 14:7

Ntsendá Ŋwi za sóŋ nɨ nji zɨ ntən ngə́, “Kɔʼsɨ a Ŋwi atɨ́ nkɨ nga nɨfáŋ wəmbo ə! Mbɨ́ʼ ngə́ nkfu nɨsáʼ wɛrə ɨ kuʼnə ghe. Ghuʼsɨ a wɛrə wa a káʼnɨ́ fɔməbvurə, atuəshe, sagɨrə wu ngwi abɔʼnɨ bɨnáŋə́bə́rə ghe!”

Nkyɛʼə 5:9

Bo zɔ́bɨ́ azɔbɨ a nkyi zə fi ngə́: “O tsi nɨ ɨlɨŋ a nkwárɨ́ aŋwaʼnɨ zə karɨnɨ za ɨ kɨ ŋaʼ ɨfɛnwu ɨchi ɛ. Mbɨ́ʼ ngə́ bɨ zhwítɨ́ agho, a ntsǎ a ndzum nɨvwo nɨ mɨtsuʼnɨ mɨ atú ɨno, o zón a ngá a mbó Ŋwi ɨbɛn bɨ ɨtsé tsɨ wi ɨtsum, ɨbɛn ba bɨ ghamnɨ mɨgham mɨtsum, ɨbɛn bɨ ɨlaʼ ɨtsum abɔʼnɨ ɨbɛn bɨ ngwəgɨ mɔn ŋwɔn tsum ə.

Ɛbal 1:10

Ŋwi a kwíʼ sóŋ ngə́: “Gho, Maʼmbyí, a mbiʼnə o káʼ atuəshe, ndɔgɨ mbó ɨmo nkaʼ fɔməbvurə ɨwu ə.

Roma 11:36

Mbɨ́ʼ ngə́ ɨdzúm ɨtsum a káʼ wɛrə, ɨdzúm ɨtsum tsa tsɨ tsinɨ, tsɨ tsi ntsa lá a ndzum wɛrə, ɨdzúm ɨtsum kɨ mbe lá tsə wɛrə ghe. A nɨfáŋ tsi a mbó Ŋwi nɨnkoŋ ə! A be lá.

Ɛfɛso 3:9

Ŋwi a kɨ́ ngá abárɨ́ a mbó me ngə́ á ma ghɨ ngə́ á ŋwɔn tsum a zɛn adzaŋ za akwaʼtɨ zə nkubə zə Ŋwi a chinɨ ghɨ be anu ə. Ŋwi, zɨ wa a kaʼnɨ ɨdzúm ɨtsum, a lwɛ́ʼ akwaʼtɨ azhi zə nkubə nchwuʼnɨ a lɔ́ʼkwam,

Ɨfaʼ 14:15

“Nɨ ghɨə a məzen lá mbɨ́ʼ ake le? Bɨgɨ mboŋ kɨ mbe lá tsɛʼ ɨbɛn bɨ mɨsɔŋ a ntsu tso bɨŋ ə! Bɨgɨ tsi ɨghan lá a sóŋ Nkən wu Shiʼnɨ a mbó bən, ɨ bəŋ awən á nɨ keʼ ɨnu adaŋədaŋə tsen a bɨŋə ngɨə, ɨ tiʼ tsi a mbó Ŋwi, zɨ wa a tsinɨ ntən, nkɨ mbe zɨ wa a káʼnɨ́ fɔməbvurə, atuəshe, sagɨrə wu ngwi abɔʼnɨ ɨdzúm ɨtsum tsa tsɨ tsinɨ a mu tsɛrə ghe.

Ɨfaʼ 17:24

Ŋwi, zɨ wa a káʼnɨ́ atuəshe abɔʼnɨ ɨdzúm ɨtsum tsa tsɨ tsinɨ wə mu, a nɨ zɨ wa a nɨ Maʼmbyí fɔməbvurə abɔʼnɨ atuəshe, ka a nchyɛ̌ ayi lá a mu mɨshwim ma bɨ nyɛtɨnɨ nɨ mbó ə.

Nkyɛʼə 5:2

Ma kwíʼ nkɨ́ ndzɛ́n ntsendá Ŋwi zɨ ntən zɨ tse za ɨ chwítɨ́nɨ́ nɨ nji zɨ ntən ngə́, “Ɨwa a tsi nɨ ɨlɨŋ a ntə́ntɨ́ ɨfɛnwu tsen ɨ ŋaʼ aŋwaʼnɨ zə karɨnɨ zen le?”

Ɛbal 1:2

Lá a nye njwi tsen tsa tsɨ lwɨgɨnɨnɨ lá, Ŋwi a ghamnə a mbó bɨgɨnə ntsǎ a ndzum Mɔn ɨyi ɛ. Ŋwi a káʼ mbyi-mbyi tsum ntsa lá wə ndzum, zɨ wa Ŋwi a tsɔʼnɨ ngə́ á ghɨ ntsí nɨ ɨdzúm ɨtsum a ndwitə lá.

Nkyɛʼə 1:6

ngɨ awɨgɨnə bɨgɨnə tiʼ nɨfɔ na ɨbɛn ɨbyi nɨ bɨntumshe, ngə́ á bɨ faʼə a mbó Ŋwi ɨyi wa a kɨnɨ nkɨ mbe Tarɨ lá. A nɨfáŋ bo mɨtən tsi a mbó Yeso Kristo nɨnkoŋ nɨnkoŋ ə! A be lá.

Nkyɛʼə 19:1

Mbáʼ məzen a tsánɨ́, ma zúʼ azúm zə tse za a bénɨ́ tso nji ɨnɔ ɨbɛn a fɔməbvurə, ɨ sóŋə́ ngə́, “Bontɨ a Ŋwi ə! Ɨloŋ, nɨfáŋ abɔʼnɨ mɨtən tsi a mbó Ŋwi ɨwɨgɨnə ghe!