Nkyɛʼə 4:1 - Mɨkan wu Fi

¹ Mbáʼ məzen a tsánə, ndzɛm nəzhwɨgɨnɨ zɨ mɔʼɔ kwíʼ ndyé aghan, ma zɛn ntsu ndá wu tse wa ɨ tɛ́mnɨ́ ɨ dzɨ́gɨ́ a fɔməbvurə ghe. Nji za ɨ fínɨ́ zɨ ntaŋ za ma fómnɨ́ ndzúʼ ɨ ghamnə a mbó me lá, ɨ sóŋ ngə́, “Kɔʼ ngyen ɨghan, ma mɨ tiʼ diʼ agho nɨ anu za a tsinɨ ɨ zagɨ fu mbáʼ zen a tsanə ghe.”

Nkyɛʼə 4:1 Referans Kwoze

Nkyɛʼə 11:12

Ntóm Ŋwi tsa tsi bá tíʼ ndzúʼ nji zɨ nkɔʼnɨ atɨ́ za ɨ lónɨ́ a fɔməbvurə ɨ soŋ a mbó bo ngə́, “Kɔʼ ngyenə ɨghə!” Ngaŋ kɨban ntóm Ŋwi tsa kə́ ndyiŋə adzaŋ za bɨ lɔ́gɨ́nɨ́ awa nkɔ́ʼə ngěn nɨ bo a fɔməbvurə a mu mbaʼ ə.

Nkyɛʼə 1:19

Tiʼ ŋwaʼnɨ ɨnu tsa o zɛ́nə́ ghe; ɨnu tsa tsɨ fúnə́ tɨtsɔŋnɨ abɔʼnɨ tsa tsɨ ghɨnɨ fuə.

Nkyɛʼə 1:10

A Njwi Alaʼ Ŋwi, Azhwi zə Fɛmnɨ a zúmtɨ́ aghan, ma zúʼ nji zɨ ntən zɨ tse za ɨ ghámnɨ́ a ndzum me tso ntaŋ ə.

Marɨkusɨ 1:10

Tsɛʼ mbáʼ Yeso a fúnɨ́ a mu nkyi wa lá, a zé fɔməbvurə ŋaʼnɨ, azhwi a Ŋwi a shiʼ ntɛm wu atú tso bvugɨrə-fɨkon ə.

Nkyɛʼə 22:6

Ntsendá Ŋwi za tíʼ soŋ a mbó me ngə́, “Mɨgham miŋ nɨ nkənu, o chi kɨ nɨŋ ntəm ɨgho a nye mɛrə ghe. Maʼmbyí Ŋwi, zɨ wa a ghánɨ́ Azhwi azhi a mbó ntóm Ŋwi, a tsagɨ ntsendá Ŋwi ɨzhi ngə́ á ɨ diʼ anu za a mɨ zagɨ fu tsɛʼ a nye məkum a nkfu a mbó ngaŋ afaʼ ɨchi ɛ.”

Nkyɛʼə 16:17

Ntsendá Ŋwi za ɨ zɔ́ŋtɨ́nɨ́ a nye ɨdiʼ tsi samba chwírɨ́ azhi akəbɨ a mɨlwi wu ntən a mu ɨfɛgə. Nji zɨ nkɔʼnɨ atɨ́ zɨ tsɛrə kə́ fúə, ndo a nye abərɨ za a mu nɨshwim na ɨ sóŋə́ ngə́, “A miə!”

Ɨfaʼ 7:56

Wɛrə a sóŋ ngə́, “Zɛnə! Ma zě fɔməbvurə ŋaʼnɨ abɔʼnɨ Mɔn Ŋwɔn a tɛm a bagɨ abó Ŋwi zə maʼə ghe!”

Yoane 16:13

Lá a nkfu za Azhwi a ghɨnɨ yen, zɨ wa a kyɛʼnɨ nkənu mbɨ́ʼ a Ŋwi, a mɨ tsagɨnɨ awən a mu nkənu tsum ə. A ghɨ keʼ sóŋə́ lá a za a funɨ a mu akwaʼtɨ azhi, lá a ghɨ ghamnə ɨnu tsa zɨə zuʼnɨ, ɨ kɨ tiʼ soŋ awən nɨ ɨnu tsa tsɨ ghɨnɨ yiŋə.

Alukasɨ 3:21

Mbáʼ ɨbɛn ba bɨtsum kwárɨ́nɨ́ nkyi lá, Yeso a kɨ́ nkwárɨ́ ɨyi ɛ. A ghɨnə ntíʼə ntsáʼtə́ a Ŋwi, bɨ ŋaʼ fɔməbvurə,

Ɨfaʼ 10:11

Wɛrə a zɛ́n fɔməbvurə ŋaʼnɨ, bɨ chwa azúm zə tse za a fínɨ́ abagɨ atsɛʼ zə faŋnɨ a nye mɨbú ɨmyi mi nɨkwa ntiʼə shíʼsə́ atuəshe.

Matyo 3:16

Tsɛʼ mbáʼ Yeso a bínɨ́ nkwárɨ́ nkyi lá, ɨ fu a mu nkyi wa. Fɔməbvurə tíʼ ŋáʼnɨ́ wəmbo, a ze azhwi a Ŋwi a shiʼə ngyíŋə́ tso bvugɨrə-fɨkon ɨ shiʼ ntɛm wə ɨnye ə.

Nkyɛʼə 1:12

Ma bə́ŋtɨ́ aghan a ndzé ŋwɔn wa a kɨ́nə́ ngamə a mbó me, ntiʼ ndzɛn ɨtɛkɨ nkaʼ tsi samba tsa bɨ nyɛ́tɨ́nɨ́ nɨ ŋwaʼŋwaʼ,

Nkyɛʼə 11:19

Nɨshwim nɨ Ŋwi a fɔməbvurə ŋáʼnɨ́, ma tiʼ ndzɛn Nkom Akan wa ɨ tsi ɨwu ə. Mbəŋ tíʼ nzhwibtɨ, nkum, nkɨ mbɨ́ʼkə́. Ɨshe tíʼ nɛ́m, fɨwɛ fə wi tiʼ nkɨ ngvoə.

Nkyɛʼə 19:11

Ma tíʼ ndzɛ́n adzaŋ za fɔməbvurə ŋáʼnɨ́nɨ́, ntiʼ nkɨ ndzɛn ɨnyamənkárə́ zɨ fú ə. Ŋwɔn wa a kɔ́ʼnɨ́ wətú bɨ tɔŋə ayi ngə́ Wa A Faʼnə A Mbó Ŋwi Nɨ Táʼ Ntəm abɔʼnɨ Nkənu ə; wɛrə a nɨ́ŋ ngɨ́ʼ a nye ɨbɛn a nye ndóm wa ɨ kuʼnɨnɨ nkə́ ntǒ ngaŋ kɨban ɨchi tɨ nkobɨ ə.