Nkyɛʼə 3:8 - Mɨkan wu Fi

⁸ Ma zhi ɨnu tsa nɨ ghɨnə ghe; ma zhi ngə́ adaʼ azən a kɨ́gɨ́ ə; nɨ zɔŋnə ɨnu tsa ma díʼnɨ́ awən nɨ tsɛrə, nɨ kə́ faʼə a mbó me nɨ táʼ ntəm ə. Zɛnə azɨŋ ə, ma ŋaʼnə ntsu ndá a ɨshi bən wa ŋwɔn tse a chi keʼ vwuʼnə.

Nkyɛʼə 3:8 Referans Kwoze

1 Korɨnto 16:9

Ɨbɛn bə ghaʼnɨ ba bɨ kwənkɨnɨ ɨfaʼ məwiŋ baʼtɨ ntsi ɨ tsinɨ ɨwu lá, təkɔʼ bɨ abárɨ́ tse a lanɨ ntsi ɨ ghanə a faʼ bɨtəkɔʼ bɨ ɨnu ba bɨ kɨnɨ nkɨ ndɨtə.

Kolose 4:3

A nɨ kə́ ntsáʼtə́ a Ŋwi mbɨ́ʼ awɨgɨ, taŋ á Ŋwi a gha abárɨ́ a mbó bɨgɨ a sóŋ nkən ɨyi mbáʼ ɨ ghamnə lá mbɨ́ʼ anu a nkubə zə Kristo ghe. Mbɨ́ʼ ngə́ a nɨ mbɨ́ʼ a zɛrə mbáʼ ma tsinɨ atsáŋ tɨtsɔŋnɨ ə.

Nkyɛʼə 3:7

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Filadɛlfia ngə́: Nə nɨ nkən wa ɨ lonɨ a mbó zɨ wa a fɛmnɨ nkɨ mbe wɛrə wa a nɨ wu nkənu ə. Wɛrə a tsi nɨ akugɨ za a bénɨ́ zə Devidɨ ə. Be wɛrə a ŋaʼ ntsu ndá, ŋwɔn tse a chi keʼ a wɛrə vwuʼnə. A kɨ ngvuʼnɨ a wɛrə, ŋwɔn tse a chi keʼ ŋaʼə.

2 Korɨnto 2:12

Mbáʼ ma yénɨ́ a Truasɨ a sóŋ Nkən wu Shiʼnɨ lá, Maʼmbyí a díʼ ndómnji a mbó me ghe;

Ɨfaʼ 14:27

Bo ghɨnə ngyén fu Antyokɨ, ngǒtɨ ndáŋwi táʼ adiʼ ntiʼ fɨʼtɨ a mbó bo ɨnu ɨtsum tsa Ŋwi a ghɨ́nɨ́ ntsa a ndzum bo ghe. Bo kɨ́ fɨʼtɨ adzaŋ za Ŋwi a ŋáʼnɨ́ ndóm a mbó ba a se bə Yuda be a nɨ́ŋ mɨntəm ɨma a nye Kristo ghe.

Filibi 4:13

Ma chi ghɨ ɨnu ɨtsum a ntsǎ a ndzum Kristo, zɨ wa a ghánɨ́ adaʼ a mbó me ghe.

Alukasɨ 12:9

Lá ŋwɔn tsum wa a tonɨ aghan asaŋəsaŋ, Mɔn Ŋwɔn a ghɨ kɨ́ tón a wɛrə a ɨshi bɨtsen bɨ ndá ba a nɨ bə Ŋwi ə.

Nkyɛʼə 2:13

Ma zhi adiʼ za nɨ tsínə́ ɨwu ə, ɨwu, mbáʼ Satan a tsinɨ nɨ abərɨ azhi lá. O sǒŋ nkənu a mbó me, o sé kɨ nyɛʼ abeməntəm azo a nye me a nkfu za tsɛʼ atɛmə-ndzě ɨghan Antibasɨ wa a faʼnə a mbó me nɨ táʼ ntəm, a bɨ zhwítɨ́nɨ́ ayi ɨwu, adiʼ wa Satan a tsínə́ lá.

Yoane 17:6

Ma ghɨnə ŋwɔn tsum wa o ghánɨ́ a mbó me atuəshe a zhi agho ə. Bo bé ɨbo, o tiʼ nga awa a mbó me ghe. Bo zuʼnɨnə nɨgham ɨno,

Nkyɛʼə 3:15

Ma zhi ɨnu tsa nɨ ghɨnə ghe; ma zhi ngə́ ka nɨ shwě awən nkeʼ nkə́ ndómə́ ghe. A ghɨ́ ake á nɨ shwě kə ndómə́ le!

Nkyɛʼə 22:7

Yeso a soŋ ngə́, “Zhwiʼtə! Mɨmboŋnɨ, ma mɨ yiŋə! Nɨdorɨ tsi a mbó bo ba bɨ zúʼnɨ́nɨ́ mɨgham men ma bɨ ŋwaʼnɨnɨ a mu aŋwaʼnɨ zen mɨ ghamnə mbɨ́ʼ a za a mɨ fu tɨtsɔŋnɨ abɔʼnɨ za a ghɨnɨ fú a nkfu ndzum lá!”

Nkyɛʼə 3:10

Mbáʼ nɨ lɛnə nɨgham ɨnan na nɨ lɔnə ngə́ á nɨ tsi nɨ nchigə, ma mɨ kɨ baʼtɨ awən a mbó nkfu ngɨ́ʼ zen za ɨ yenə atuəshe a njwə́ŋtɨ́ ɨbɛn bɨ atuəshe bɨtsum lá.

1 Timotyo 5:8

Lá be ŋwɔn tse a tú lə̌tú a nye ɨbɛn ɨbyi, tɨ́sə́n tɨ́sə́n ngaŋ ngwəgɨ ɨchi, lá be ngə́ a ton ayi abeməntəm azhi a nye Kristo, ntiʼ mbɨ́gɨ́ ntsa a ŋwɔn wa ka a nɨŋ ayi ntəm ɨyi a nye Ŋwi ə.

2 Timotyo 4:7

Ma kɨənə nɨkɨə na nɨ adaʼ azə atsum, ma kɨənə nɨkɨə na nɨtsum ngɛn nkuʼ a ndwitə, ma kɨ ntɛm ntɨŋə ngə́ twə́ŋ a mu abeməntəm za.

Nkyɛʼə 3:1

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Sadisɨ ngə́: Nə nɨ nkən wa ɨ lonɨ a mbó zɨ wa a sáʼnɨ́ ɨzhwi Ŋwi tsa tsi samba tsa tsɨ faʼnə a mbó Ŋwi nkɨ ntiʼtɨ mɨndzɔŋ ma mi samba lá. Ma zhi anu za nɨ ghɨnə ghe; nɨ ghɨ̌ ɨnu tsa tsɨ diʼnɨ ngə́ nɨ tsi ntən lá mbáʼ nɨ kfokɨnə ghe.

Nkyɛʼə 2:2

Ma zhi anu za nɨ ghɨnə ghe; ma zhi adzaŋ za nɨ faʼnə nɨ adaʼ azən atsum abɔʼnɨ nchigə za nɨ tsinə nɨ zɛrə ghe. Ma zhi ngə́ nɨ chi keʼ bemtɨ bɨntɔmnɨnɨ ə. Ma kɨ nji ngə́ nɨ zhwəŋtɨnə ɨbɛn ba bɨ soŋnɨ ngə́ bo nɨ ntóm Yeso tɨ be tsɛrə lá, ntiʼ nji ngə́ bo nɨ ngaŋ ɨchwenu ə.

Judɨ 1:4

Mbɨ́ʼ ngə́ bɨtɨbeməŋwi bə tsɛrə lwɔnə nkon a tɨtərɨ bɨgɨnə ghe. Bo nɨ ɨbɛn ba bɨ twɛ́ntɨ́nɨ́ nkən wa mbɨ́ʼ abɔŋəntəm a Ŋwi ɨwɨgɨnə taŋ ɨ ghɨnɨ ɨnu ntɔrɨ ɨlɛbɨ ɨtsa, nkɨ mbe ɨbɛn ba bɨ tonɨ awa a Yeso Kristo, zɨ wa a nɨ tsɛʼ zɨzɨ wa a nɨ Tafaʼ abɔʼnɨ Maʼmbyí ɨwɨgɨnə lá. A ngúʼə ngúʼə Aŋwaʼnɨ a Ŋwi a kwɛ́nə ngam mbɨ́ʼ nɨsáʼ abɔʼnɨ ɨnɨŋ ngɨ́ʼ zen za bo kwarɨnə lá, ngə́ ɨ ghɨ fuə.

Yoane 15:20

Waʼtɨnə anu za ma sóŋnɨ́ a mbó bɨŋ ə: ‹Ka ɨbuʼ be awa ɨbɛn bə wi ntsatɨ a tabuʼ ɨwa ghe.› Be a be ngə́ ɨbɛn dɨ́gɨ́ aghan, bɨ ghɨ kɨ dɨgɨ awɨŋ ə; be a be ngə́ bo zúʼnɨ́ ɨnu tsa ma díʼnɨ́, bo ghɨ kɨ zuʼnɨ ɨtsɨŋ ə.