Nkyɛʼə 3:7 - Mɨkan wu Fi

⁷ “Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Filadɛlfia ngə́: Nə nɨ nkən wa ɨ lonɨ a mbó zɨ wa a fɛmnɨ nkɨ mbe wɛrə wa a nɨ wu nkənu ə. Wɛrə a tsi nɨ akugɨ za a bénɨ́ zə Devidɨ ə. Be wɛrə a ŋaʼ ntsu ndá, ŋwɔn tse a chi keʼ a wɛrə vwuʼnə. A kɨ ngvuʼnɨ a wɛrə, ŋwɔn tse a chi keʼ ŋaʼə.

Nkyɛʼə 3:7 Referans Kwoze

Matyo 16:19

Ma mɨ gha ɨkugɨ Nɨfɔ nɨ fɔməbvurə a mbó gho, anu atsum za o tonɨ atuəshe, bɨ mɨ kɨ ton a fɔməbvurə, anu atsum za o bemnɨ atuəshe, á bɨ kɨ mbem a zɛrə a fɔməbvurə ghe.”

Nkyɛʼə 1:18

A nɨ me wa ma ghánɨ́ ntsi ntɨŋ ə! Ma kɨ kfó lá tɨtsɔŋnɨ ma tsi ntən nɨnkoŋ nɨnkoŋ ə. Ma tsi nɨ mɨtən atú nɨvwo abɔʼnɨ mbyi ɨkfú ɨbɛn ə.

Nkyɛʼə 6:10

Bo tɔ́nkɨ́ nɨ nji zɨ ntən ngə́, “Maʼmbyí Tamɨtən Mɨtsum wa a fɛmnɨ nkɨ mbe zɨ wa sóŋnɨ́ nkənu! A ghɨ lɔgɨ lá nkfu ake bɔŋ o sáʼ ɨbɛn bɨ atuəshe nkɨ nɨŋ ngɨ́ʼ a nye bo mbɨ́ʼ ngə́ bo chwírɨ́ alɛm azɨgɨ le?”

Yoane 14:6

Yeso a chwɨ́gɨ́ ayi ngə́, “Ma nɨ ndómnji wa, nkənu za, nkɨ mbe ntsi ntən za; ŋwɔn tse a chi keʼ ghɛn nkuʼ a mbó Tarɨ tɨ tsa a ndzum me ghe.

Alukasɨ 1:32

A mɨ be ŋwɔn wu ngwi ə, á bɨ ntɔ́ŋə́ ayi nɨ Mɔn Ŋwi Akɔ́ʼɔ́ntsɨrə ghe. Maʼmbyí Ŋwi a mɨ ghɨ a wɛrə a nye Ɨfɔ tso ta ɨyi wu kɔ́ʼɔ́nguʼ wa a bénɨ́ Devidɨ lá,

Marɨkusɨ 1:24

“Yeso ŋwɔn bə Nazarɛ, o lǒ ngɨə ɨ nə́ nɨ bɨgɨ ə? O yen lá a njwítɨ́ bɨgɨ le? Ma zhi agho ə. O nɨ ntom Ŋwi zɨ fɛmnɨ ə!”

1 Yoane 5:20

Bɨgɨnə zhi ngə́ Mɔn Ŋwi a yenə, nkɨ nga ndzuʼə kɨ zhi a mbó bɨgɨnə, taŋ á bɨgɨnə zhi a Ŋwi, zɨ wa nkənu lonə wəmbo lá. Bɨgɨnə chyɛ̌ lá a mbúm bɨgɨnə bɨ Ŋwi, zɨ wa nkənu lonə wəmbo lá — a mbúm bɨgɨnə bɨ Mɔn ɨyi Yeso Kristo ghe. Nə nɨ Ŋwi, zɨ wa nkənu lonə wəmbo, nə kɨ mbe ntsi ntən nɨnkoŋ za.

Nkyɛʼə 19:11

Ma tíʼ ndzɛ́n adzaŋ za fɔməbvurə ŋáʼnɨ́nɨ́, ntiʼ nkɨ ndzɛn ɨnyamənkárə́ zɨ fú ə. Ŋwɔn wa a kɔ́ʼnɨ́ wətú bɨ tɔŋə ayi ngə́ Wa A Faʼnə A Mbó Ŋwi Nɨ Táʼ Ntəm abɔʼnɨ Nkənu ə; wɛrə a nɨ́ŋ ngɨ́ʼ a nye ɨbɛn a nye ndóm wa ɨ kuʼnɨnɨ nkə́ ntǒ ngaŋ kɨban ɨchi tɨ nkobɨ ə.

Nkyɛʼə 3:14

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Laodisia ngə́: Nə nɨ nkən wa ɨ lonɨ a mbó ‹A be lá› wa, atɛmə-ndzě wu nkənu nkɨ mbe wa a faʼnə tsɛʼ nɨ táʼ ntəm, zɨ wa a nɨ mbiʼnɨ anu atsum za Ŋwi a káʼnɨ́ lá.

Nkyɛʼə 5:9

Bo zɔ́bɨ́ azɔbɨ a nkyi zə fi ngə́: “O tsi nɨ ɨlɨŋ a nkwárɨ́ aŋwaʼnɨ zə karɨnɨ za ɨ kɨ ŋaʼ ɨfɛnwu ɨchi ɛ. Mbɨ́ʼ ngə́ bɨ zhwítɨ́ agho, a ntsǎ a ndzum nɨvwo nɨ mɨtsuʼnɨ mɨ atú ɨno, o zón a ngá a mbó Ŋwi ɨbɛn bɨ ɨtsé tsɨ wi ɨtsum, ɨbɛn ba bɨ ghamnɨ mɨgham mɨtsum, ɨbɛn bɨ ɨlaʼ ɨtsum abɔʼnɨ ɨbɛn bɨ ngwəgɨ mɔn ŋwɔn tsum ə.

Nkyɛʼə 1:11

Nji za ɨ sóŋ ngə́, “Ŋwaʼnɨ ɨnu tsa o zɛ́nə́, ntsagɨ aŋwaʼnɨ zə wu a mbó ndáŋwi tsa tsɨ tsinɨ a mu ntáʼmbagə tsɨ wi tsi samba mbáʼ mɨkum ɨma nɨ; Ɛfɛso, Smaina, Bɛgamum, Tiatira, Sadisɨ, Filadɛlfia abɔʼnɨ Laodisia ghe.”

Ɨfaʼ 3:14

Wɛrə a Fɛ́m nkɨ́ Nchinɨ, lá nɨ ton awən ayi ɛ. Nɨ báŋnɨ́ sóŋ ngə́ ɨbɔŋ wa Branto a mɨ ghɨ a mbó bən a nɨ ɨ fɨgɨ ngwarɨ ŋwɔn atsáŋ ɨ gha a mbó bɨŋ ə.

Matyo 24:35

Fɔməbvurə abɔʼnɨ atuəshe ghɨ lwitə, lá nɨgham ɨnə láʼ keʼ chiʼnə.”

Nkyɛʼə 1:5

nkɨ ndo a mbó Yeso Kristo, atɛmə-ndzě wa a faʼnə tsɛʼ nɨ táʼ ntəm, zɨ wa a nɨ ntsambyi ŋwɔn á bɨ zhwemnɨ a mbó nɨvwo, zɨ wa a kɨ́nə́ nkə́ saʼə bɨfɔ bɨ atuəshe zen lá. Wɛrə a kɔŋ awɨgɨnə ghe, wɛrə a kɨnə nkɨ nkwarɨ awɨgɨnə a mbó mɨbvu ɨmɨgɨnə a ntsǎ a ndzum alɛm azhi za wɛrə a chwírɨ́nɨ́ a nkfu bɨgɨnə,

Alukasɨ 4:34

“Ei! Yeso ŋwɔn bə Nazarɛ, o tsi nɨ ake bɨgɨnə le? O yen ɨghan lá a shísɨ́ bɨgɨ le? Ma zhi a ŋwɔn wa o nɨ wɛrə ghe: o lá ntom zɨ fɛmnɨ za Ŋwi a tsagɨnə!”

Nkyɛʼə 15:3

ndzɔbɨ nkyi wa Mǒse ngaŋ afaʼ Ŋwi a zɔ́bɨ́nɨ́, nkɨ mbe nkyi wa Mɔn Mbyindzɨ wa a zɔ́bɨ́nɨ́ ngə́: “Maʼmbyí Ŋwi Tamɨtən Mɨtsum, ɨnu tsa o ghɨnə a nɨ tsə wi nkɨ mbe tsə tsanɨnɨ ə! Ɨfɔ ɨlaʼ ɨtsum, ɨnu ɨtso a nɨ tsa tsɨ kuʼnɨnɨ, mɨndóm ɨmo kɨ mbe mə nkənu ə!

Nkyɛʼə 21:5

Zɨ wa a shíʼtɨ́nə́ nchyɛ̌ atú abərɨ za a tíʼ sóŋ ngə́, “Tɨtsɔŋnɨ, ma mɨ ghɨ ɨdzúm ɨtsum tiʼ tsə fi ə!” Wɛrə a kɨ́ sóŋ a mbó me ngə́, “Ŋwaʼnɨ a zen, mbɨ́ʼ ngə́ mɨgham miŋ nɨ nkənu, bɨ chi kɨ nɨŋ ntəm a nye mɛrə ghe.”

Nkyɛʼə 19:2

Nchɛrɨ ɨsáʼ ɨzhi nɨ zɨ nkənu nkɨ ntɛmnɨ ə! Wɛrə a tsɔʼnə a mu ntəm zɨ adzaŋ za wɛrə mɨ nɨŋ ngɨ́ʼ a nye ntɨŋ akwarə za a kɨ chinə mbáʼə nkobɨ atuəshe nɨ ɨnu ntɔrɨ ɨlɛbɨ ɨchi lá. Ŋwi a nɨŋnɨ ngɨ́ʼ wə ɨnye lá mbɨ́ʼ ngə́ wɛrə a zhwítɨ́ ngaŋ afaʼ ɨchi ɛ.”

Nkyɛʼə 16:7

Ma tíʼ ndzúʼ nji ɨ lo atú a mɨkuʼ ɨ sóŋə́ ngə́, “Maʼmbyí Ŋwi Tamɨtən Mɨtsum! Nchɛrɨ mɨsáʼ ɨzo ɨ dǐʼ nkənu, nkeʼ nɨ nkobɨ chyɛ!”

Nkyɛʼə 4:8

Azúm zə kaʼnɨ za atsum za a tsínɨ́ ntən a tɨtərɨ tsa tsi nɨkwa a tsí nɨ mɨbabɨnɨ mi ntugə ghe. Ɨmɨgɨ lón a nye mbəmnye ɨtsa ɨtsum nkwiʼtɨ ɨshwúrɨ́ mɨbabɨnɨ ma. Nɨ njwi nɨ ɨtfúʼ, ka bo nkyɛ́ntə́ awa a ndzɔbə ngə́: “Maʼmbyí Ŋwi Tamɨtən Mɨtsum o fɛm, ɨ fɛm, ɨ fɛm, gho wa o bénɨ́, wa o benɨ, nkɨ mbe wa a lo láʼ yen lá.”

Nkyɛʼə 2:1

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Ɛfɛso ngə́: Nə nɨ nkən wa ɨ lonɨ a mbó zɨ wa a tiʼtɨnɨ mɨndzɔŋ ma mi samba a mu abó azhi zə maʼə, zɨ wa a númnə́ ngyíŋə́ a tɨtərɨ ɨtɛkɨ nkaʼ ŋwaʼŋwaʼ tsa tsi samba lá.