Nkyɛʼə 3:5 - Mɨkan wu Fi

⁵ Ɨbɛn ba bɨ tokɨnɨ ntsi nɨ ayanguʼ məzen mɨ wəgɨ ɨtsɛʼ tsɨ fú adzaŋ wen, á ma kaʼ kɨ fɨgɨ mɨkum ɨma a mu aŋwaʼnɨ a ɨbɛn ba bɨ tsinɨ ntɨŋ ə. A ɨshi ɨmɨgɨ Ta ɨghan abɔʼnɨ ɨtsendá ɨchi, ma mɨ soŋ ntəm ɨghan asaŋəsaŋ ngə́ məba a nɨ ɨbɛn ɨbə.

Nkyɛʼə 3:5 Referans Kwoze

Matyo 10:32

“Mbɨ́ʼ ngə́ ŋwɔn tsum wa a bemnɨ anu azan asaŋəsaŋ, ma ghɨ kɨ́ bém anu azhi a ɨshi Ta ɨghan a fɔməbvurə ghe.

Nkyɛʼə 21:27

Lá ka azúm zə tse za a se fɛm a ghɨ kón a mu ntáʼmbagə wu wi wa, kə ŋwɔn tse wa a ghɨnɨ ɨnu adɨrətú, kə ŋwɔn tse wa a chwɛ́nɨ́ ɨnu ə. Ɨbɛn ba bɨ ghɨnɨ kón a mu ntáʼmbagə wu wi wa nɨ tsɛʼ ba bɨ ŋwaʼnɨnɨ mɨkum ɨma a mu aŋwaʼnɨ a Mɔn Mbyindzɨ za a tsinɨ nɨ mɨkum mɨ ɨbɛn ba bɨ ghɨnɨ tsí nɨnkoŋ lá.

Nkyɛʼə 20:15

Ŋwɔn tsum wa ɨkum ɨyi sé tsi a mu aŋwaʼnɨ za bɨ ŋwaʼnɨnɨ mɨkum mɨ ɨbɛn ba bɨ mɨ ntsi ntən nɨnkoŋ bo bɨ Ŋwi bɨ máʼ ayi a mu sagɨrə ɨmugɨ wa.

Alukasɨ 12:8

“Ma sóŋə́ awən tsɛʼ nkənu ngə́ ŋwɔn tsum wa a soŋnɨ asaŋəsaŋ ngə́ zɨə tsi a bagɨ me, Mɔn Ŋwɔn a ghɨ kɨ́ ghɨ tsɛʼ adzaŋ məwa a ɨshi bɨtsen bɨ ndá ba a nɨ bə Ŋwi ə.

Nkyɛʼə 17:8

Ɨnyam mɨbaʼ za kwɛ́ ntsi ntɨŋə, lá ka ɨ bvurɨ ntsi ayi atú ntɨŋə; ɨ tsi a ndóm a fuə a mu abɨ́ a kfúrɨ́mándzó, ɨ kɔʼ ghɛn á bɨ tsənkɨ ayi ɛ. Ɨbɛn ba bɨ tsínə́ atuəshe mbáʼ bɨ bvúrɨ́nɨ́ tɨ ŋwaʼnɨ mɨkum ɨma bɔŋ á bɨ káʼ mbyi, a mu aŋwaʼnɨ a ɨbɛn ba bɨ ghɨnɨ tsi ntən, a mɨ kɨʼnɨ awa bɨtsum adzaŋ za bo lenə ɨnyam mɨbaʼ za. Ɨ kwɛ́ ntsi ntən nkfu tsɛrə; tɨtsɔŋnɨ ka ɨ bə mbvurɨ ayi, lá ɨ ghɨ bə fu a ɨshe ə.

Nkyɛʼə 20:12

Ma kwíʼ ndzɛ́n adzaŋ za bɨkfú bə wi abɔʼnɨ bə kɨʼnɨ tɛ́mnɨ́ a ɨshi abərɨ za. Bɨ ŋáʼ ɨŋwaʼnɨ, ntiʼ nkwiʼ ŋaʼ aŋwaʼnɨ zə mɔʼɔ mbáʼ a lá aŋwaʼnɨ za bɨ ŋwaʼnɨnɨ mɨkum mɨ ɨbɛn ba bɨ mɨ ntsi ntən nɨnkoŋ bo bɨ Ŋwi lá. Bɨ sáʼ bɨkfú ndzɔ̌ŋ ɨnu tsa bo ghɨ́nɨ́, adzaŋ za bɨ ŋwáʼnɨ́nɨ́ a mu ɨŋwaʼnɨ tsa lá.

Nkyɛʼə 13:8

Ɨbɛn bɨtsum atuəshe mɨ ghuʼsɨ ayi, lá ɨbɛn ba bɨ ŋwáʼnɨ́nɨ́ mɨkum ɨma bɔŋ ɨ káʼ atuəshe a mu aŋwaʼnɨ a ba bɨ tsinɨ atú ntən, aŋwaʼnɨ a Mɔn Mbyindzɨ wa bɨ zhwítɨ́nɨ́ lá, məbiŋ mɨ keʼ ayi ghuʼsə.

Nkyɛʼə 2:7

Zɨ wa a tsinɨ nɨ ɨtoŋnɨ á zhwiʼtɨ anu za Azhwi a sóŋnə́ a mbó ndáŋwi ə! A mbó ba bɨ tsinɨ nɨ ayanguʼ məzen, ma mɨ ghɨ á be adiʼ aza a ndzɨ́ fɨtam fɨ atɨ za a ghánɨ́ ntsi ntən za a kwínə́ a mu Baradiso Ŋwi lá.”

Filibi 4:3

Gho, ŋwɔn aku ɨghan wa a faʼnə tsɛʼ nɨ táʼ ntəm, ma lǒ ngə́ o kwatɨ bəngye ben; mbɨ́ʼ ngə́ bo faʼnə bɨgɨ bo tsɛʼ nɨ adaʼ aza atsum a ndaʼ nkən wu shiʼnɨ ə. Bo faʼə bo bɨ Klɛmɛn abɔʼnɨ ngaŋ afaʼ tsə mɔʼɔ ɨtsum tsa bɨgɨ bo faʼnə abó mɔ́ʼɔ́, tsa mɨkum ɨma tsinɨ a mu aŋwaʼnɨ a ɨbɛn ba bɨ tsinɨ ntən lá.

Nkyɛʼə 19:8

Bɨ ghanə ɨtsɛʼ ɨtɨŋndvuŋ tsɨ ŋwenɨnɨ wəmbo ngə́ á wəgə.” (Ɨtsɛʼ ɨtɨŋndvuŋ tsiŋ tsi lá tso ngɨnɨ mɨnu tsɨ shiʼnɨ tsɨ ɨbɛn bɨ Ŋwi ə.)

Nkyɛʼə 22:19

Be ŋwɔn tsɛrə a fɨgɨtɨ anu zə tsɛrə a nye ɨnu tsa Ŋwi a soŋnɨ a mu aŋwaʼnɨ zen mbɨ́ʼ ɨnu tsa tsɨ ghɨnɨ fú lá, Ŋwi a mɨ kwarɨ wəmbo azhi abárɨ́ a ndzɨ́ mɨntam mɨ atɨ mɨ atɨ za a ghánɨ́ ntsi ntən lá abɔʼnɨ azhi abárɨ́ a nkuŋə a mu ntáʼmbagə wu Wi wu Fɛmnɨ wa, ɨnu tsi bá tsa bɨ fɨʼtɨnɨ a mu aŋwaʼnɨ zen lá.

Nkyɛʼə 3:4

Lá bən bə tse a nɨsháŋnɨ́ ɨgha a Sadisɨ sugɨ ɨtsɛʼ ɨtsən tsɨ fɛmnə ghe. Nɨ ghɨ yenɨ bɨgɨnə, ɨ wəgɨ ɨtsɛʼ tsɨ fú, mbɨ́ʼ ngə́ nɨ kuʼnɨ a ngɨə adzaŋ məwa.

Judɨ 1:24

A mbó Ŋwi, zɨ wa a chinɨ kɨnkɨ awən á nɨ keʼ vwo a mu ɨbvu, ɨ kɨ yen nɨ bən tɨ afənu a mu nɨdorɨ a ɨshi nɨfáŋ ɨni —

Alukasɨ 10:20

Lá á nɨ keʼ ndórə́ be mbɨ́ʼ ngə́ ɨzhwi tsɨ tɔmnɨnɨ zúʼnə́ awɨŋ ə, nɨ ndórə́ be mbɨ́ʼ ngə́ bɨ ŋwaʼnɨnə mɨkum ɨmən a fɔməbvurə ghe.”

Nkyɛʼə 2:11

Zɨ wa a tsinɨ nɨ ɨtoŋnɨ á zhwiʼtɨ anu za Azhwi a sóŋnə́ a mbó ndáŋwi ə! Ŋwɔn tsum wa a tokɨnɨ ntsi nɨ ayanguʼ məzen, nɨvwo na nɨ zɔŋtɨnɨ a nye ɨdiʼ tsi bá mɨ keʼ ghɨ á ze ngɨ́ʼ ə.”

Nkyɛʼə 3:12

Ma mɨ ghɨ á ɨbɛn ba bɨ tokɨnɨ ntsi nɨ ayanguʼ məzen tiʼ ntɛʼ a mu nɨshwim nɨ Ŋwi ɨghə. Bo láʼ keʼ a nɛrə nyɛʼtə. Ma mɨ ŋwaʼnɨ a nye bo ɨkum Ŋwi ɨghan abɔʼnɨ ɨkum ntáʼmbagə wu wi wu Ŋwi ɨghan, Yerosalɛm wu fi wa a mɨ lo a mbó Ŋwi ɨghan a fɔməbvurə lá. Ma mɨ kɨ ŋwaʼnɨ ɨkum ɨghan wu fi a nye bo ghe.

Nkyɛʼə 6:11

Bɨ ghá a tɔgɨ wu fú a mbó ŋwɔn nɨbo tsum, ntiʼ soŋ a mbó bo ngə́ á bo kwiʼ njwiʼtɨ a nye məbaŋtɨ ɨ kɔʼ kuʼ nkfu za bɨ zhwitɨnə ngaŋ afaʼ ɨtsum tsɨ mɔʼɔ tsa bo bo faʼnə abɔʼnɨ ɨbɛn ba bo bo zɔŋnə a Kristo, tsɛʼ adzaŋ za bɨ kwɛ́nə njwítɨ́ awa lá.