Nkyɛʼə 3:4 - Mɨkan wu Fi

⁴ Lá bən bə tse a nɨsháŋnɨ́ ɨgha a Sadisɨ sugɨ ɨtsɛʼ ɨtsən tsɨ fɛmnə ghe. Nɨ ghɨ yenɨ bɨgɨnə, ɨ wəgɨ ɨtsɛʼ tsɨ fú, mbɨ́ʼ ngə́ nɨ kuʼnɨ a ngɨə adzaŋ məwa.

Nkyɛʼə 3:4 Referans Kwoze

Nkyɛʼə 7:9

Mbáʼ məzen a tsánə, ma lén ndzɛ́n ɨnɔ ɨnɔ ɨbɛn — ŋwɔn tse a kɨ chi keʼ awa bɨtsum kwaʼə. Bo ló a mu ngwəgɨ ŋwɔn mɨsɔŋ a ntsu tsum, ɨtsé tsɨ wi ɨtsum, ɨlaʼ ɨtsum nkɨ ndo a mbó ɨbɛn ba bɨ ghamnɨ mɨgham mɨtsum ə. Bo wə́gɨ́ bɨtɔgɨ bə fú, ntiʼtɨ ɨdzáŋ mbaŋ a mbó bo, ntɛm a ɨshi abərɨ za abɔʼnɨ Mɔn Mbyindzɨ wa.

Nkyɛʼə 3:5

Ɨbɛn ba bɨ tokɨnɨ ntsi nɨ ayanguʼ məzen mɨ wəgɨ ɨtsɛʼ tsɨ fú adzaŋ wen, á ma kaʼ kɨ fɨgɨ mɨkum ɨma a mu aŋwaʼnɨ a ɨbɛn ba bɨ tsinɨ ntɨŋ ə. A ɨshi ɨmɨgɨ Ta ɨghan abɔʼnɨ ɨtsendá ɨchi, ma mɨ soŋ ntəm ɨghan asaŋəsaŋ ngə́ məba a nɨ ɨbɛn ɨbə.

Nkyɛʼə 6:11

Bɨ ghá a tɔgɨ wu fú a mbó ŋwɔn nɨbo tsum, ntiʼ soŋ a mbó bo ngə́ á bo kwiʼ njwiʼtɨ a nye məbaŋtɨ ɨ kɔʼ kuʼ nkfu za bɨ zhwitɨnə ngaŋ afaʼ ɨtsum tsɨ mɔʼɔ tsa bo bo faʼnə abɔʼnɨ ɨbɛn ba bo bo zɔŋnə a Kristo, tsɛʼ adzaŋ za bɨ kwɛ́nə njwítɨ́ awa lá.

Nkyɛʼə 19:14

Bɨgwe bɨ fɔməbvurə a mu aka a mu aka ba bɨ wə́gɨ́nɨ́ ɨtsɛʼ ɨtɨŋndvuŋ tsɨ fú tsɨ fɛmnɨ kɔ́ʼ ɨnyamənkárə́ tsə fú, ndzɔŋə ayi ɛ.

Nkyɛʼə 4:4

Ɨbərɨ mɨghúm mɨmbá nɨ ntsɔb nɨkwa kárɨ́sɨ́ abərɨ za, bɨkum mɨghúm mɨmbá nɨ ntsɔb nɨkwa shiʼtɨ ntsi atú tsɛrə ghe. Bo wə́gɨ́ bɨtɔgɨ bə fú, nkɨ nchwubtɨ ɨsáʼfɔ ŋwaʼŋwaʼ ghe.

Nkyɛʼə 3:18

Ma tiʼə ntɨ́gɨ́tə́ awən ngə́ á nɨ zon a ŋwaʼŋwaʼ wa a lonɨ a mbó me, ŋwaʼŋwaʼ wa ɨmugɨ ɨ ghɨnɨ a fɛm, taŋ ɨ be ngaŋ afuʼ zə wi ə. Nɨ kɨ ndzuŋ ɨtsɛʼ tsɨ fú ngwəgɨ a ɨnye bən, ntiʼ mbɔmtɨ ntyigɨnɨ adɨrətú ɨzɨŋ ə. Nɨ kɨ ndzuŋ mɨvwurɨ mə tse a nɨ́ŋə́ a ɨmɨgɨ bən, taŋ ɨ chi zɛn ɨdiʼ ə.

Nkyɛʼə 19:8

Bɨ ghanə ɨtsɛʼ ɨtɨŋndvuŋ tsɨ ŋwenɨnɨ wəmbo ngə́ á wəgə.” (Ɨtsɛʼ ɨtɨŋndvuŋ tsiŋ tsi lá tso ngɨnɨ mɨnu tsɨ shiʼnɨ tsɨ ɨbɛn bɨ Ŋwi ə.)

Judɨ 1:23

á nɨ loŋ a bə mɔʼɔ a ntsǎ a ndzum adzaŋ za nɨ mɨ fɨgɨ awa a mu ɨmugɨ wa nɨ adaʼ; a mbó bə mɔʼɔ, á nɨ diʼ akômɨlɨŋnɨ ɨ nyamtɨ nɨ nɨbɔgɨ, lá ɨ nyaŋ ɨtsɛʼ ɨtsa, tsa bɨ shwiʼnɨ nɨ mɨbvu ma mbəmnye lɔnə lá.

Alukasɨ 21:36

A nɨ lə atú a zɨŋ ə, ntsáʼtə́ a Ŋwi nkfu tsum ngə́ nɨ chi tsi nɨ adaʼ ɨ tsa shiʼnɨ a mu ɨnu tsiŋ ɨtsum tsa tsɨ ghɨnɨ fú lá ɨ tiʼ tɛm a ɨshi Mɔn Ŋwɔn ə.”

Marɨkusɨ 16:5

Adzaŋ za mbáʼ bo kónɨ́ a mu nɨshe na lá, bo zɛ́n mbáŋnɨ́ zɨ tsɛrə mbáʼ ɨ wə́gɨ́nɨ́ ɨtsɛʼ tsɨ fú, ɨ shiʼtɨ ntsi a bagɨ abó zə maʼə ghe. A kɨ́ʼnɨ́ awa be tɨsɨŋə.

Alukasɨ 20:35

lá mbáŋnɨ́ bo bɨ bəngye ba bɨ kuʼnɨnɨ a nzhwémnə́ a mbó nɨvwo ɨ bə kɨ tsi a nye nkfu za ghɨ yen lá, nɨzɔ́ʼ ghɨ keʼ ɨwu chyɛ.

Matyo 10:11

Be nɨ ghɛn nkon a mu ntáʼmbagə tse kə atom zə tse, á nɨ tsɔʼnɨ aku a ŋwɔn ntəm wu shiʼnɨ wa a lɔnɨ nkwarɨ bən, ntsi bɨŋ bo ɨ kɔʼ kuʼ nkfu za nɨ mɨ nyɛʼtɨ adiʼ məza.

Nkyɛʼə 11:13

Tsɛʼ a nyom məwa, ɨshe nɛ́m tsɛʼ adaŋədaŋə; bɨ tsənkɨ a táʼ abagɨ ntáʼmbagə wa bɨ yɛbtɨnɨ ɨdiʼ tsi nɨghúm, ntiʼ nkɨ njwitɨ ɨbɛn nchwuʼ tsi samba ghe. Abvuʼ a ɨbɛn a tsí nɨ nɨbɔgɨ nə wi, ntiʼ nga nɨfáŋ a mbó Ŋwi, zɨ wa a tsinɨ a fɔməbvurə lá.

2 Tesalonaika 1:5

Məzen atsum a diʼə lá ngə́ nɨsáʼ nɨ Ŋwi tɛmnɨ, ndzɔŋə a məzen, nɨ ghɨ kón a mu Nɨfɔ ɨni na mbáʼ nɨ zɛ́nɨ́ ngɨ́ʼ mbɨ́ʼ a nɛrə lá.

Ɨfaʼ 1:15

A ndzum njwi tsɨ tse a nɨsháŋnɨ́, ɨbɛn ba bɨ nɨ́ŋnɨ́ mɨntəm ɨma a nye Yeso wɛ́m ngǒtə ghe. Ɨbɛn bɨtsum ba bɨ tsínɨ́ ɨwu bɨ bé tso 120 ghe. Bita a ló atɨ́ a ngamə ɨ soŋ ngə́,

Nkyɛʼə 1:11

Nji za ɨ sóŋ ngə́, “Ŋwaʼnɨ ɨnu tsa o zɛ́nə́, ntsagɨ aŋwaʼnɨ zə wu a mbó ndáŋwi tsa tsɨ tsinɨ a mu ntáʼmbagə tsɨ wi tsi samba mbáʼ mɨkum ɨma nɨ; Ɛfɛso, Smaina, Bɛgamum, Tiatira, Sadisɨ, Filadɛlfia abɔʼnɨ Laodisia ghe.”

Nkyɛʼə 14:4

Bo lá ɨbɛn ba bɨ bvurɨ tɨ shwiʼ ɨtumbəm ɨtsa bo bɨ bəngye, bo nɨ ngo ghe. Bo zɔŋə a Mɔn Mbyindzɨ wa adiʼ atsum za wɛrə ghɛnə ghe. Bɨ zonɨ ɨtú ɨtsa a mbó ngwəgɨ ŋwɔn mɨsɔŋ a ntsu tsum, ntiʼ mbe bɨtsabɨmbyi ba bɨ ghanɨ awa a mbó Ŋwi nkɨ nga a mbó Mɔn Mbyindzɨ wa.