Nkyɛʼə 3:21 - Mɨkan wu Fi

²¹ A mbó ɨbɛn ba bɨ tokɨnɨ ntsi nɨ ayanguʼ məzen, ma mɨ ghɨ á be adiʼ aza a shiʼtɨ tsi a mbyɛn me, atú abərɨ azan, tsɛʼ tso mbáʼ ma tsinə nɨ ayanguʼ, ntiʼ shiʼtɨ ntsi tɨtsɔŋnɨ a mbyɛn Ta ɨghan atú abərɨ azhi lá.

Nkyɛʼə 3:21 Referans Kwoze

2 Timotyo 2:12

Be bɨgɨnə ngěn nɨ mbyi nchigɨ ntəm, muŋ bɨgɨnə ghɨ kɨ saʼnə bɨgɨnə bɨ wɛrə ghe. Be bɨgɨnə ton ayi, muŋ wɛrə a ghɨ kɨ ton awɨgɨnə ghe.

Matyo 19:28

Yeso a sóŋ a mbó bo ngə́, “Tsɛʼ a nkənu, ma sóŋə́ awɨŋ ə, a mu mbyi zɨ fi za, mbáʼ Mɔn Ŋwɔn a ghɨnɨ shíʼtɨ́ tsí atú abərɨ a nɨfáŋ azhi lá, bən ba nɨghúm ntsɔb bá ba nɨ zɔ́ŋnɨ́ aghan lá, nɨ ghɨ kɨ shiʼtɨ tsi atú ɨbərɨ nɨghúm tsɔb bá, ɨ saʼnɨ ɨtsé tsə wi tsɨ bə Izrai tsa nɨghúm tsɔb bá ghe.

Yoane 16:33

Ma soŋ a məzen a mbó bən lá taŋ á nɨ tsi nɨ mbɔnɨ a ntsǎ a ndzum adzaŋ za nɨ tsinɨ a mbúm bɨgɨnə ghe. Atuəshe mɨ diʼ ngɨ́ʼ a mbó bɨŋ ə. Lá nɨ kotɨ mbáŋnɨ́ ɨtsɨŋ ə! Awa ma ghaʼnə atuəshe!”

Nkyɛʼə 2:7

Zɨ wa a tsinɨ nɨ ɨtoŋnɨ á zhwiʼtɨ anu za Azhwi a sóŋnə́ a mbó ndáŋwi ə! A mbó ba bɨ tsinɨ nɨ ayanguʼ məzen, ma mɨ ghɨ á be adiʼ aza a ndzɨ́ fɨtam fɨ atɨ za a ghánɨ́ ntsi ntən za a kwínə́ a mu Baradiso Ŋwi lá.”

Matyo 28:18

Yeso a tíʼ nkɔ́ʼtɨ́ ngɛn a mbyɛn bo ɨ soŋ ngə́, “Bɨ ghanə mɨtən mɨtsum a fɔməbvurə bo atuəshe a mbó me ghe.

Alukasɨ 22:30

Nɨ ghɨ dzɨ́ ɨ kɨ no bɨgɨnə a mu Nɨfɔ ɨnə. Nɨ ghɨ tsí atú ɨbərɨ, ɨ saʼnɨ ɨtsé tsɨ wi tsɨ bə Yuda tsa nɨghúm ntsɔb bá ghe.”

Nkyɛʼə 20:4

Ma tíʼ ndzɛ́n ɨbərɨ ə. Bɨ ghá mɨtən mɨ sáʼə mɨsáʼ a mbó ɨbɛn ba bɨ shíʼtɨ́nɨ́ ntsi atú tsɛrə ghe. Ma kɨ́ ndzɛ́n bɨgharɨ bɨ ɨbɛn ba bɨ zhwítɨ́nɨ́ awa mbɨ́ʼ ngə́ bo chwítɨ́ nkənu za mbɨ́ʼ a Yeso abɔʼnɨ nɨgham nɨ Ŋwi ə. Bo sé ghuʼsɨ ɨnyam mɨbaʼ za kə a mɔn abe ɨyi ɛ. Bo sé kɨ ntsi nɨ alyigɨ a ɨnyam mɨbaʼ za a mɨdzenɨ bo kə a nye mbó ɨma ghe. Bo yén a mu ntsi ntən, ɨ sáʼ tso bɨfɔ bo bɨ Kristo atú ɨlom táʼ nchwuʼ ə.

Nkyɛʼə 1:6

ngɨ awɨgɨnə bɨgɨnə tiʼ nɨfɔ na ɨbɛn ɨbyi nɨ bɨntumshe, ngə́ á bɨ faʼə a mbó Ŋwi ɨyi wa a kɨnɨ nkɨ mbe Tarɨ lá. A nɨfáŋ bo mɨtən tsi a mbó Yeso Kristo nɨnkoŋ nɨnkoŋ ə! A be lá.

Nkyɛʼə 12:11

Ɨbɔmbɨma ɨbɨgɨnə tsí nɨ ayanguʼ atú zɨ ntsa lá a ndzum alɛm a Mɔn Mbyindzɨ za nkɨ ntsa lá a ndzum nkənu za bo chwítɨ́nə́; bo kyáŋtɨ́ ɨnye ɨtsa a ngá ntsi mbyi ɨtsa mbáʼ be a kwɛ ndiʼ ngə́ á bo kfo ə.

Nkyɛʼə 17:14

Bo mɨ tǒkɨ a Mɔn Mbyindzɨ wa; lá Mɔn Mbyindzɨ wa abɔʼnɨ ɨbyi ba bɨ tsɔ́ʼnɨ́, ndzarɨ awa, bɨ kə́ ndzɔŋə ayi tsɛʼ nɨ táʼ ntəm lá, bo mɨ ghaʼ awa mbɨ́ʼ ngə́ wɛrə a nɨ Maʼmbyí bɨmaʼmbyí nkɨ mbe Ɨfɔ bɨfɔ ghe.”

Nkyɛʼə 7:17

mbɨ́ʼ ngə́ Mɔn Mbyindzɨ wa, zɨ wa a nɨ tɨtərɨ abərɨ za mɨ be ntsiŋ mɨnyam ɨwa, ɨ tsɨŋnɨnə awa ɨ tsagɨnə a mbó bɨnáŋə́bə́rə ba bɨ ghánɨ́ nkyi ntsi ntɨŋ ə. Ŋwi a mɨ tiʼ chiʼ nkyi nɨzɛʼ ɨtsum a ɨmɨgɨ bo ghe.”

Nkyɛʼə 6:2

Ma lén, ndze ɨnyamənkárə́ zɨ fú ə. Ŋwɔn wa a kɔ́ʼnɨ́ wətú a tíʼtɨ́ nkyɛ́rɨ́, bɨ gha ɨsáʼfɔ wəmbo ə. A kɔ́ʼ ɨnyamənkárə́ za ngěn tso ŋwɔn wa a tsínə́ nɨ ayanguʼ wa a ghɛnə a nchyɛ́ nɨ ayanguʼ ə.

Matyo 25:21

Tafaʼ ɨyi a sóŋ wəmbo ngə́, ‹O ghɨ ɨ shiʼnɨ a ŋwɔn afaʼ ɨghan wa a nɨ wu shiʼnɨ nkə́ faʼə nɨ táʼ ntəm a mbó me! O kɨ tiʼtɨ a mɨnya nɨ táʼ ntəm ə, ma mɨ gha a zə ghaʼtɨnɨ a mbó gho, o tiʼə ndə́ŋtə́ ghe. Kon a mu nɨdorɨ nɨ tafaʼ ɨgho ntiʼə ntuʼə bɨŋ zɨə!›

Nkyɛʼə 5:10

O ghɨnə awa bo be nɨfɔ na ɨbɛn bɨtsum ɨwu nɨ bɨntumshe ba bɨ faʼnə a mbó Ŋwi ɨwɨgɨnə, bo ghɨ bé bɨta bɨ ɨlaʼ bɨ atuəshe.”

Nkyɛʼə 20:6

Nɨdorɨ abɔʼnɨ ɨfɔgə zɨ ngwi tsi a mbó ba bɨ nɨŋnɨ awa a mu ntsambyi nzhwemnə a mbó nɨvwo məziŋ ə. Ka nɨvwo na nɨ zɔŋtɨnɨ a nye ɨdiʼ tsi bá tsi ayi nɨ mɨtən mə tsɛrə atú bo ghe; bo ghɨ bé bɨntumshe bɨ Ŋwi kɨ be a mbó Kristo, bo mɨ sáʼ bo bɨ wɛrə atú ɨlom táʼ nchwuʼ ə.

Yoane 13:32

Be bɨ kɨ nkyɛʼ nɨfáŋ nɨ Ŋwi a ntsǎ a ndzum wɛrə, muŋ Ŋwi a mɨ kyɛʼ nɨfáŋ nɨ Mɔn Ŋwɔn a mu atuəmbəm azhi ɛ, a mɨ kɨ byi ghɨ adzaŋ məwa.