Nkyɛʼə 3:11 - Mɨkan wu Fi

¹¹ A bvurɨ tsɛʼ məbaŋtɨ á ma yiŋə. A nɨ ngěn nɨ mbyi ntiʼtɨ abeməntəm azən ɨ shiʼnɨ, taŋ á ŋwɔn tse a keʼ kwarɨ nɨ adaʼ ɨsáʼfɔ ɨzən za ɨ nɨ mɨkyaŋnɨ ɨmən lá.

Nkyɛʼə 3:11 Referans Kwoze

Jemsɨ 1:12

Nɨdorɨ tsi a mbó ba bɨ chigɨnɨ ntəm a nkfu za bɨ zhwəŋtɨnɨ awa, mbɨ́ʼ ngə́ be bo tsa abə́ŋ a njwəŋtə məza muŋ bo mɨ kwarɨ mɨkyaŋnɨ ma mɨ lá ntsi mbyi za Ŋwi a kaʼnɨ a mbó ba bɨ kɔŋnɨ ayi ɛ.

Nkyɛʼə 22:12

Yeso a soŋ ngə́, “Zhwiʼtə! Mɨmboŋnɨ, ma mɨ yiŋə! Ma mɨ yen nɨ mɨtsɔʼnɨ mɨ afaʼ ɨman, a ngá a mbó ŋwɔn tsum, adzaŋ za a kuʼnɨnɨ a nye za a ghɨnə ghe.

Nkyɛʼə 2:10

A nɨ keʼ mbɔ́gɨ́ ngɨ́ʼ tse za nɨ mɨ ze. Zhwiʼtɨnə! Dəbɨrɨ a mɨ zhwəŋtɨ abeməntəm azən a ntsǎ ndzum ntsagɨ bən bə tse atsáŋ, ngɨ́ʼ ɨzɨŋ mɨ tiʼ tsi atú njwi tsi nɨghúm ə. A nkə faʼə tsɛʼ faʼnɨ a mbó me nɨ táʼ ntəm mbáʼ be a kwɛ ndiʼ be nɨvwo, ma mɨ gha ntsi ntən nɨnkoŋ a mbó bən tso ɨsáʼfɔ ayanguʼ azɨŋ ə.

Nkyɛʼə 2:25

Nɨ tsi nɨ ɨ zagɨ chwa ɨ faŋnɨ a za nɨ tsinɨ nɨ zɛrə ɨ kɔʼ kuʼ nkfu za ma ghɨ yiŋə.

2 Timotyo 4:8

Azúm za a zhwíʼtɨ́nə́ aghan tɨtsɔŋnɨ a nɨ ndɔ́ŋ ayanguʼ mbɨ́ʼ ngə́ ma tsinə ntsi mbyi za ɨ chinɨnɨ a ɨshi ɨmɨgɨ Ŋwi, zɛrə za Maʼmbyí, zɨ wa a nɨ Tabyɛn, a ghɨnɨ gha a mbó me a Njwi wa. Wɛrə a mɨ keʼ tsɛʼ a mbó me gha, lá ɨ kɨ gha a mbó ŋwɔn tsum wa a tsenə a wɛrə nɨ akɔŋnɨ ngə́ á wɛrə a ghɨ fú a ɨshe lá.

2 Timotyo 2:5

Ŋwɔn wa a kɨənə amaŋnɨ a nɨkɨə a chi keʼ dzɨ ndɔ́ŋ tɨgha a zúʼnɨ́ ntɨgə nɨkɨə məna ə.

Nkyɛʼə 22:20

Zɨ wa a chwitɨnɨ mɨnkən men mɨtsum, a sóŋə́ ngə́, “E, tsɛʼ nkənu, ma mɨ yen a nye məkum a nkfu ə!” A be lá. Yiŋə a Maʼmbyí Yeso!

Nkyɛʼə 1:3

Ɨfɔgə tsi a mbó ŋwɔn wa a tɔŋnɨ nkən wen wa ɨ lonɨ a mbó Ŋwi lá. Ɨfɔgə kɨ ntsi a mbó ŋwɔn wa a zúʼnə́ nkə́ ndzúʼnə́ anu za bɨ ŋwaʼnɨnɨ a mu aŋwaʼnɨ ziŋ ə! Mbɨ́ʼ ngə́ nkfu zɨ wu tiʼ abó mbáʼ ɨnu tsiŋ ɨtsum mɨ fuə.

Nkyɛʼə 4:10

bɨkum ba mɨghúm mɨmbá nɨ ntsɔb nɨkwa vwo a ɨshe a ɨshi zɨ wa a shiʼtɨnɨ ntsi atú abərɨ za lá, nguʼsɨ a zɨ wa ntsi ntɨŋ ɨzhi ghɔŋnɨ nɨnkoŋ nɨnkoŋ lá nkɨ maʼnɨ ɨsáʼfɔ ɨtsa a ɨshe a ɨshi abərɨ za ntiʼ soŋ ngə́:

1 Korɨnto 9:25

Ŋwɔn nɨkɨə tsum a tɛ́gɨ́ atú azhi tsɛʼ ɨ shiʼnɨ a nye mɨndóm mɨtsum tsɛʼ taŋ ɨ kwarɨ mɨkyaŋnɨ ma mɨ mɨ keʼ ghɔŋ nɨnkoŋ ə; lá bɨgɨnə ghɨə mə lan lá a nkwárɨ́ mɨkyaŋnɨ ma mɨ mɨ ghɔŋ nɨnkoŋ ə.

Nkyɛʼə 3:3

A nɨ tiʼ ngwaʼtɨ a za bɨ díʼnɨ́ awən ɨwu abɔʼnɨ za nɨ zúʼnɨ́; á nɨ ndzúʼnə́ a zɛrə nkɨ mbəŋ mɨntəm ɨmən a nye mɨbvu ɨmɨŋ ə. Be nɨ tú lo atɨ́, muŋ ma mɨ shiʼnɨ atú bən tso ndzɛrə ghe. Nɨ mɨ keʼ kɨ nji a nyom wa ma mɨ yiŋə.

Nkyɛʼə 4:4

Ɨbərɨ mɨghúm mɨmbá nɨ ntsɔb nɨkwa kárɨ́sɨ́ abərɨ za, bɨkum mɨghúm mɨmbá nɨ ntsɔb nɨkwa shiʼtɨ ntsi atú tsɛrə ghe. Bo wə́gɨ́ bɨtɔgɨ bə fú, nkɨ nchwubtɨ ɨsáʼfɔ ŋwaʼŋwaʼ ghe.

Nkyɛʼə 2:13

Ma zhi adiʼ za nɨ tsínə́ ɨwu ə, ɨwu, mbáʼ Satan a tsinɨ nɨ abərɨ azhi lá. O sǒŋ nkənu a mbó me, o sé kɨ nyɛʼ abeməntəm azo a nye me a nkfu za tsɛʼ atɛmə-ndzě ɨghan Antibasɨ wa a faʼnə a mbó me nɨ táʼ ntəm, a bɨ zhwítɨ́nɨ́ ayi ɨwu, adiʼ wa Satan a tsínə́ lá.

Nkyɛʼə 22:7

Yeso a soŋ ngə́, “Zhwiʼtə! Mɨmboŋnɨ, ma mɨ yiŋə! Nɨdorɨ tsi a mbó bo ba bɨ zúʼnɨ́nɨ́ mɨgham men ma bɨ ŋwaʼnɨnɨ a mu aŋwaʼnɨ zen mɨ ghamnə mbɨ́ʼ a za a mɨ fu tɨtsɔŋnɨ abɔʼnɨ za a ghɨnɨ fú a nkfu ndzum lá!”

Jemsɨ 5:9

Ɨbɔmbɨma ɨban, á nɨ keʼ nzhwúʼnə́ mbɨ́ʼ a ŋwɔn nɨ ŋwɔn, taŋ á Ŋwi a keʼ awən sáʼə. Zɛnə azɨŋ ə, Tabyɛn a tɛm a nkom ntsu ndá ə.

Filibi 4:5

A nɨ ngɨ̌ ɨnu a nye ndómnji wu bɔnɨnɨ bɨŋ bɨ ŋwɔn tsum ə. A bvurɨ tsɛʼ mɨnyiə lanə á Maʼmbyí a yiŋə.

Nkyɛʼə 16:15

Ma zúʼ Yeso a soŋ ngə́, “Zhwiʼtɨnə! Ma mɨ yen tso ndzɛrə ghe! Nɨdorɨ tsi a mbó zɨ wa a mɨ tsi a nɨkyerə, á ɨtsɛʼ ɨchi kɨ ntsi a ɨbəm ɨnye zɨ, taŋ ɨ ghɨ keʼ ntiʼə númə́ ngyǐŋ ntyigɨnɨ, ɨ kɨ tsi nɨ adɨrətú a tɨtərɨ ɨbɛn ə!”