Nkyɛʼə 3:10 - Mɨkan wu Fi

¹⁰ Mbáʼ nɨ lɛnə nɨgham ɨnan na nɨ lɔnə ngə́ á nɨ tsi nɨ nchigə, ma mɨ kɨ baʼtɨ awən a mbó nkfu ngɨ́ʼ zen za ɨ yenə atuəshe a njwə́ŋtɨ́ ɨbɛn bɨ atuəshe bɨtsum lá.

Nkyɛʼə 3:10 Referans Kwoze

2 Bita 2:9

Ma lan, Maʼmbyí a zhi adzaŋ za a fɨ́gɨ́nə́ a mu ngɨ́ʼ ɨbɛn ba bɨ zhinɨ a Ŋwi a nye ɨnu tsa tsɨ zhwə́ŋtɨ́nə́ awa, ɨ kɨ nɨŋ ngɨ́ʼ a nye ngaŋ abɨgəntəm, ɨ tsiŋənɨ Njwi Nɨsáʼ,

Nkyɛʼə 14:12

Məzen a lǒ achigəntəm a mbó ɨbɛn bɨ Ŋwi ba bɨ zúʼnɨ́nɨ́ ntɨgə Ŋwi nkɨ nɨŋ mɨntəm ɨma a nye Yeso ghe.

Nkyɛʼə 2:10

A nɨ keʼ mbɔ́gɨ́ ngɨ́ʼ tse za nɨ mɨ ze. Zhwiʼtɨnə! Dəbɨrɨ a mɨ zhwəŋtɨ abeməntəm azən a ntsǎ ndzum ntsagɨ bən bə tse atsáŋ, ngɨ́ʼ ɨzɨŋ mɨ tiʼ tsi atú njwi tsi nɨghúm ə. A nkə faʼə tsɛʼ faʼnɨ a mbó me nɨ táʼ ntəm mbáʼ be a kwɛ ndiʼ be nɨvwo, ma mɨ gha ntsi ntən nɨnkoŋ a mbó bən tso ɨsáʼfɔ ayanguʼ azɨŋ ə.

1 Korɨnto 10:13

Ka njwəŋtə zɨ tse ɨ tsi ayi ɨwu za ɨ zhwə́ŋtɨ́nə́ agho za ka ɨ be ayi njwəŋtə za ɨ zhwə́ŋtɨ́nə́ a ŋwɔn mɨsɔŋ a ntsu ə. Ŋwi a sóŋə́ tsɛʼ nkənu ə. Wɛrə a mɨ keʼ nyɛʼtɨ á bɨ zhwəŋtɨ agho a nye ndóm wa o chinɨ koʼ chigɨ a zɛrə ghe; a nkfu za bɨ zhwə́ŋtɨ́nə́ agho, wɛrə a mɨ gha adaʼ za o mɨ chigɨ njwəŋtə məzen ɨwu, ɨ kɨ gha ndóm wa o mɨ baʼtɨ a zɛrə ɨwu ə.

1 Bita 4:12

O bɨson ɨban, á keʼ awən kɨʼnɨ adzaŋ za nɨ zɛ́nɨ́ ngɨ́ʼ a mbó adzaŋ a njwəŋtə zə ndzáŋə́ zen za nɨ zúʼnə́, tsɛʼ tso ngə́ anu zə tse za a tsanɨ mbó a fúə a nye bɨŋ ə.

Nkyɛʼə 1:9

A nɨ me Yoane, mɨma ɨwɨŋ ə. Me tso táʼ ŋwɔn wa a zɔŋnə a Yeso, ma nɨ ŋwɔn aku ɨwən a nye adzaŋ za ma chigɨnɨ ntəm a mu ngɨ́ʼ za ɨ yenə a mbó ɨbɛn ba bɨ tsinɨ a mu nɨfɔ ɨni ɛ. Bɨ tságɨ́ aghan a Batɨmɔsɨ, adiʼ za nkyi karɨsɨnɨ mbɨ́ʼ ngə́ ma sóŋ anu a Ŋwi abɔʼnɨ ɨnu tsa bɨgɨ zɛ́nɨ́ mbɨ́ʼ a Yeso ghe.

Matyo 6:13

Koʼ nyɛʼtɨ á bɨgɨ ghɨ ɨbvu mbáʼ be bɨ kwaʼnɨ awɨgɨ, lá kwarɨ awɨgɨ a mbó Wu Ntɔmnɨnɨ wa.›

Nkyɛʼə 13:10

Ŋwɔn tsum wa bɨ tsinɨ nɨ nko, bɨ mɨ zagɨ ko ayi ɛ; ŋwɔn tsum wa bɨ tsinɨ nɨ njwitə nɨ lumban, bɨ mɨ zagɨ zhwitɨ ayi nɨ lumban ə. A tiʼə ndiʼə lá ngə́ á ɨbɛn bɨ Ŋwi bɨtsum tsi nɨ achigəntəm abɔʼnɨ abeməntəm ə.”

Ɛfɛso 6:13

Ma lan, tɨtsɔŋnɨ, á nɨ wəgɨ ɨdzúm ntso tsa Ŋwi a ghanɨ a mbó bɨŋ ə! Adzaŋ məwen, a nkfu za ɨ nɨ zɨ ntɔmnɨnɨ ghɨnɨ yen, nɨ ghɨ tɛm ɨ tɨŋə ngə́ twə́ŋ a nkfu za ngaŋ kɨban ɨtsɨŋ tǒnə́ awɨŋ ə. A nkfu za fɨto minə, nɨ mɨ zɛn ngə́ nɨ bvurɨ ntɛm ntɨ́ŋə́ ngə́ twə́ŋ ə.

Nkyɛʼə 8:13

Ma tíʼ nden, ndzúʼ adzaŋ za azám a kɨ́nə́ ndyíə a təntsánɨ́ a mu ɨfɛgɨ a ghámnɨ́ nɨ nji zɨ nkɔʼnɨ atɨ́ ngə́, “Wei ngɨ́ʼ zɨ ngwi! Wei ngɨ́ʼ zɨ ngwi! Wei ngɨ́ʼ zɨ ngwi! A ghɨ tíʼ bɨ́gɨ́ be tɨ́sə́n a mbó ɨbɛn ba bɨ tsinɨ atuəshe a nkfu wa nji za ɨ funɨ a mu ntaŋ tsa abvuʼ ɨtsendá Ŋwi tsa tsi tárə́ mɨ zagɨ tɔŋə!”

Nkyɛʼə 6:10

Bo tɔ́nkɨ́ nɨ nji zɨ ntən ngə́, “Maʼmbyí Tamɨtən Mɨtsum wa a fɛmnɨ nkɨ mbe zɨ wa sóŋnɨ́ nkənu! A ghɨ lɔgɨ lá nkfu ake bɔŋ o sáʼ ɨbɛn bɨ atuəshe nkɨ nɨŋ ngɨ́ʼ a nye bo mbɨ́ʼ ngə́ bo chwírɨ́ alɛm azɨgɨ le?”

Nkyɛʼə 17:8

Ɨnyam mɨbaʼ za kwɛ́ ntsi ntɨŋə, lá ka ɨ bvurɨ ntsi ayi atú ntɨŋə; ɨ tsi a ndóm a fuə a mu abɨ́ a kfúrɨ́mándzó, ɨ kɔʼ ghɛn á bɨ tsənkɨ ayi ɛ. Ɨbɛn ba bɨ tsínə́ atuəshe mbáʼ bɨ bvúrɨ́nɨ́ tɨ ŋwaʼnɨ mɨkum ɨma bɔŋ á bɨ káʼ mbyi, a mu aŋwaʼnɨ a ɨbɛn ba bɨ ghɨnɨ tsi ntən, a mɨ kɨʼnɨ awa bɨtsum adzaŋ za bo lenə ɨnyam mɨbaʼ za. Ɨ kwɛ́ ntsi ntən nkfu tsɛrə; tɨtsɔŋnɨ ka ɨ bə mbvurɨ ayi, lá ɨ ghɨ bə fu a ɨshe ə.

Nkyɛʼə 13:14

Wɛrə a támtɨ́ a ŋwɔn tsum wa a tsínə́ atuəshe ntsa a ndzum ɨnu tsɨ yerɨnɨ-yerɨnɨ tsa Ŋwi a nyɛ́ʼtɨ́nɨ́ ngə́ á wɛrə a ghɨ a ɨshi ntsambyi ɨnyam mɨbaʼ za. Ɨnyam mɨbaʼ za sóŋ a mbó bo ngə́ á bo bɔm a mɔn abe a nkɔ́ʼsɨ́ ɨnyam mɨbaʼ za bɨ lɛ́mnɨ́ nɨ lumban lá ɨ bvurɨ ntsi atú ntən lá atɨ́ ə.

Nkyɛʼə 13:8

Ɨbɛn bɨtsum atuəshe mɨ ghuʼsɨ ayi, lá ɨbɛn ba bɨ ŋwáʼnɨ́nɨ́ mɨkum ɨma bɔŋ ɨ káʼ atuəshe a mu aŋwaʼnɨ a ba bɨ tsinɨ atú ntən, aŋwaʼnɨ a Mɔn Mbyindzɨ wa bɨ zhwítɨ́nɨ́ lá, məbiŋ mɨ keʼ ayi ghuʼsə.

Matyo 26:41

A nkyerɨnə nkə́ ntsaʼtɨnə a Ŋwi mbɨ́ʼ nɨ vwo a mu akwaʼnɨ ə. Azhwi a lǒ ghe, lá ɨnyam ɨnye ɨ ghɔgə.”

Matyo 24:14

Nkən wu Shiʼnɨ wen mbɨ́ʼ nɨfɔ nɨ fɔməbvurə, bɨ ghɨ tiʼ soŋ a wɛrə a mbó mbyi tsum, á ɨ be tso atɛmə-ndzě a mbó ɨlaʼ ɨtsum; a nyom məwa, ndwitə mɨ byi tiʼ yiŋə.”

Roma 1:8

A mbyigɨ mbyi, ma gha a mɨya a mbó Ŋwi ɨghan mbɨ́ʼ awən bɨtsum ntsa a ndzum Yeso Kristo, mbɨ́ʼ ngə́ mbyi tsum ɨ zǔʼ nkərɨ mbɨ́ʼ abeməntəm azən a nye Yeso ghe.

Nkyɛʼə 11:10

Ɨbɛn bɨ atuəshe mɨ tiʼə dórɨ́kɨ́nə́ mbɨ́ʼ ngə́ ben bɨbá kfoə. Bo mɨ dorɨkɨ, ɨ kɨ tsagɨ ɨdzúm tsɨ ghanɨ a mbó ŋwɔn nɨ ŋwɔn, mbɨ́ʼ ngə́ ntóm Ŋwi tsen tsi bá yén nɨ ngɨ́ʼ zɨ ngwi a nye ŋwɔn tsum wa a tsínə́ atuəshe.

Marɨkusɨ 14:9

Tsɛʼ a nkənu, ma sóŋə́ a mbó bɨŋ ə, adiʼ atsum za bɨ ghɨnɨ sóŋ nkən wu shiʼnɨ a mu mbyi, anu za wɛrə a ghɨnɨ lá, bɨ ghɨ kərɨnə a nkwémtɨ́ ɨkum ɨyi ɛ.”

Alukasɨ 2:1

A bé a nkfu məwa lá, Kaisa Agosto a sáʼ ngə́, á bɨ kwaʼ a ŋwɔn tsum a mu ɨlaʼ tsa ɨtsum mbáʼ Roma a kɨ́nə́ sáʼə ghe.

Jemsɨ 3:12

Ɨbɔmbɨma ɨban, atɨ ankwɛbɨnɨ a chi kǒnɨ mɨntam mɨ atɨ mɨ angwafa kə á atɨ a bya kǒnɨ angwafa le? Kə náŋə́bə́rə wa nkyi fɨngwáŋ fúnə́ ɨwu chi fɨgɨ nkyi wu shiʼnɨ le?

Yoane 17:6

Ma ghɨnə ŋwɔn tsum wa o ghánɨ́ a mbó me atuəshe a zhi agho ə. Bo bé ɨbo, o tiʼ nga awa a mbó me ghe. Bo zuʼnɨnə nɨgham ɨno,

2 Timotyo 2:12

Be bɨgɨnə ngěn nɨ mbyi nchigɨ ntəm, muŋ bɨgɨnə ghɨ kɨ saʼnə bɨgɨnə bɨ wɛrə ghe. Be bɨgɨnə ton ayi, muŋ wɛrə a ghɨ kɨ ton awɨgɨnə ghe.

Nkyɛʼə 3:8

Ma zhi ɨnu tsa nɨ ghɨnə ghe; ma zhi ngə́ adaʼ azən a kɨ́gɨ́ ə; nɨ zɔŋnə ɨnu tsa ma díʼnɨ́ awən nɨ tsɛrə, nɨ kə́ faʼə a mbó me nɨ táʼ ntəm ə. Zɛnə azɨŋ ə, ma ŋaʼnə ntsu ndá a ɨshi bən wa ŋwɔn tse a chi keʼ vwuʼnə.

Nkyɛʼə 14:6

Ma tíʼ ndzɛ́n ntsendá Ŋwi zɨ mɔʼɔ ɨ linə atɨ́ atɨ́ a mu ɨfɛgɨ, nɨ nkən wu shiʼnɨ wa ɨ ghɨnɨ ghɔ́ŋ nɨnkoŋ ə. Ɨ kə́ ngěn a nchwítɨ́ wɛrə a mbó ɨbɛn bɨ atuəshe, ngwəgɨ ŋwɔn mɨsɔŋ a ntsu tsum, atsé zə wi atsum, nɨgham nɨtsum bo ɨlaʼ ɨtsum ə.

Nkyɛʼə 16:14

Bo lá ɨzhwi bɨdzɨŋ tsa tsɨ ghɨnɨ ɨnu tsɨ yerɨnɨ-yerɨnɨ lá. Ɨzhwi mətsen tsi tárə́ ghěn a mbó bɨfɔ bɨ atuəshe bɨtsum, ɨ ghotɨ awa adiʼ zɨə mɔ́ʼɔ́ a mbó ntso wa ɨ ghɨnɨ lɔgɨ adiʼ a Njwi wa Ŋwi Tamɨtən Mɨtsum a ghɨnɨ sáʼ ɨbɛn ə.

Nkyɛʼə 17:2

Bɨfɔ bɨ atuəshe kə́ ngɨ̌ ɨnu ntɔrɨ ɨlɛbɨ bo bo, ɨbɛn bɨ atuəshe tíʼ mbánɨ́ mɨluʼ ma ntɨŋ akwarə za a ghánɨ́ a mbó bo, bo bo tiʼ nkɨ ngɨ ɨnu ntɔrɨ ɨlɛbɨ ə.”