Nkyɛʼə 3:1 - Mɨkan wu Fi

¹ “Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Sadisɨ ngə́: Nə nɨ nkən wa ɨ lonɨ a mbó zɨ wa a sáʼnɨ́ ɨzhwi Ŋwi tsa tsi samba tsa tsɨ faʼnə a mbó Ŋwi nkɨ ntiʼtɨ mɨndzɔŋ ma mi samba lá. Ma zhi anu za nɨ ghɨnə ghe; nɨ ghɨ̌ ɨnu tsa tsɨ diʼnɨ ngə́ nɨ tsi ntən lá mbáʼ nɨ kfokɨnə ghe.

Nkyɛʼə 3:1 Referans Kwoze

1 Timotyo 5:6

Lá nkfugɨ mangye wa a tsagɨnɨ nkfu ɨzhi a ndǒ ɨdzúm mbəmnye, a baʼtɨ ntsi ntən ɨ tsinɨ lá, a kfonə ghe.

Jemsɨ 2:26

Ma lan, adzaŋ za mbəmnye tɨ azhwi ɨ kfonɨ lá, ndəŋndəŋ abeməntəm tɨ ɨfaʼ kɨ nkfoə.

Nkyɛʼə 1:4

Ndo a mbó Yoane ngěn a mbó ndáŋwi tsa tsi samba tsa tsɨ tsinɨ a mu mbuʼ Esha lá. A abɔŋəntəm abɔʼnɨ mbɔnɨ tsi a mbó bən ndo a mbó Ŋwi, zɨ wa a benɨ, wa a bénɨ́, wa a lo láʼ yen, nkɨ ndo a mbó ɨzhwi tsa tsi samba tsa tsɨ tsinɨ a ɨshi abərɨ azhi,

Kolose 2:13

A nkfu tse nɨ bé tso nɨ kfókɨ́ mbɨ́ʼ mɨbvu ɨmən nkɨ mbe mbɨ́ʼ ngə́ nɨ bé ba a se bə Yuda be nkeʼ nɨ Nyɔngɔŋ wa chyɛ. Lá Ŋwi a lɔgɨnə awən ngyen nɨ bən a mu ntsi mbyi bɨŋ bɨ Kristo ghe. Ŋwi a lɨ́gɨ́nɨ́ mɨbvu ɨmɨgɨnə mɨtsum;

Judɨ 1:12

Ɨbɛn biŋ be lá tso achwuʼtɨ adiʼ zə nyaʼnɨnɨ a tɨtərɨ bən a nkfu za nɨ bomnkɨnɨ a ndzɨ́ mɨdzɨ mɨ akɔŋnɨ, ndzɨə bɨŋ bo tsɛʼ tɨ mɨnya mɨ adɨrətú ə. Bo lə̌tú tsɛʼ nɨ ɨtumbəm ɨtsa ghe. Bo be lá tso mbaʼ za kɨfɛrɨ a tyíŋnə́ ngěn nɨ zɛrə, ɨ keʼ nɨ mbəŋ a ngyíŋə́ ghe. Bo be lá tso ɨtɨ tsa ka tsɨ nkónə́ awa mɨntam, ɨtɨ a nkfu alom tsa bɨ muʼtɨnə a nye mɨngaŋ ɨma, tsɨ kfokə.

Nkyɛʼə 2:19

Ma zhi ɨnu tsa nɨ ghɨnə ghe. Ma zhi akɔŋnɨ za nɨ tsinɨ nɨ zɛrə a nye me, adzaŋ za nɨ faʼnə nɨ táʼ ntəm, afaʼ azən abɔʼnɨ nchigə ɨzɨŋ ə. Ma zhi ngə́ nɨ faʼə tɨtsɔŋnɨ ntsa adzaŋ za nɨ kɨ chinə faʼə a ntsambyi ɛ.

Alukasɨ 15:24

Mbɨ́ʼ ngə́ mɔn ɨghan wu mbáŋnɨ́ wen a kfô, lá tɨtsɔŋnɨ a bə ntsi ntɨŋ ə; a byê, lá tɨtsɔŋnɨ bɨ bənə ndzɛn ayi ɛ.› Nɨdorɨ na tíʼ mbiʼnə.

Nkyɛʼə 1:16

A tíʼtɨ́ mɨdzɔŋ mi samba a mu abó azhi zə maʼə, lumban ndzum ɨtsum wu ntsɛgɨnɨ a fú wə ɨmu ntsu ə. Ɨshi ɨyi kə́ ŋwankə tso ntsu nɨnyom a ntənɨ nyom ə.

Ɛfɛso 2:5

tsɛʼ a nkfu za bɨgɨnə kfónɨ́ mbɨ́ʼ atɨŋətú azɨgɨnə abɔʼnɨ mɨbvu ɨmɨgɨnə lá, wɛrə a ghɨ́ bɨgɨnə tsi atú ntən bɨgɨnə bɨ Kristo ghe. A ndzum abɔŋəntəm bɨ loŋnə awɨŋ ə.

Alukasɨ 15:32

Lá bɨgɨnə ló ndzágɨ́ ntsí nɨ ngɨ nɨdorɨ ɨ dorɨkɨ, mbɨ́ʼ ngə́ mɨma ɨgho wu mbáŋnɨ́ a kɨ kfô, lá tɨtsɔŋnɨ a tsi ntɨŋ ə; a kɨ byê, lá tɨtsɔŋnɨ bɨ bə ndzɛn ayi ɛ.›”

Ɛfɛso 2:1

Bən, a ghɨ́ awən nɨ tsi ntən, a nkfu za nɨ kfónɨ́ mbɨ́ʼ atɨŋətú azən abɔʼnɨ mɨbvu ɨmən

Nkyɛʼə 2:13

Ma zhi adiʼ za nɨ tsínə́ ɨwu ə, ɨwu, mbáʼ Satan a tsinɨ nɨ abərɨ azhi lá. O sǒŋ nkənu a mbó me, o sé kɨ nyɛʼ abeməntəm azo a nye me a nkfu za tsɛʼ atɛmə-ndzě ɨghan Antibasɨ wa a faʼnə a mbó me nɨ táʼ ntəm, a bɨ zhwítɨ́nɨ́ ayi ɨwu, adiʼ wa Satan a tsínə́ lá.

Nkyɛʼə 1:20

Anu a nkubə za mɨndzɔŋ men mi samba ma o zɛ́nə́ a mu abó azan zə maʼə abɔʼnɨ ɨtɛkɨ nkaʼ tsen tsi samba tsa bɨ nyɛtɨnɨ nɨ ŋwaʼŋwaʼ a diʼnɨ, a nɨ ngə́: mɨndzɔŋ men mi samba be lá ɨtsendá ndáŋwi tsa tsi samba, ɨtɛkɨ nkaʼ tsen tsi samba be ndáŋwi tsa tsi samba ghe.”

Nkyɛʼə 4:5

Azhwibtɨ a mbəŋ a kə́ ŋwankə fuə a nye abərɨ za, mbəŋ kə nkumə nkə́ mbɨ́ʼkə́ fuə ɨwu ə. Bɨ chwúʼ mɨnkaʼ mi samba a ɨshi abərɨ za, mɨ bé lá ɨzhwi Ŋwi tsa tsi samba tsa tsɨ faʼnə a mbó Ŋwi lá.

Nkyɛʼə 1:11

Nji za ɨ sóŋ ngə́, “Ŋwaʼnɨ ɨnu tsa o zɛ́nə́, ntsagɨ aŋwaʼnɨ zə wu a mbó ndáŋwi tsa tsɨ tsinɨ a mu ntáʼmbagə tsɨ wi tsi samba mbáʼ mɨkum ɨma nɨ; Ɛfɛso, Smaina, Bɛgamum, Tiatira, Sadisɨ, Filadɛlfia abɔʼnɨ Laodisia ghe.”

Yoane 1:33

Ma sá zhi ngə́ a nɨ wɛrə ghe, lá Ŋwi, zɨ wa a tyígɨ́nɨ́ aghan a ngá nkyi nɨ nkyi, a sóŋ a mbó me ngə́, ‹O ghɨ zɛ́n á Azhwi a shiʼ ngɔ́ŋ a ɨnye ŋwɔn mbáŋnɨ́ wu tsɛrə ghe; nə nɨ ŋwɔn wa a ghánɨ́ nkyi nɨ Azhwi zə Fɛmnɨ ə.›

Yoane 1:16

Mbɨ́ʼ abɔŋəntəm azhi za a tsinɨ a nɨ́lónɨ́, wɛrə a fɔgɨnə awɨgɨnə bɨtsum, ɨfɔgɨ ghěnə zɨ mɔʼɔ zɔŋənə ghe.

Nkyɛʼə 5:6

Ma tíʼ ndzɛ́n a Mɔn Mbyindzɨ wu tse a tɛm a tɨtərɨ, atú abərɨ za, ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən abɔʼnɨ bɨkum ba karɨsɨ a zɛrə ghe. Mɔn Mbyindzɨ wa a fí tso bɨ zhwítɨnə a wɛrə ghe. A tsí nɨ mɨndɔ́ŋ mi samba nkɨ ntsi nɨ ɨmɨgɨ mi samba mbáʼ lá ɨzhwi tsa tsi samba tsa tsɨ faʼnə a mbó Ŋwi tsa bɨ tsagɨnə a mu mbyi tsum lá.

1 Bita 1:11

Bo zhwə́ŋtɨ́ a ntsɔʼ aku ɨ zhi nkfu za ɨ ghɨnɨ be zɛrə abɔʼnɨ adzaŋ za a ghɨnɨ fuə. Azhwi a Kristo za a tsínɨ́ a mu ɨnye ɨtsa a kə́ ndiʼə lá nkfu məzen, a fɨʼtə bɔŋ a ɨ ghɨ ndáʼ fu, ngɨ́ʼ za Kristo ghɨnɨ zɛ́n abɔʼnɨ nɨfáŋ na nɨ ghɨnɨ zɔŋə.

Ɨfaʼ 2:33

Ŋwi, Ta ɨyi, a tsɔ́ʼ ayi nkɔʼ ngɛn nɨ zɨ a bagɨ abó zɨ zə maʼə ghe. Yeso a kɨnə nkɨ nkwarɨ Azhwi zə Fɛmnɨ a mbó Tarɨ, adzaŋ za wɛrə a káʼnə́. Za nɨ zɛ́nə́ tɨtsɔŋnɨ nkə́ ndzúʼə lá, a nɨ azúm zə ghanɨ zə Yeso za a ghanɨ a mbó bɨgɨ ə.

Yoane 20:22

A nyom məwa a tíʼ nzhwi a nye bo ɨ soŋ ngə́, “A nɨ kwarɨ Azhwi zə Fɛmnɨ ə.

Yoane 3:34

Ŋwɔn wa Ŋwi a tsagɨnɨ lá, a ghamə lá mɨgham mɨ Ŋwi ə; mbɨ́ʼ ngə́ Ŋwi a ghǎ Azhwi azhi wəmbo tɨ ɨfɨʼ ə.

Nkyɛʼə 2:9

Ma zhi ngɨ́ʼ ɨzɨŋ ə; ma zhi ngə́ nɨ nɨ ɨfúm ə — lá nɨ lanɨ mbe lá ngaŋ nkáb ə! Ma zhi ɨnu tsɨ tɔmnɨnɨ tsa ba bɨ soŋnɨ ngə́ bo nɨ bə Yuda tɨ be bə Yuda, a bɨ sóŋnə́ mbɨ́ʼ awɨŋ ə; bo nɨ ngǒtə Satan ə!

Nkyɛʼə 2:2

Ma zhi anu za nɨ ghɨnə ghe; ma zhi adzaŋ za nɨ faʼnə nɨ adaʼ azən atsum abɔʼnɨ nchigə za nɨ tsinə nɨ zɛrə ghe. Ma zhi ngə́ nɨ chi keʼ bemtɨ bɨntɔmnɨnɨ ə. Ma kɨ nji ngə́ nɨ zhwəŋtɨnə ɨbɛn ba bɨ soŋnɨ ngə́ bo nɨ ntóm Yeso tɨ be tsɛrə lá, ntiʼ nji ngə́ bo nɨ ngaŋ ɨchwenu ə.

Nkyɛʼə 3:2

Ma lan, á nɨ lo atɨ́, nkɨ shintɨ a za a bvurɨnɨ ntsi bɔŋ á myigɨnɨ nkfoə. Mbɨ́ʼ ngə́ ma zɛn anu za nɨ ghɨnɨ a keʼ kɔʼ ntəm ngə́ tsáŋ a ɨshi ɨmɨgɨ Ŋwi ə.

Nkyɛʼə 3:8

Ma zhi ɨnu tsa nɨ ghɨnə ghe; ma zhi ngə́ adaʼ azən a kɨ́gɨ́ ə; nɨ zɔŋnə ɨnu tsa ma díʼnɨ́ awən nɨ tsɛrə, nɨ kə́ faʼə a mbó me nɨ táʼ ntəm ə. Zɛnə azɨŋ ə, ma ŋaʼnə ntsu ndá a ɨshi bən wa ŋwɔn tse a chi keʼ vwuʼnə.

Nkyɛʼə 3:15

Ma zhi ɨnu tsa nɨ ghɨnə ghe; ma zhi ngə́ ka nɨ shwě awən nkeʼ nkə́ ndómə́ ghe. A ghɨ́ ake á nɨ shwě kə ndómə́ le!